ប្តីអាយុ32ឆ្នាំ ប្រពន្ធ52ឆ្នាំតូចចិត្តប្រពន្ធ មានគូស្នេហ៍ថ្មីប្តីចាក់សាំងដុតខ្លួនទាំងរស់
ខេត្តព្រៃវែង ៖ បុរសម្នាក់បានសម្រេចចិត្តដុតខ្លួនទាំងរស់ ដោយសារតែខឹងនឹងប្រពន្ធលួចទាក់ទងប្រុសថ្មី មិនអាល័យស្នេហ៍ចាស់
ខេត្តព្រៃវែង ៖ បុរសម្នាក់បានសម្រេចចិត្តដុតខ្លួនទាំងរស់ ដោយសារតែខឹងនឹងប្រពន្ធលួចទាក់ទងប្រុសថ្មី មិនអាល័យស្នេហ៍ចាស់
ខេត្តព្រៃវែង ៖ បុរសម្នាក់បានសម្រេចចិត្តដុតខ្លួនទាំងរស់ ដោយសារតែខឹងនឹងប្រពន្ធលួចទាក់ទងប្រុសថ្មី មិនអាល័យស្នេហ៍ចាស់ ធ្វើឱ្យបុរសជាប្តីឈឺចាប់គ្រាំគ្រាបេះដូងរហូតលែងចង់រស់ ក៏ទិញសាំងយកមកដុតសម្លាប់ខ្លួន កាលពីវេលាម៉ោង៤និង៣០នាទីទៀបភ្លឺ ថ្ងៃទី១៤ មករា នៅនឹងមុខផ្ទះស្ត្រីជាប្រពន្ធ ដែលស្ថិតក្នុងភូមិតាប្រុយ ឃុំព្រៃពោន ស្រុកកំពង់ត្របែក ។ បុរសខូចចិត្តខាងលើនេះឈ្មោះ សុខ ដារ៉ា អាយុ៣២ឆ្នាំ មានស្រុកកំណើតនៅឃុំក្តីតាកុយ ស្រុកកៀនស្វាយ ខេត្តកណ្តាល ចំណែកស្ត្រីជាប្រពន្ធឈ្មោះ ពិន តុលា អាយុ៥២ឆ្នាំ មានទីលំនៅក្នុងភូមិកើតហេតុ ។
ពិតជារឿងហួសចិត្តមួយ ដែលមិនធ្លាប់មានពីមុនមក ប៉ុន្តែវាបានកើតឡើងរួចទៅហើយ ដែលខាងប្រុសមានអាយុតិចជាងខាងស្រីរហូតដល់ទៅ២០ឆ្នាំ តែខាងប្រុសនៅតែស្រលាញ់ស្ម័គ្រស្មោះនឹងស្ត្រីជាប្រពន្ធដែលមានវ័យរហូតដល់៥២ឆ្នាំ ហើយឈឺចិត្តស្អិតទ្រូងរហូតដល់ថ្នាក់លែងចង់រស់ដោយសារតែដឹងថា ប្រពន្ធចំណាស់របស់ខ្លួនលួចមានប្រុសថ្មីនោះ ។ អ្នកស្រុកបានបញ្ជាក់ប្រាប់ថា ស្ត្រីជាប្រពន្ធឈ្មោះ ពិន តុលា នោះទោះបីជាមានអាយុច្រើនក៏ពិតមែន ប៉ុន្តែសាច់គាត់នៅចាំហើយចូលចិត្តតែងខ្លួនស្អាតបាត ពេលតែងខ្លួនម្តងៗសម្រស់គឺមិនចាញ់ស្ត្រីវ័យ៣០ឆ្នាំប៉ុន្មានទេ ។ ហេតុនេះហើយទើបធ្វើឱ្យបុរសជាប្តីនៅមានចិត្តអាឡោះអាល័យមិនដាច់បែបនេះ ។
