អស់2កេសស្រវឹងបោកកែវខឹងនាងមិនឱ្យស្ទាបភ្លៅ
រាជធានីភ្នំពេញ ៖ បុរស៥នាក់ដែលចូលច្រៀងខារ៉ាអូខេ ដោយសារខឹងនារីចាប់ទឹកកកមិនឲ្យស្ទាបគល់ភ្លៅ ក៏ក្តៅក្រហាយប្រើហិ.ង្សាក្នុងបន្ទប់ខារ៉ាអូខេបង្កឲ្យមានការ
រាជធានីភ្នំពេញ ៖ បុរស៥នាក់ដែលចូលច្រៀងខារ៉ាអូខេ ដោយសារខឹងនារីចាប់ទឹកកកមិនឲ្យស្ទាបគល់ភ្លៅ ក៏ក្តៅក្រហាយប្រើហិង្សាក្នុងបន្ទប់ខារ៉ាអូខេបង្កឲ្យមានការភ្ញាក់ផ្អើល កាលពីវេលាម៉ោង៨និង៣៥នាទីយប់ថ្ងៃទី១៥ កុម្ភៈនៅខារ៉ាអូខេសំរឹទ្ធិមាស តាមបណ្តោយផ្លូវបេតុងលេខ២០០៤ សង្កាត់កាកាប ខណ្ឌពោធិ៍សែនជ័យ ។
តាមប្រភពព័ត៌មានពីមេការអ្នកកាន់បន្ទប់បានអោយដឹងថា នៅវេលាម៉ោងជាង៦ល្ងាចថ្ងៃកើតហេតុមានភ្ញៀវបុរស៥នាក់ ជិះម៉ូតូ៤គ្រឿង ម៉ាកហុងដាឌ្រីម មួយគ្រឿង ម៉ាកវ៉េវ២គ្រឿង និងស្មាស់ REVO មួយគ្រឿង ចូលច្រៀងខារ៉ាអូខេក្នុងបន្ទប់លេខ២ ផឹកស្រាបៀរអស់មួយកេស ដោយមិនបានកុំម៉ង់យកនារីអូតេសអង្គុយកំដរទេ មានតែនារីម្នាក់ជាអ្នកចាក់បទចម្រៀង និងនារីចាប់ទឹកកក២នាក់ ។
លុះបុរសទាំង៥នាក់ ដែលជាជនបង្កខាងលើផឹកអស់ស្រាបៀរមួយកេសហើយ បានហៅមួយកេសទៀត ពេលនោះជនម្នាក់ដែលស្រវឹងបន្តិចមើលឃើញនារីបម្រើទឹកកកកំភីងៗផងហើយចង់ស្ទាបភ្លៅនារីនាងលេង ចង់អង្អែលតែនាងមិនព្រមឲ្យស្ទាប ធ្វើឲ្យជនបង្កខឹងមួម៉ៅស្រែកថាអស្ចារ្យអីគ្រាន់តែស្រីខារ៉ាអូខេសោះ រួចហើយបានបោះក្បាលមីក្រូហ្វូនចោលរបៀបឌឺដង។ ប៉ុន្តែភ្លាមៗនោះក្បាលមីក្រូហ្វូននៅច្រៀងកើតនៅឡើយទេ និងបានបោកកែវអស់២ទៀត ធ្វើឲ្យនារីចាប់ទឹកកកនៅក្នុងបន្ទប់ភ័យខ្លាចរត់ទៅប្រាប់ថៅកែឲ្យដឹងពីរបស់របរដែលខូចខាត ។
បន្ទាប់ពីផឹកស៊ីរួចរាល់ហើយជនបង្កបានហៅគិតលុយអស់ប្រាក់សរុបទាំងអស់១៦០ដុល្លារ ក្នុងនោះថ្លៃស្រាបៀរ២កេស៦០ដុល្លារនិងថ្លៃខូចខាតរបស់របរក្នុងបន្ទប់ខារ៉ាអូខេ មានកែវ២ក្នុងកែវមួយថ្លៃ១០ដុល្លារ និងមីក្រូហ្វូន៣០ដុល្លារ ធ្វើឲ្យជនបង្កហេតុខឹងមួម៉ៅនិងរកវាយបុគ្គលិកក្នុងហាងព្រមទាំងវាយកម្ទេចកញ្ជ្រែងដាក់ស្ករគ្រាប់ឲ្យម្រិញគង្វាលចោលទៀត ។ ពួកគេស្រវឹងខ្លាំងផងប្រកាសមិនព្រមសងថ្លៃខូចខាតទេ ដោយប្រាប់ឲ្យខាងរ៉ាអូខេប្តឹងដល់ណាប្តឹងទៅ ទើបថៅកែខារ៉ាអូខេប្តឹងសមត្ថកិច្ចចុះមកដល់សម្របសម្រួលប្រាប់ទៅជនបង្កដែលធ្វើឲ្យខូចខាតរបស់គេ ។ ក្រោយពេលសម្រួលគ្នាបន្តិចមកក៏បានសម្រេចចំនួន១១០ដុល្លារបញ្ចប់រឿង ៕
ចែករំលែកព័តមាននេះ