ហេតុផល៤យ៉ាងបុរសគួរតែហាត់យូហ្គាជារៀងរាល់ថ្ងៃ
មនុស្សជាច្រើនមានការយល់ខុសថាមានតែស្ត្រីទេដែលគួរហាត់យូហ្គា ប៉ុន្តែយូហ្គាពិតជាមានអត្ថប្រយោជន៍មិនគួរឱ្យជឿសម្រាប់បុរសដូចស្ត្រីដែរ …
មនុស្សជាច្រើនមានការយល់ខុសថាមានតែស្ត្រីទេដែលគួរហាត់យូហ្គា ប៉ុន្តែយូហ្គាពិតជាមានអត្ថប្រយោជន៍មិនគួរឱ្យជឿសម្រាប់បុរសដូចស្ត្រីដែរ ។ អ្នកជំនាញយូហ្គាលោក Abhishek Sharma បានប្រាប់ពីមូលហេតុដែលបុរសគួរហាត់យូហ្គាជារៀងរាល់ថ្ងៃ ។
១-បង្កើតកម្លាំងសាច់ដុំ ៖ យូហ្គាប្រើទំងន់នៃរាងកាយរបស់អ្នកក្នុងការបង្កើតសាច់ដុំ និងកម្លាំង ។ អ្នកនឹងទទួលបានផលប្រយោជន៍ក្នុងការបង្កើតសាច់ដុំដូចគ្នាទៅនឹងការធ្វើលំហាត់ប្រាណកម្រិតធ្ងន់ ។
២-ជំរុញផ្លូវភេទ និងចំណង់ផ្លូវភេទ ៖ អ្នកអាចទទួលបានអត្ថប្រយោជន៍នៃជីវិតផ្លូវភេទបានប្រសើរជាងមុន និងបង្កើនចំណង់ផ្លូវភេទពីការហាត់យូហ្គា។ បច្ចេកទេសនៃការដកដង្ហើមអាចជួយធ្វើឲ្យថាមពលផ្លូវភេទរបស់អ្នកមានភាពប្រសើរឡើង ហើយដោយសារការហាត់យូហ្គាធ្វើឲ្យកម្លាំងរបស់អ្នកកាន់តែរឹងមាំ ជីវិតផ្លូវភេទរបស់អ្នកនឹងមានភាពប្រសើរជាងមុន ។
៣-ជួយឲ្យការហាត់ប្រាណរបស់អ្នកមានភាពប្រសើរឡើង ៖ ការសិក្សាដែលបានចេញផ្សាយនៅក្នុងព្រឹត្តិប័ត្រវេជ្ជសាស្ត្រ Biopsychosocial បានរកឃើញថា បុរសដែលបានហាត់យូហ្គារយៈពេល១២សប្តាហ៍មានការកើនកម្លាំង និងកើនឡើងសរសៃពួរ និងស្មាអាចបត់បែនបានកាន់តែល្អ។
៤-បង្កើនទំនុកចិត្ត ៖ ការហាត់យូហ្គាជួយពង្រឹងសាច់ដុំ និងភាពបត់បែនដែលនឹងធ្វើឱ្យអ្នកមើលទៅ និងមានអារម្មណ៍ថាមានទំនុកចិត្តខ្លាំង ។ ក្បាច់យូហ្គាមួយចំនួនក៏ជួយក្នុងការពង្រឹងតុល្យភាពរបស់អ្នក និងសុខភាពឆ្អឹងខ្នង ៕
ចែករំលែកព័តមាននេះ