ទាក់ទិននឹងហេតុការណ៍ប្តីវ័យក្មេងដុតសម្លាប់ខ្លួននោះ ត្រូវបានខាងសមត្ថកិច្ចប្រាប់ឱ្យដឹងថា ប្តីប្រពន្ធ១គូនេះបានលែងលះគ្នារយៈពេល១ឆ្នាំមកហើយ ដោយភាគីខាងប្រុសទៅរស់នៅឯស្រុកកំណើត ក្នុងខេត្តកណ្តាល ចំណែកខាងប្រពន្ធបានមករស់នៅក្នុងផ្ទះកើតហេតុ ។ តាមការនិយាយតៗគ្នាពីអ្នកស្រុកថា ស្ត្រីជាប្រពន្ធឈ្មោះ ពិន តុលានេះ បានទាក់ទងមានស្នេហាជាមួយបុរសម្នាក់ផ្សេងទៀត ច្រើនខែមកហើយ ។ ពេលជនរងគ្រោះជាប្តីដឹង ក៏តាមមករកនៅផ្ទះប្រពន្ធ តែមិនបានជួបប្រពន្ធទេ ហើយរូបគេបានរង់ចាំប្រពន្ធតាំងពីក្បាលល្ងាចរហូតដល់ម៉ោង៤និង៣០នាទីទៀបភ្លឺនៅតែមិនឃើញប្រពន្ធមកផ្ទះទៀត ទើបឈឺចិត្តលែងចង់រស់ ក៏ទិញសាំងយកទៅស្រោចដុតសម្លាប់ខ្លួននៅខាងមុខផ្ទះរបស់ប្រពន្ធតែម្តង ដើម្បីបញ្ជាក់ពីចិត្តស្មោះចំពោះប្រពន្ធ «បើគ្មានអូន បងមិនអាចរស់បានទេ» ។ ប៉ុន្តែភ្លាមៗនោះត្រូវបានអ្នកស្រុកឃើញទាន់ ក៏រាយការណ៍មកប៉ុស្តិ៍រដ្ឋបាលឃុំព្រៃពោន សហការគ្នាចូលទៅជួយពន្លត់ភ្លើង រួចហៅរថយន្តសង្គ្រោះដឹកបុរសអភ័ព្វនោះយកទៅមន្ទីរពេទ្យបង្អែកស្រុកកំពង់ត្របែកភ្លាមៗ ។
ប្រភពមួយទៀតដែលអះអាងពីអ្នកស្រុកដែរបានបញ្ជាក់ថា បុរសជាប្តីដែលត្រឡប់មករកប្រពន្ធវិញនោះ គឺដោយសារតែបានដឹងថា ស្ត្រីជាប្រពន្ធបានសែនព្រេនជាមួយបុរសម្នាក់ផ្សេងទៀត ទើបរូបគេខឹងចិត្តហើយមកតាមរកដើម្បីរារាំងហាមឃាត់ប្រពន្ធ ។ ប៉ុន្តែពេលមកដល់រកប្រពន្ធមិនឃើញទើបខូចចិត្តអស់សង្ឃឹម ក៏បានសម្រេចចិត្តធ្វើអត្តឃាតដោយចាក់សាំងដុតសម្លាប់ខ្លួនទាំងរស់តែម្តងទៅ ។ តែទោះជាគេចង់ស្លាប់ឬរស់យ៉ាងណា ក៏ស្ត្រីជាប្រពន្ធមិនខ្វល់ដែរ ព្រោះគេមានប្តីថ្មី បាយ!បាយ!ហើយ ។
សមត្ថកិច្ចបានបញ្ជាក់ថា ពេលបញ្ជូនជនរងគ្រោះទៅដល់មន្ទីរពេទ្យបង្អែកស្រុក ក្រុមគ្រូពេទ្យបានខំប្រឹងជួយសង្គ្រោះអស់ពីលទ្ធភាពហើយ ប៉ុន្តែស្ថានភាពជនរងគ្រោះហាក់នៅតែមានសភាពធ្ងន់ធ្ងរណាស់ ទើបត្រូវបញ្ជូនទៅសង្គ្រោះបន្តនៅរាជធានីភ្នំពេញទៀត ប៉ុន្តែមើលទៅហាក់គ្មានសង្ឃឹមនោះទេ ដោយសារតែភ្លើងឆេះចង់ឆ្អិនសាច់អស់ទៅហើយ ។
ចំណែកខាងស្ត្រីជាប្រពន្ធវិញ តាំងពីកើតហេតុរហូតដល់ពេលនេះ គេនៅមិនទាន់ឃើញវត្តមានរបស់គាត់មកមើលអតីតប្តីនោះទេ ហើយក៏មិនឃើញនៅក្នុងភូមិដែរ សង្ស័យទៅនៅជាមួយនឹងប្រុសថ្មីបាត់ទៅហើយ ៕
ចែករំលែកព័តមាននេះ