ខេត្តក្រចេះ ៖ នគរបាលបានចាប់ឃាត់ខ្លួនបុរសស្រវឹងម្នាក់ ដែលបានប្រើហិ.ង្សាក្នុងគ្រួសារយ៉ាងធ្ងន់ធ្ងរ ដោយយកកាំបិតផ្គាក់កា.ប់ទៅលើប្រពន្ធរបស់ខ្លួន ស្ទើរដាច់ដៃម្ខាង និងជើងស្តាំ ។
ខេត្តក្រចេះ ៖ នគរបាលបានចាប់ឃាត់ខ្លួនបុរសស្រវឹងម្នាក់ ដែលបានប្រើហិង្សាក្នុងគ្រួសារយ៉ាងធ្ងន់ធ្ងរ ដោយយកកាំបិតផ្គាក់កាប់ទៅលើប្រពន្ធរបស់ខ្លួន ស្ទើរដាច់ដៃម្ខាង និងជើងស្តាំ ។
បុរសជាប្តីដែលប្រើអំពើហិង្សាលើប្រពន្ធឈ្មោះម៉េង ពៅ អាយុ៤៥ឆ្នាំ ឯស្ត្រីជាប្រពន្ធឈ្មោះឆាយ ចាន់បូរ អាយុ៣៦ឆ្នាំ រស់នៅឃុំកំពង់គរ ស្រុកព្រែកប្រសព្វ ។
អធិការនគរបាលស្រុកព្រែកប្រសព្វលោកចាន់ សុផល្លា បានឲ្យដឹងថា កន្លងមក គ្រួសារមួយនេះតែងកើតជម្លោះគ្នាជាញឹកញាប់ តែមិនធ្លាប់បង្កហិង្សាធ្ងន់ធ្ងរបែបនេះទេ ។ ហិង្សានេះ បានកើតឡើងនៅថ្ងៃទី១៩ មករា ពេលដែលស្ត្រីរងគ្រោះជាប្រពន្ធនិងបុរសជាប្តីផឹកស្រាស្រវឹងជោកដូចគ្នា ទើបគ្រាន់តែទាស់គ្នាជាពាក្យសម្តីតិចតួច ក៏ឈានទៅប្រើហិង្សាយ៉ាងធ្ងន់ធ្ងរ ដោយជនដៃដល់ជាប្តីបានយកកាំបិតផ្គាក់មកកាប់លើស្ត្រីជាប្រពន្ធត្រូវកំភួនដៃខាងស្តាំ និងកំភួនដៃខាងឆ្វេងស្ទើរដាច់ដូចគ្នា ។ ក្រោយពីបង្កហេតុ នគរបាលបានចាប់ខ្លួនជនដៃដល់ជាប្តី និងនាំស្ត្រីរងគ្រោះជាប្រពន្ធទៅសង្គ្រោះនៅមន្ទីរពេទ្យបង្អែកខេត្តកំពង់ចាម ។
ស្ត្រីរងគ្រោះឈ្មោះឆាយ ចាន់បូរ បានរៀបរាប់ប្រាប់ឱ្យដឹងថា នៅមុនហេតុការណ៍កើតឡើងនោះ គាត់បានឈ្លោះប្រកែកជាមួយនឹងប្តីឡើងតឹងសរសៃ.ក ដោយសារប្តីចោទប្រកាន់គាត់ថា គិតតែដើរផឹកស្រា ។ បន្ទាប់មក គាត់បានដើរទៅទិញស្រា.សផឹកអស់៤០០រៀល រួចត្រឡប់មកដេកលើអង្រឹងក្រោមផ្ទះវិញ ដោយមិននឹកស្មានថា ប្តីគាត់ខឹងរហូតយកកាំបិតមកកាប់គាត់ប៉ងសម្លាប់បែបនេះសោះ ។ ចំពោះទង្វើរបស់ប្តីនេះ គាត់សូមឱ្យសមត្ថកិច្ចចាត់ការតាមច្បាប់ចុះ ។ រាល់ថ្ងៃគាត់មានកូនចំនួន៣នាក់ ប្រសិនបើទុកបន្តទៀតខ្លាចមានគ្រោះថ្នាក់ដល់ជីវិត ។
ស្ត្រីរងគ្រោះបញ្ជាក់ថា កន្លងមក ប្តីធ្លាប់ប្រើអំពើហិង្សាលើរូបគាត់ជាញឹកញាប់ ហើយត្រូវសមត្ថកិច្ចហៅទៅអប់រំណែនាំឱ្យបញ្ឈប់
ផងដែរ តែប្តីគាត់នៅពេលស្រវឹងតែងតែប្រើហិង្សាលើរូបគាត់ដដែល ។ ក្រោយពីបញ្ជូនមកដល់មន្ទីរពេទ្យខេត្តកំពង់ចាម រូបគាត់ត្រូវបានក្រុមគ្រូពេទ្យជួយសង្គ្រោះរួចផុតពីសេចក្ដីស្លាប់ ប៉ុន្តែដៃស្តាំត្រូវបានកាត់ចេញ រីឯដៃឆ្វេងបានបាក់ឆ្អឹងត្រូវគ្រូពេទ្យអបនិងដេរភ្ជិតមុខរបួស ៕
ចែករំលែកព័តមាននេះ