រាជធានីភ្នំពេញ ៖ ក្រុមតន្ដ្រីបងប្អូនដែលមុននេះមានសមាជិកតែ៥នាក់ តែមកដល់ពេល នេះបានពង្រីកសមាជិករហូតដល់៧នាក់ ហើយ ៗកំពុងមមាញឹកក្នុងការផលិតស៊ីឌីវ៉ុលដំបូង និងត្រៀមចេញលក់ក្នុងអំឡុងខែតុលាខាងមុខ ។ ក្រុមតន្ដ្រីបងប្អូនដែលសុទ្ធសឹង ជាអ្នកដែលមានសមត្ថភាពជំនាញកាន់ឧប ករណ៍តន្ដ្រី និងទទួលបានការគាំទ្រពី ទស្ស និកជននោះបានបង្ហាញមុខញឹកញាប់ក្នុងកម្ម វិធី ប្រគំតន្ដ្រីរបស់បណ្ដាស្ថានីយទូរទស្សន៍នានានៅ កម្ពុជា ។ សមាជិកក្រុមតន្ដ្រីបងប្អូនទាំង៧នាក់ រួមមានភិស, ភិសចនា, ស្រីណា, លី វន្ដី, កាកា, ប៉ាល់រ៉ៃជោ និងសម៉ាចា ។ ពួកគេមានសមត្ថ ភាពកាន់ឧបករណ៍តន្ដ្រីអ្វីក៏បានដែរ។
លោកហង្ស សម្បត្ដិ ដែលជាឪពុកក្រុម តន្ដ្រីករបងប្អូននិយាយថា តន្ដ្រីករវ័យក្មេងទាំង អស់នេះសុទ្ធសឹងទទួលបានការហ្វឹកហាត់យ៉ាង ដិតដល់ និងមានជំនាញខ្ពស់ក្នុងការប្រគំតន្ដ្រី ដូចជាតន្ដ្រីករភិស ដែលមានអាយុ១៨ឆ្នាំ មាន បច្ចេកទេសខ្ពស់ក្នុងការដេញហ្គីតាសូឡូ ដោយ អាចដេញលើស្មាបាន គឺនៅស្រុកខ្មែរយើង មិនទាន់មាននៅឡើយ ។ ដោយមានការ វិវឌ្ឍឥតឈប់ឈរនៅខែតុលាខាងមុខនេះស៊ីឌី វ៉ុលដំបូងរបស់ក្រុមតន្ដ្រីករបងប្អូននឹងត្រូវចេញ លក់លើទីផ្សារកម្ពុជា ហើយលោកសង្ឃឹមថា នឹងទទួលបានការគាំទ្រយ៉ាងខ្លាំងមិនខាន ។
ស៊ីឌីដំបូងនេះគឺរួមមានបទចំរៀងដែលមាន អត្ថន័យអប់រំដូចជាបទទំនួញក្មេងអនាថា និង បទថ្ងៃនេះចំលែកជាដើម ។
លោក ហង្ស សម្បត្ដិ បញ្ជាក់ថា បទភ្លេង មួយចំនួនធំក្នុងវ៉ុលដំបូងនេះនិពន្ធបទភ្លេង និង ទំនុកច្រៀងដោយអ្នកនិពន្ធខ្មែរមិនបានចំលងពី បរទេសនោះឡើយ ដូចជាបទទំនួញក្មេងកំព្រា គឺជាស្នាដៃនិពន្ធបទភ្លេងដោយលោក កែវ ផែន និងទំនុកច្រៀងនិពន្ធដោយលោកស៊ុំ*សារឿន។ បើទោះបីពួកគេជាសិល្បករ កំពុងខិតខំពង្រីក ខ្លួនក្នុងវិស័យសិល្បៈតែពួកគេមិនបានបោះបង់*ចោលការសិក្សាផ្នែកចំណេះទូទៅឡើយ គឺ វិជ្ជាទាំងពីរដើរទន្ទឹមគ្នា ។
លោកបាន បង្ហាញការខិតខំរបស់លោក
និងក្រុមតន្ដ្រីករថា ការកសាងក្រុមតន្ដ្រីករបង ប្អូននេះមានការលំបាកខ្លាំងណាស់ ទំរាំបានដូច សព្វថ្ងៃនេះ ប៉ុន្ដែក្រុមលោកនឹងមិនធ្វើឱ្យសិល្បៈ នៅតែជាសិល្បៈដែលមានរូបភាពភូតកុហក ច្រើនទេ តែជាសិល្បៈដោយពិតប្រាកដមួយ ដើម្បីចូលរួមក្នុងការលើកកំពស់វិស័យសិល្បៈ វប្បធម៌នៅកម្ពុជា ។ ការផលិតស៊ីឌីដំបូង គឺត្រូវចំណាយពេលវេលាជាង៣ឆ្នាំ ដោយមាន ការសំរិតសំរាំងខ្ពស់ក្នុងការបង្ហាញស្នាដៃលើក ដំបូងរបស់ក្រុមសិល្បករវ័យក្មេងនេះ ។ ទាំង បច្ចេកទេសផលិតទាំងការប្រគំតន្ដ្រី និងច្រៀង ក្នុងស៊ីឌីដំបូងនេះ គឺសុទ្ធសឹងជាស្នាដៃរបស់ ក្រុមសិល្បករវ័យក្មេងទាំងអស់គ្មានជំនួយពី អ្នកខាងក្រៅទេ ដូច្នេះហើយទើបស៊ីឌីដំបូង នេះត្រូវបានដាក់ឈ្មោះថា “ស្នាដៃខ្ញុំ”។
លោកហង្ស សម្បត្ដិ អំពាវនាវដល់យុវវ័យ ឱ្យចូលរួមក្នុងការហាត់រៀនសិល្បៈនៅពេលទំនេរ និងចៀសវាងការប្រើប្រាស់គ្រឿងញៀន ដែលសង្គមស្អប់ខ្ពើម និងបំផ្លាញអនាគត ។ សិល្បៈនាំមកនូវភាពថ្លៃថ្នូរ គោរពស្រលាញ់ និង មានកេរ្ដិ៍ឈ្មោះល្អក្នុងសង្គម និងរួមចំណែកលើក កំពស់ជីវភាពទៀតផង ។ សាធារណជនកំពុងតែមានការចាប់អារម្មណ៍ផងដែរចំពោះក្រុមតន្ដ្រីបងប្អូនដែល ដឹកនាំដោយលោក ហង្ស សម្បត្ដិ ។ អ្វីដែលធ្វើឱ្យមានការចាប់អារម្មណ៍នោះ គឺក្រុមតន្ដ្រី បងប្អូនសុទ្ធសឹងជាសិល្បករវ័យក្មេង និងមាន សមត្ថភាពខ្ពស់ដោយអាចកាន់ឧបករណ៍បាន ច្រើនប្រភេទ និងប្រគំបានយ៉ាងពីរោះរណ្ដំ ៕
ចែករំលែកព័តមាននេះ