នាយចេកទទួលអំណោយពីកាកបាទក្រហមកម្ពុជាខណៈម្តាយនិងភរិយាមានជំងឺ
រាជធានីភ្នំពេញ ៖ តារាកំប្លែងលោកឈុំ ប៊ុនឈឿន ហៅនាយចេក បានទទួលអំណោយជាគ្រឿងឧបភោគបរិភោគ និងប្រាក់ពីកាក បាទក្រហមកម្ពុជា ខណៈភរិយា និងម្តាយកំពុងញាំញីដោយជំងឺ ។
រាជធានីភ្នំពេញ ៖ តារាកំប្លែងលោកឈុំ ប៊ុនឈឿន ហៅនាយចេក បានទទួលអំណោយជាគ្រឿងឧបភោគបរិភោគ និងប្រាក់ពីកាក បាទក្រហមកម្ពុជា ខណៈភរិយា និងម្តាយកំពុងញាំញីដោយជំងឺ ។
រាជធានីភ្នំពេញ ៖ តារាកំប្លែងលោកឈុំ ប៊ុនឈឿន ហៅនាយចេក បានទទួលអំណោយជាគ្រឿងឧបភោគបរិភោគ និងប្រាក់ពីកាក បាទក្រហមកម្ពុជា ខណៈភរិយា និងម្តាយកំពុងញាំញីដោយជំងឺ ។
ពិធីប្រគល់ និងទទួលអំណោយសប្បុរសធម៌ធ្វើឡើងនៅទីស្នាក់ការកណ្ដាលកាកបាទក្រហមកម្ពុជា កាលពីរសៀលថ្ងៃទី១៩ ខែមករា ឆ្នាំ២០១៧ តាមរយៈលោកជំទាវម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា តំណាងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ។
នាឱកាសនោះលោកជំទាវម៉ែន នារីសោភ័គ បានផ្តាំផ្ញើដល់តារាកំប្លែងនាយចេកឲ្យខិតខំមើលថែជំងឺម្តាយ និងភរិយាឲ្យបានជាសះស្បើយ និងបន្តការងារសិល្បៈកំប្លែងជូនប្រិយមិត្តបានសប្បាយរីករាយទៀត ។ បើទោះបីជាអំណោយសប្បុរសធម៌ដែលប្រគល់ជូនមិនអាចឆ្លើយតបគ្រប់គ្រាន់តាមតម្រូវការក្តី ប៉ុន្តែវាជាការជួយដោះទុក្ខលំបាកមួយគ្រា។
កាកបាទក្រហមកម្ពុជាដែលដឹកនាំដោយសម្តេចកិត្តិព្រឹទ្ធបណ្ឌិតតែងតែយកចិត្តទុកដាក់ និងឆ្លើយតប ភ្លាមៗចំពោះប្រជាពលរដ្ឋដែលជួបទុក្ខលំបាក ក្នុងនោះសិល្បករខ្មែរដែលមានការខ្វះខាតផងដែរ ។
លោកឈុំ ប៊ុនឈឿន ហៅនាយចេកបានសម្ដែងក្តីរំភើបរីករាយចំពោះសម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលជួយឧបត្ថម្ភដល់នាយ ហើយជានិច្ចកាលតែងតែយកចិត្តទុកដាក់ចំពោះសិល្បករជើងចាស់ ដែលបានរួមចំណែកថែរក្សាសិល្បៈ វប្បធម៌ និងបន្សល់ទុកស្នាដៃជាច្រើនសម្រាប់យុវជនខ្មែរជំនាន់ក្រោយ ។
នាយចេក អាយុ៦៣ឆ្នាំ មានទីលំនៅក្នុងភូមិឆ្មាពួន ឃុំជើងកើប ស្រុកកណ្ដាលស្ទឹង ខេត្តកណ្ដាល កំពុងជួបការលំបាកផ្ទួនគ្នា ដោយភរិយាមានជំងឺត្រូវវះកាត់ រីឯម្តាយជរាមានជំងឺបេះដូងធ្ងន់ កំពុងសម្រាកព្យាបាលនៅមន្ទីរពេទ្យជ័យជម្នះ ក្រុងតាខ្មៅ ខេត្តកណ្តាល ៕
ចែករំលែកព័តមាននេះ