Youtube បានចាប់ផ្តើមអនុញ្ញាតឱ្យម្ចាស់គណនេយ្យដែលទទួលបានភាពពេញនិយមកន្លងមកនោះមានសិទ្ធិផ្សាយបន្តផ្ទាល់លើគេហទំព័រ Youtube តាមរយៈទូរស័ព្ទ ដៃរបស់គេ ។ កម្មវិធីថ្មីនោះជាសារមួយបញ្ជាក់ថា
Youtube បានចាប់ផ្តើមអនុញ្ញាតឱ្យម្ចាស់គណនេយ្យដែលទទួលបានភាពពេញនិយមកន្លងមកនោះមានសិទ្ធិផ្សាយបន្តផ្ទាល់លើគេហទំព័រ Youtube តាមរយៈទូរស័ព្ទ ដៃរបស់គេ ។ កម្មវិធីថ្មីនោះជាសារមួយបញ្ជាក់ថាក្រុមហ៊ុនYoutube នឹងប្រកួតប្រជែងជាមួយក្រុមហ៊ុនFacebook និងក្រុមហ៊ុនTwitterដែលបញ្ចូលកម្មវិធីផ្សាយផ្ទាល់ចេញពីទូរស័ព្ទមុនYoutubeនោះ ។
ក្រុមហ៊ុនGoogleមានសិទ្ធិទទួលបានកម្មវិធីផ្សាយវីដេអូផ្ទាល់ពីក្រុមហ៊ុនYoutubeចេញពី កុំព្យូទ័រតាំងពី៦ឆ្នាំមុនមកម្ល៉េះ ។ លោកBarbara Macdonald និងKurt Wilmsដែលជាប្រធានផ្នែកផលិតផលរបស់Youtubeបាននិយាយថាកម្មវិធីថ្មីសម្រាប់ផ្សាយវីដេអូផ្ទាល់លើYoutubeនេះ សម្រាប់តែម្ចាស់គណនេយ្យដែលជាសមាជិកYoutube ឬគេហៅថាម្ចាស់ប៉ុស្តិ៍ដែលបានបង្កើត នៅលើYoutubeដែលមានអ្នកចុះឈ្មោះមើលប៉ុស្តិ៍នោះចាប់ពី១០.០០០ទើបទទួលបានសិទ្ធិផ្សាយវីដេអូផ្ទាល់ចេញពីទូរស័ព្ទបាន ។
ពួកគាត់បន្តថា ការដាក់កម្មវិធីថ្មីនោះ គឺយើងបានផ្តល់អំណាចក្នុងការផ្សាយវីដេអូផ្ទាល់ទៅដល់ដៃអ្នកដែលមានទេពកោសល្យក្នុងការបង្កើតវីដេអូ និងផ្តល់ភាពជិតស្និទ្ធ និងឯករាជ្យដើម្បីឱ្យពួកគេចែករំលែកការគិតជិវិតរស់នៅប្រចាំថ្ងៃ និងគំនិតច្នៃប្រឌិត ។ ពួកគាត់បានសន្យាថាកម្មវិធីប្រើប្រាស់ ផ្សេងៗទៀត នឹងត្រូវដាក់ឱ្យប្រើប្រាស់លើYoutubeក្នុងពេល ឆាប់ៗខាងមុខ ។
Youtubeក៏បានបន្ថែមការលើកទឹកចិត្តផ្នែកហិរញ្ញវត្ថុផងដែរ តាមរយៈទម្រង់មួយឈ្មោះថា Super Chatដែលអនុញ្ញាតឱ្យអ្នកដែលជាតារាផ្សាយវីអេអូផ្ទាល់ អាចរកប្រាក់បានពីអ្នកគាំទ្រ ដែលហ៊ានចំណាយប្រាក់សម្រាប់សេវាផ្ញើសារទៅគ្នាមានពណ៌ដិត ឬសារត្រូវស្ថិតនៅលើបំផុត ដែលអ្នកផ្សាយអាចមើលឃើញមុនគេជាដើម ។ មានម្ចាស់គណនេយ្យឈ្មោះTypical Gamer ក្នុងSuper Chat អាចរកប្រាក់បានប្រហែល៤.០០០ដុល្លារក្នុងពេលផ្សាយត្រឹមតែ៩០នាទីប៉ុណ្ណោះ ។
Super Chat គឺដូចជាការចំណាយប្រាក់សម្រាប់អង្គុយនៅជួរមុខក្នុងសម័យកាលឌីជីថលនេះដែរ ។ កាលពីខែធ្នូ ក្រុមហ៊ុន Facebook បានចាប់ផ្តើមសាកល្បងសេវាកម្មផ្សាយវីដេអូផ្ទាល់ ។ ពេលនេះFacebookអនុញ្ញាតឱ្យអ្នកប្រើប្រាស់Facebookអាចផ្សាយវីដេអូផ្ទាល់លើបណ្តាញសង្គមរបស់ខ្លួន ៕
ចែករំលែកព័តមាននេះ