ខេត្តសៀមរាប ៖ ប្រាសាទព្រះគោ សាង សង់ឡើងពីឥដ្ឋ បែរមុខទៅទិសខាងកើតមានកំពែង៣ជាន់ កំពែងខាងក្រៅមានទំហំ៥០០ម៉ែត្រគុណនឹង៤០០ម៉ែត្រ និងមានគោបុរៈនៅខាងលិច និងខាងកើត ។ នៅផ្នែក
ខេត្តសៀមរាប ៖ ប្រាសាទព្រះគោ សាង សង់ឡើងពីឥដ្ឋ បែរមុខទៅទិសខាងកើតមានកំពែង៣ជាន់ កំពែងខាងក្រៅមានទំហំ៥០០ម៉ែត្រគុណនឹង៤០០ម៉ែត្រ និងមានគោបុរៈនៅខាងលិច និងខាងកើត ។ នៅផ្នែកកណ្ដាលខាងកើតមានរូបគោនិន្ទ៣ បែរទៅរកប្រាសាទ ។
បើធ្វើដំណើរពីភ្នំពេញចូលដល់ស្រុកប្រាសាទបាគងបត់ឆ្វេងនឹងដល់ប្រាសាទបាគងមុនរួចហើយទើបទៅដល់ប្រាសាទព្រះគោ មានទីតាំងស្ថិតនៅពីខាងឆ្វេងដៃ ចូលពីផ្លូវជាតិលេខ៦ ចម្ងាយជិត២០០ម៉ែត្រ ក្នុងភូមិឪឡោក ឃុំប្រាសាទបាគង ស្រុកប្រាសាទបាគង ខេត្តសៀមរាបចម្ងាយប្រមាណ១២គីឡូម៉ែត្រពីទីរួមខេត្ត។
កាលពីពេល ថ្មីៗកន្លងមកលោកគឹម វិសុទ្ធ មគ្គុទេ្ទសទេសចរណ៍ភាសាវៀតណាមឱ្យដឹងថា ប្រាសាទព្រះគោនេះសាងសង់ឡើងនៅក្នុងរជ្ជកាលព្រះបាទឥន្ទ្រវរ្ម័នទី១ (៨៧៧-៨៨៦) មុនប្រាសាទបាគង រយៈពេល២ឆ្នាំ ។ ចំណែកឯតួប៉មប្រាសាទទាំងអស់៦ សង់លើខឿនតែមួយចែកជាពីរជួរ ដោយជួរមុខមានប្រាសាទចំនួន៣ និងជួរក្រោយមានប្រាសាទចំនួន៣ដូចគ្នា ។ ប្រាសាទទាំង៦ នេះគឺព្រះបាទឥន្ទ្រវរ្ម័នសាងឡើងដើម្បីឧទ្ទិសថ្វាយដល់ព្រះឥសូរផង និងដល់បុព្វការីរបស់ទ្រង់ផង ដូចជាប្រាង្គមួយឈ្មោះស្រីប ឬថិវីទ្ទ្រេស្វរៈ សម្រាប់ថ្វាយដល់ព្រះបិតារបស់ទ្រង់ ។ រីឯប្រាង្គស្រីប ឬទ្ទ្រេទេវី សម្រាប់ថ្វាយដល់ព្រះមាតារបស់ទ្រង់ ។ ប្រាង្គស្រីបរមេស្វរៈ សម្រាប់ថ្វាយដល់ព្រះបិតុលារបស់ទ្រង់ គឺព្រះបាទជ័យវរ្ម័នទី២ ក្សត្រដំបូងនៃសម័យអង្គរ ។ ប្រាង្គស្រីធរណិន្ទ្រទេវី សម្រាប់ថ្វាយដល់ព្រះមហេសីរបស់ព្រះបាទជ័យវរ្ម័នទី២។ ប្រាង្គស្រីរុទ្រេស្វរៈ សម្រាប់ថ្វាយដល់ជីតាខាងព្រះមាតា ។ ប្រាង្គចុងក្រោយមិនស្គាល់ឈ្មោះសម្រាប់ថ្វាយដល់ជីដូនខាងព្រះមាតា ។
គេគ្រាន់តែស្គាល់ឈ្មោះប្រាង្គដូចបានរៀបរាប់ប៉ុណ្ណោះ ប៉ុន្តែចំពោះឈ្មោះទាំងនេះត្រូវនឹងប្រាង្គណាមួយឱ្យពិតប្រាកដនោះ ពុំទាន់មានឯកសារណាមួយបញ្ជាក់ឡើយទេ ។
ប្រាសាទព្រះគោក៏ជាតង្វាយចំពោះព្រះសូរផងដែរ ព្រោះមានរូបសំណាកគោនិន្ទ ចំនួន៣ បែរមុខទៅប្រាសាទជាសក្ខីភាពស្រាប់ ៕
ចែករំលែកព័តមាននេះ