ទីភ្នាក់ងារព័ត៌មានម៉ាឡេស៊ី BERNAMA រាយការណ៍កាលពីថ្ងៃទី១៦ កុម្ភៈ ថា ប៉ូលិសម៉ាឡេស៊ីបានចាប់ខ្លួនជនសង្ស័យម្នាក់ទៀតទាក់ទិននឹងការសម្លា.ប់លោកគីម ជុងណាម នៅព្រលានយន្តហោះក្រុងគូឡាឡាំពួរ ។
ទីភ្នាក់ងារព័ត៌មានម៉ាឡេស៊ី BERNAMA រាយការណ៍កាលពីថ្ងៃទី១៦ កុម្ភៈ ថា ប៉ូលិសម៉ាឡេស៊ីបានចាប់ខ្លួនជនសង្ស័យម្នាក់ទៀតទាក់ទិននឹងការសម្លាប់លោកគីម ជុងណាម នៅព្រលានយន្តហោះក្រុងគូឡាឡាំពួរ ។
ប្រមុខប៉ូលិសជាតិ លោក KHALID ABU BAKAR អះអាងពីការចាប់ខ្លួននេះ ហើយសេចក្តីប្រកាសជាផ្លូវការមួយនឹងចេញផ្សាយនាពេលខាងមុខ ។ គេនៅពុំទាន់នឹងថាតើជនសង្ស័យនេះជានារីម្នាក់មានទំនាក់ទំនងជាមួយនារីម្នាក់ទៀត ដែលចាប់ខ្លួនកាលពីថ្ងៃទី១៥ កុម្ភៈ នៅព្រលានយន្តហោះអន្តរជាតិក្រុងកូឡាឡាំពួរដែរឬយ៉ាងណាឡើយ ។
លទ្ធផលកោសល្យវិច័យសពលោកគីម ជុងណាមសពរបស់លោកគីម ជុងណាម ត្រូវបានធ្វើកោសល្យវិច័យ ហើយលទ្ធផលបង្ហាញពីសញ្ញានានានៃការបំពុលដោយសារធាតុពុលយ៉ាងខ្លាំងបំផុតមួយ ។
កាសែតកូរ៉េខាងត្បូងមួយគូសបញ្ជាក់ថា ពពុះត្រូវបានរកឃើញក្នុងមាត់លោកគីម ជុងណាម ដែលនេះជាសញ្ញានៃការបំពុល ដោយសារធាតុពុលមួយ ។ កាសែតបញ្ជាក់ថា សារធាតុដែលប្រើសម្រាប់សម្លាប់មានអនុភាពខ្លាំងជាងសារធាតុ CYANURE ទៅទៀត ។
យោងតាមការសន្និដ្ឋានផ្សេងៗថា លោកគីម ជុងណាម ត្រូវគេបាញ់ស្ប្រាយមួយប្រភេទ ឬជះវត្ថុរាវមួយលើមុខ ឬត្រូវចាក់ដោយម្ជុលមានសារធាតុពុលនៅព្រលានយន្តហោះ ។ ជនសង្ស័យ២នាក់ត្រូវចាប់ខ្លួនដាច់ដោយឡែកពីគ្នា ។ នារីទី២ត្រូវចាប់ខ្លួនកាន់លិខិតឆ្លងដែនឥណ្ឌូណេស៊ី ។ អ្នកទទួលខុសត្រូវប៉ូលិសម៉ាឡេស៊ី លោក SRI NOOR RAHSHID IBRAHIM ថ្លែងថា ការចាប់ខ្លួនមនុស្សច្រើនទៀតអាចមាននាថ្ងៃទី១៦ កុម្ភៈ ។
ម៉ាឡេស៊ីអាចប្រគល់សពលោកគីម ជុងណាម ឱ្យកូរ៉េខាងជើងឧបនាយករដ្ឋមន្ត្រីម៉ាឡេស៊ីមួយរូបថ្លែងនាថ្ងៃទី១៦ កុម្ភៈ ថា ម៉ាឡេស៊ីនឹងប្រគល់ឱ្យកូរ៉េខាងជើងនូវសពលោកគីម ជុងណាម តាមសំណើរបស់ក្រុងព្យុងយ៉ាង ។
លោក AHMAD ZAHID HAMIDI ថ្លែងទៅកាន់ក្រុមអ្នកកាសែតថា បុរសត្រូវគេសម្លាប់នៅព្រលានយន្តហោះក្រុងគូឡាឡាំពួរពិតជាលោកគីម ជុងណាម ។ យើងតែងបំពេញការទាមទាររបស់គ្រប់រដ្ឋាភិបាលបរទេស ទោះបីមាននីតិវិធីត្រូវបំពេញក្តី ។ នយោបាយរបស់យើងផ្តោតលើការថែរក្សាទំនាក់ទំនងទ្វេភាគីជាមួយគ្រប់ប្រទេស ៕
ចែករំលែកព័តមាននេះ