ទោសជួញគ្រឿងញៀ.នដាក់ពន្ធនាគារមា្នក់30ឆ្នាំ
រាជធានីភ្នំពេញ ៖ លោក ឆែ វីរៈ ចៅក្រមសាលាដំបូងរាជធានីនាល្ងាចថ្ងៃទី១៦ មករា បានប្រកាសសាលក្រមសម្រេចផ្ដន្ទាទោសយុវជន២នាក់ដាក់ពន្ធនាគារ
រាជធានីភ្នំពេញ ៖ លោក ឆែ វីរៈ ចៅក្រមសាលាដំបូងរាជធានីនាល្ងាចថ្ងៃទី១៦ មករា បានប្រកាសសាលក្រមសម្រេចផ្ដន្ទាទោសយុវជន២នាក់ដាក់ពន្ធនាគារ ក្នុងម្នាក់ៗ៣០ឆ្នាំក្រោមការចោទប្រកាន់ពីបទជួញដូរគ្រឿងញៀន ។
ជនជាប់ចោទទាំង២នាក់ម្នាក់ឈ្មោះ ឡោសុធារិទ្ធ ភេទប្រុស អាយុ ២៣ឆ្នាំ និងម្នាក់ទៀតឈ្មោះ គឹម ស៊ុនហៃ ភេទប្រុស អាយុ២៣ឆ្នាំ ។ តុលាការបានបើកផ្លូវប្ដឹងឧទ្ធរណ៍តាមការកំណត់ច្បាប់ តែមិនពិន័យប្រាក់ទេក្នុងសំណុំរឿងនេះ ។
គួររំលឹកថា កម្លាំងនគរបាលការិយាល័យប្រឆាំងបទល្មើសគ្រឿងញៀនរាជធានីភ្នំពេញ សហការជាមួយនគរបាលខណ្ឌចំការមន បានចុះបង្ក្រាបយុវជន១ក្រុមមានប្រុស-ស្រីចំនួន១៣នាក់ ដែលពពាក់ពពួនគ្នាប្រើប្រាស់ និង ចែកចាយគ្រឿងញៀន កាលពីវេលាម៉ោង៨យប់ថ្ងៃទី២២ កក្កដា ២០១៦ នៅទីតាំងហ្គេមមួយកន្លែង ស្ថិតនៅផ្ទះលេខ៧៧B តាមបណ្តោយផ្លូវលេខ២០៥ សង្កាត់ទួលស្វាយព្រៃទី២ ខណ្ឌចំការមន ។
សមត្ថកិច្ចបានឆែកឆេររកឃើញគ្រឿងញៀនចំនួន២កញ្ចប់ធំនៅនឹងខ្លួនយុវជន២នាក់ក្នុង ចំណោមយុវជនប្រុស-ស្រីទាំង១៣នាក់នោះ ដែលមានឈ្មោះ ឡោ សុធារិទ្ធ ភេទប្រុស អាយុ២៣ឆ្នាំ មានមុខរបរមិនពិតប្រាកដ ស្នាក់នៅសង្កាត់ទឹកល្អក់ទី១ ខណ្ឌទួលគោក ជាមុខសញ្ញាចែកចាយយ៉ាងសកម្មនៅភូមិសាស្ត្រខាងលើនេះ និងដកហូតបានលុយដុល្លារ និងលុយខ្មែរមួយចំនួនធំពីក្រុមយុវជននោះផងដែរ ។
ជនជាប់ចោទម្នាក់ទៀតឈ្មោះ គឹម ស៊ុនហៃ អាយុ២៣ឆ្នាំ ជាដៃគូ ឡោ សុធារិទ្ធ ។ ក្រោយឃាត់ខ្លួនមនុស្សចំនួន១៣នាក់ ក្នុងនោះមានស្រី៥នាក់ដែលពាក់ព័ន្ធនឹងករណីជួញដូរ និងសេពគ្រឿងញៀននោះមក មានយុវជន១១នាក់ត្រូវបញ្ជូនទៅមណ្ឌលបន្សាបគ្រឿងញៀន លើកលែងតែឈ្មោះ ឡោ សុធារិទ្ធ និងឈ្មោះ គឹម ស៊ុនហៃ ជាអ្នកលក់គ្រឿងញៀនក្នុងលក្ខណៈមិនរាងចាលត្រូវចោទប្រកាន់ ឃុំខ្លួន និងបញ្ជូនមកកាត់ទោស កុំឱ្យពូកែជួញដូរចែកចាយទៀត៕
ចែករំលែកព័តមាននេះ