សាហា.វណាស់ ! វាយសន្តិសុខហើយដកកាំភ្លើងបា.ញ់ទៀត
រាជធានីភ្នំពេញ ៖ សន្តិសុខក្រុមហ៊ុនព្រះខ័នរាជ២នាក់ខណៈកំពុងយាមការដ្ឋានសាងសង់បុរីនៅក្នុងបឹងកក់ត្រូវបានបុរសម្នាក់ដែលគេស្គាល់ជាមន្ត្រីនគរបាលបើកឡានទៅ …
រាជធានីភ្នំពេញ ៖ សន្តិសុខក្រុមហ៊ុនព្រះខ័នរាជ២នាក់ខណៈកំពុងយាមការដ្ឋានសាងសង់បុរីនៅក្នុងបឹងកក់ត្រូវបានបុរសម្នាក់ដែលគេស្គាល់ជាមន្ត្រីនគរបាលបើកឡានទៅ …
រាជធានីភ្នំពេញ ៖ សន្តិសុខក្រុមហ៊ុនព្រះខ័នរាជ២នាក់ខណៈកំពុងយាមការដ្ឋានសាងសង់បុរីនៅក្នុងបឹងកក់ត្រូវបានបុរសម្នាក់ដែលគេស្គាល់ជាមន្ត្រីនគរបាលបើកឡានទៅវាយធ្វើបាប និងដកកាំភ្លើងខ្លីបាញ់១គ្រាប់បង្កឲ្យមានការភ្ញាក់ផ្អើលកាលពីវេលាម៉ោង៨ និង៣០នាទីយប់ ថ្ងៃទី៥ ខែកុម្ភៈ ឆ្នាំ២០១៧ តាមបណ្តោយផ្លូវបេតុង នៅចំណុចការដ្ឋានបុរីនៅក្នុងបឹងកក់ ស្ថិតនៅក្នុងសង្កាត់ស្រះចក ខណ្ឌដូនពេញ ។
ជនរងគ្រោះទី១ឈ្មោះ ហ៊ិន សុខខេង ភេទប្រុស អាយុ២៤ឆ្នាំ ស្នាក់នៅក្រុមហ៊ុនសន្តិសុខព្រះខ័នរាជ មានស្រុកកំណើតនៅភូមិកោះ ឃុំលលកស ស្រុកសំពៅមាស ខេត្តពោធិ៍សាត់ បានរងរបួសស្រាល និងជនរងគ្រោះដែលត្រូវជនសង្ស័យវាយ និងបាញ់មួយគ្រាប់ឈ្មោះ គង់ សាវិត ភេទប្រុស អាយុ២០ឆ្នាំ ស្នាក់នៅក្រុមហ៊ុនសន្តិសុខព្រះខ័នរាជ មានស្រុកកំណើតនៅភូមិភ្នំដែក ឃុំរំមន្នី ស្រុករវៀង ខេត្តព្រះវិហារ រងរបួសបែក ចិញ្ចើម និងខ្ទង់ច្រមុះ ។ ចំណែកជនសង្ស័យមានឈ្មោះ លី ប៊ុនអេង អាយុជាង៣០ឆ្នាំ ជាមន្ត្រីនគរបាល ។
ប្រភពព័ត៌មានពីជនរងគ្រោះឈ្មោះ ហ៊ិន សុខខេង បានឲ្យដឹងថា មុនពេលកើតហេតុគាត់កំពុងយាមការដ្ឋានសាងសង់បុរីមួយកន្លែងនៅម្តុំបឹងកក់ ជិតរ៉ារទេះភ្លើង ស្រាប់តែបុរសម្នាក់ឈ្មោះ លី ប៊ុនអេង ដែលគេដឹងថា ជាមន្ត្រីនគរបាលមួយរូប បានបើករថយន្តម៉ាកម៉ាស្តា ពណ៌ខ្មៅ ពាក់ស្លាកលេខ ភ្នំពេញ 2Z-3578 មកដល់បានសួរជនរងគ្រោះថា មានឃើញកម្មករ៤នាក់រត់ចូលទៅក្នុងការដ្ឋានទេ ប្រាប់ឲ្យចេញមកខាងក្រៅ ។ ដោយជនរងគ្រោះមិនហ៊ានដើរចោលគោលដៅ ក៏រត់ទៅបំណងប្រាប់មេរបស់ខ្លួន ស្រាប់តែជនសង្ស័យបានហៅមកវិញ ហើយវាយមួយដៃ ពេលនោះជនរងគ្រោះឈ្មោះ គង់ សាវិត ដើរចូលទៅសួរជនសង្ស័យថា ម៉េចបានជាវ៉ៃសន្តិសុខគ្នាគាត់បែបនេះ ភ្លាមៗនោះជនសង្ស័យខឹងកាន់តែខ្លាំងបានដកកាំភ្លើងខ្លីវាយឈ្មោះ គង់ សាវិត ១ស្នាប់កាំភ្លើង ហើយបាញ់១គ្រាប់ទៀត តែសំណាងល្អមិនត្រូវ ហើយជនសង្ស័យបានបើករថយន្តចេញទៅបាត់ស្រមោលតែម្តង ។
ជនរងគ្រោះបន្តឲ្យដឹងទៀតថា ពេលល្ងាចមុនកើតហេតុ ជនសង្ស័យបានបាញ់នៅមុខបុរីនេះចំនួន២គ្រាប់ម្តងមកហើយ តែមិនបណ្តាលឲ្យរងរបួសទេ ។
ក្រោយពេលកើតហេតុ លោកអធិការខណដូនពេញបានដឹកនាំកម្លាំងមូលដ្ឋានចុះទៅដល់កន្លែងកើតហេតុ ស្រាវជ្រាវរកឃើញសំបកគ្រាប់កាំភ្លើងម៉ាកឡុក១គ្រាប់ រួចនាំជនរងគ្រោះបានដាក់ពាក្យបណ្តឹងនៅប៉ុស្តិ៍នគរបាលរដ្ឋបាលស្រះចក ដើម្បីស្រាវជ្រាវចាប់ជនសង្ស័យយកមកផ្តន្ទាទោសតាមច្បាប់ ដោយជនរងគ្រោះអះអាងថា ស្គាល់ជនសង្ស័យច្បាស់ និងមានរូបថតរបស់ជនសង្ស័យផងដែរ ៕
ចែករំលែកព័តមាននេះ