ចិនបង្កើតអគារ«ព្រៃបញ្ឈរ»បន្ថយជាតិពុលក្នុងអាកាស
ប្រទេសចិនបានបង្ហាញអគារ«ព្រៃបញ្ឈរ»(Vertical Forest)នៅណានជីង ជាអគារសម្រាប់រស់នៅគ្របដណ្តប់ដោយដើមឈើពណ៌បៃតងគួរឱ្យគយគន់ និងផ្តល់អាកាសធាតុបរិសុទ្ធ ។
ប្រទេសចិនបានបង្ហាញអគារ«ព្រៃបញ្ឈរ»(Vertical Forest)នៅណានជីង ជាអគារសម្រាប់រស់នៅគ្របដណ្តប់ដោយដើមឈើពណ៌បៃតងគួរឱ្យគយគន់ និងផ្តល់អាកាសធាតុបរិសុទ្ធ ។
ប្រទេសចិនបានបង្ហាញអគារ«ព្រៃបញ្ឈរ»(Vertical Forest)នៅណានជីង ជាអគារសម្រាប់រស់នៅគ្របដណ្តប់ដោយដើមឈើពណ៌បៃតងគួរឱ្យគយគន់ និងផ្តល់អាកាសធាតុបរិសុទ្ធ ។
វេបសាយ«People»របស់ចិនផ្សាយកាលពីពេល ថ្មីៗកន្លងមកថា ក្រុងណានជីងជាក្រុងរបស់ខេត្តជាំងស៊ូ ភាគខាងកើតប្រទេសចិន បានបង្កើតអគារថ្មីដើម្បីដោះស្រាយបញ្ហាជាតិពុលក្នុងអាកាសធាតុ ដោយបានជ្រើសយកសំណង់ប្រភេទ«ព្រៃបញ្ឈរ» ។ ព្រៃតាំងបញ្ឈរនោះជាប្រភេទអគារខ្ពស់សម្រាប់ស្នាក់នៅចំនួន២អគារ គ្របដណ្តប់ដោយរុក្ខជាតិពណ៌ខៀវខ្ចីជាច្រើនប្រភេទ ដើម្បីស្រូបយកជាតិពុល និងបង្កើតអាកាសធាតុបរិសុទ្ធដល់ពលរដ្ឋនិងអ្នកទេសចរ ។ គោលគំនិតនោះកើតចេញពីលោកស្តេហ្វាណូ បូអេរី ស្ថាបនិកជនជាតិអីុតាលី ។
សំណង់អគារជាលក្ខណៈព្រៃបញ្ឈរនៅណានជីងឈ្មោះ«Nanjing Green Towers»សាងសង់ នៅប្របមាត់ទន្លេយ៉ាងស៊ី ដោយយករុក្ខជាតិសរុប១.១០០តោនដាំនៅលើអគារ ជាប្រភេទរុក្ខជាតិក្នុងស្រុកប្រហែល២៣ពូជ ។ ក្រៅពីនេះមានរុក្ខជាតិជាង២.៥០០ដើមផ្សាំបង្កាត់ពូជ រំពឹងថាគម្រោងនេះនឹងស្រូបយកកាបូនឌីអុកសុីតដល់ទៅ២៥តោនក្នុងមួយឆ្នាំ និងផលិតអុកស៊ីហ្សែនបាន៦០គីឡូក្រាមក្នុងមួយថ្ងៃ ។
គម្រោងការ«Nanjing Green Towers» នឹងក្លាយជាព្រៃតាំងបញ្ឈរលើកដំបូងនៅអាស៊ី និងកំណត់សាងសង់ឱ្យរួចរាល់នៅឆ្នាំ២០១៨ ខណៈពេលទីក្រុងផ្សេងទៀតរួមមានឈុងជីង និងសៀងហៃ ក៏មានផែនការសង់អគារបៃតងបែបនេះដែរ ៕
ចែករំលែកព័តមាននេះ