ចេញពីហូបការមិត្តភក្តិ ឲ្យប្រពន្ធបើកឡាន ស្រាប់តែ…
រាជធានីភ្នំពេញ ៖ ប្ដីប្រពន្ធ២នាក់ ខណៈចេញពីចូលរួមពិធីមង្គលការមិត្តភក្តិដោយប្រពន្ធជាអ្នកបើកឡាន ស្រាប់តែជ្រុលទៅបុករះម៉ូតូកំពុងជិះឆ្លងផ្លូវ២គ្រឿង និងជ្រុលទៅបុក …
រាជធានីភ្នំពេញ ៖ ប្ដីប្រពន្ធ២នាក់ ខណៈចេញពីចូលរួមពិធីមង្គលការមិត្តភក្តិដោយប្រពន្ធជាអ្នកបើកឡាន ស្រាប់តែជ្រុលទៅបុករះម៉ូតូកំពុងជិះឆ្លងផ្លូវ២គ្រឿង និងជ្រុលទៅបុក …
រាជធានីភ្នំពេញ ៖ ប្ដីប្រពន្ធ២នាក់ ខណៈចេញពីចូលរួមពិធីមង្គលការមិត្តភក្តិដោយប្រពន្ធជាអ្នកបើកឡាន ស្រាប់តែជ្រុលទៅបុករះម៉ូតូកំពុងជិះឆ្លងផ្លូវ២គ្រឿង និងជ្រុលទៅបុកផ្ទះប្រជាពលរដ្ឋបង្កឲ្យមានការភ្ញាក់ផ្អើលកាលពីវេលាម៉ោង៧ និង៣០នាទីយប់ ថ្ងៃទី១៨ ខែកុម្ភៈ ឆ្នាំ២០១៧ នៅចំណុចក្បែរច្រកចូលប៉ុស្ដិ៍ស្ទឹងមានជ័យ តាមបណ្ដោយផ្លូវព្រះមុនីរ៉េត ស្ថិតក្នុងភូមិទ្រា សង្កាត់ស្ទឹងមានជ័យ ខណ្ឌមានជ័យ ។
ប្រភពព័ត៌មានពីប្រជាពលរដ្ឋដែលឃើញហេតុការណ៍ បានឲ្យដឹងថា មុនពេលកើតហេតុ គេឃើញរថយន្តម៉ាកកាមរីបាឡែន ពណ៌ស្ករ ពាក់ស្លាកលេខ ភ្នំពេញ 2AG-8653 ប្រពន្ធជាអ្នកបើកឡានប្តីអង្គុយក្បែរ បានធ្វើដំណើរតាមបណ្ដោយផ្លូវព្រះមុនីរ៉េត ក្នុងទិសដៅពីកើតទៅលិចក្នុងល្បឿនល្មម ខណៈមកដល់ចំណុចកើតហេតុ ស្រាប់តែជ្រុលចង្កូតទៅបុករះម៉ូតូហង់ដាឌ្រីម២គ្រឿងដែលកំពុងជិះឆ្លងផ្លូវពេញទំហឹង ហើយរថយន្តបានជ្រុលទៅបុកផ្ទះប្រជាពលរដ្ឋដែលលក់ភេសជ្ជៈបណ្ដាលឲ្យរងការខូចខាតយ៉ាងដំណំ សំណាងល្អក្នុងហេតុការណ៍គ្រោះថ្នាក់ចរាចរណ៍ខាងលើពុំមានរងរបួសធ្ងន់ធ្ងរទេ គ្រាន់តែរបួសស្រាលរលាត់ដៃជើងបន្តិចបន្តួចប៉ុណ្ណោះ ។
ក្រោយពេលកើតហេតុ ម្ចាស់រថយន្តបង្កទាំង២នាក់ប្ដីប្រពន្ធត្រូវបានសមត្ថកិច្ចនគរបាលប៉ុស្ដិ៍ស្ទឹងមានជ័យចុះឃាត់ខ្លួននាំយកមកប៉ុស្ដិ៍ ហើយក៏មានសាច់ញាតិក្រុមគ្រួសារម្ចាស់រថយន្តចុះមកអន្តរាគមន៍ ដោយបានសម្របសម្រួលជាមួយម្ចាស់ម៉ូតូទាំង២គ្រឿង និងបានសងថ្លៃខូចខាត ក្នុងម៉ូតូ១គ្រឿង១៥០ដុល្លារ និង១គ្រឿងទៀត២០ដុល្លារ ។
បន្ទាប់ពីដោះស្រាយជាម៉ូតូរងគ្រោះរួចហើយ ខាងសាច់ញាតិរថយន្តបង្កបានមកដោះស្រាយជាមួយម្ចាស់ផ្ទះរងគ្រោះម្ដង ដោយខាងម្ចាស់ផ្ទះទាសំណងថ្លៃខូចខាតចំនួន៨ពាន់ដុល្លារ តែខាងម្ចាស់រថយន្តបង្កថា ទាមទារហួសហេតុពេក ក៏បានឲ្យសមត្ថកិច្ចធ្វើការវាស់វែងយករថយន្តបង្ក និងម្ចាស់ ទៅកាន់ការិយាល័យចរាចរណ៍ជើងគោករាជធានីភ្នំពេញ រង់ចាំដោះស្រាយគ្នានៅពេលក្រោយ ៕
ចែករំលែកព័តមាននេះ