កម្មវិធីក្នុងទូរស័ព្ទបានជួយដល់អាជ្ញាធរចិនស្វែងរកក្មេងបាត់ខ្លួនជាច្រើនករណីកាលពីឆ្នាំមុន។ នេះបើតាមទីភ្នាក់ងារព័ត៌មាន Xinhua ចិន ។ ក្រសួងសន្តិសុខសាធារណៈចិនបាននិយាយថា មានក្មេងបាត់ខ្លួនប្រមាណ៦១១នាក់ត្រូវបានរកឃើញវិញកាលពីឆ្នាំ២០១៦ ។
កម្មវិធីក្នុងទូរស័ព្ទ Tuanyuan ជាភាសាចិនឬការជួបជុំត្រូវបានបង្កើតឡើងដោយក្រុមហ៊ុន Alibaba និងដាក់ឲ្យដំណើរការនៅខែឧសភា ។
វាជាកម្មវិធីដែលអនុញ្ញាតឲ្យមន្ត្រីប៉ូលិសចែករំលែកព័ត៌មានគ្នា និងធ្វើការជាមួយគ្នាប្រកបដោយប្រសិទ្ធភាព ។
App នេះដំណើរមានភាពងាយស្រួលដូចជាអ្នកប្រើប្រាស់ App ដែលនៅក្បែរកន្លែងបាត់ខ្លួន និងទទួលព័ត៌មាន និងរូបថតក្មេងបាត់ខ្លួនតាមរយៈសារជូនដំណឹង ។ សារជូនដំណឹងនឹងបញ្ជូនបន្តកាន់តែឆ្ងាយពីកន្លែងបាត់ខ្លួនតាមរយៈអ្នកប្រើប្រាស់កម្មវិធីរហូតក្មេងបាត់ខ្លួនត្រូវបានគេរកឃើញ ។ នៅចុងឆ្នាំ២០១៦កម្មវិធីនេះត្រូវបានកែប្រែបន្ថែមឲ្យកាន់តែល្អប្រសើរ រហូតអាចសហការជាមួយគេហទំព័រ ធំៗផ្សេងទៀតក្នុងប្រទេសចិនដូចជា គេហទំព័រ Taobao, Search engine baidu, Tencent, Software QQ និង Didi Chuxing ៕
ចែករំលែកព័តមាននេះ