ខេត្ដកំពង់ស្ពឺ ៖ ត្រីចាបជាប្រភេទត្រី ដែលរាជរដ្ឋាភិបាលហាមមិនឱ្យចិញ្ចឹម និង ដាក់លក់លើទីផ្សារនៃព្រះរាជាណាចក្រ កម្ពុជា តែត្រីនេះត្រូវបានគេឃើញមានលក់ នៅតាមទីផ្សារដដែល ។ ជាការកត់សំគាល់ ក្រុមមន្ដ្រីជំនាញជលផលពុំបានធ្វើការហាមឃាត់ ឬណែនាំដល់ក្រុមអាជីវករឱ្យបញ្ឈប់ ការលក់ដូរត្រីប្រភេទនេះឡើយ។
ជាក់ស្ដែងប្រភេទត្រីចាបនេះត្រូវបាន បញ្ឈប់ការលក់ដូរនៅទីផ្សារធំកំពង់ស្ពឺជាយូរមកហើយ ប៉ុន្ដែបែរជាមកដាក់លក់យ៉ាង គគ្រឹកគគ្រេងនៅផ្សារត្រញំងអំពិលថ្នល់ ទទឹង ក្នុងទឹកដីស្រុកសំរោងទងទៅវិញ ។ អាជីវករអ្នកលក់ត្រីក្បែរគ្នាក្នុងផ្សារត្រញំងអំពិលថ្នល់ទទឹង បាននិយាយនៅព្រឹកថ្ងៃទី ២២ ធ្នូ កន្លងមកនេះថា ការនាំចូលប្រភេទត្រី ចាបជាត្រីខុសច្បាប់ដែលបានហាមឃាត់នោះត្រូវបានគេដឹកមកលក់រាល់ព្រឹកនៅផ្សារ ត្រញំងអំពិលនេះ តាមរថយន្ដមួយគ្រឿង ដោយដឹកនាំចេញមកពីខេត្ដតាកែវ វេលា ទៀបភ្លឺ យកមកបោះឱ្យម៉ូយក្នុង១ថ្ងៃពី៥០០ គីឡូក្រាមទៅមួយតោន ហើយលក់ដាច់យ៉ាង ស្ងៀមស្ងាត់ដែលមន្ដ្រីជលផលមើលពុំឃើញ ។ ការដាក់លក់ត្រីចាបនេះទៀត សោត គឺមានការប្រណាំងប្រជែងជាមួយនឹង ត្រីទន្លេទៀតផង។
ត្រីចាបដែលបោះឱ្យម៉ូយដុំធំនៅផ្សារ ត្រញំងអំពិលថ្នល់ទទឹងនោះ គឺមានម៉ូយ ទទួលយកទៅលក់បន្ដនៅតាមបណ្ដាស្រុក ថែមទៀត ដែលជាអំពើប្រឆាំងនឹងច្បាប់ របស់រដ្ឋដែលបានធ្វើការហាមឃាត់។ អ្នកធ្វើអាជីវកម្មត្រីខុសច្បាប់បែបនេះ ត្រូវបានប្រជាពលរដ្ឋ ឬអាជីវករលក់ដូរត្រី ដូចគ្នានិយាយថា អាចយកដៃបិទភ្នែកមន្ដ្រី អសកម្មមួយចំនួនណានោះ ទើបត្រីចាបនេះ ដំណើរការលក់ដូរបានយ៉ាងគគ្រឹកគគ្រេងនៅផ្សារត្រញំងអំពិលថ្នល់ទទឹង។ ការបារម្ភខ្លាច តែត្រីនេះបន្ដពូជក្នុងទន្លេ៕
ចែករំលែកព័តមាននេះ