គ្រូបង្វឹកក្លិបបិសាចក្រហម Man Utd លោក Jose Mourinho ថា ក្លិបចិនធ្លាប់ទាក់ទងរូបលោក ប៉ុន្តែលោកបានច្រានចោលសំណើររបស់ពួកគេ ។ ទោះបីយ៉ាងណា អតីតគ្រូបង្វឹកក្លិបតោខៀវ Chelsea វ័យ៥៤ឆ្នាំរូបនេះ មិនបង្ហើបឈ្មោះក្លិបណាមួយដែលចង់បានលោកនោះឡើយ ។
Jose Mourinho និយាយថា៖ «ខ្ញុំបានបដិសេធសំណើរបស់ក្លិបចិន ប៉ុន្តែខ្ញុំមិនរិះគន់កីឡាករណាដែលសម្រេចចិត្តទៅលេងនៅចិននោះទេ ព្រោះវាជាជម្រើសរបស់ពួកគេ» ។
បច្ចុប្បន្ន ក្លិបចិនកំពុងជះលុយ និងព្យាយាមប្រមាញ់កីឡាករពីក្លិបល្បីៗនៅអឺរ៉ុប ក្នុងនោះមានដូចជាកីឡាករ Paulinho, Ramires, Jackson Martinez, Oscar, Tevez, Witsel, Hulk និងកីឡាករ Pelle កំពុងលេងនៅចិន ៕
ចែករំលែកព័តមាននេះ