ឥណ្ឌា ៖ តាមប្រភពពី Metro បានឱ្យដឹងថា ស្ត្រីម្នាក់ក្បែរនឹងស្លាប់ទៅហើយ ដោយសារប្តីយកដំបងកិនម្ស៉ៅប្រវែង៤០សង់ទីម៉ែត្ររុកចូលក្នុងពោះវៀននាង ទុកជាការព្រមាន ព្រោះនាងមិនអាចមានលទ្ធភាព បង្កកំណើតកូនបាន។
ស្ត្រីអាយុ៣៨ឆ្នាំខាងលើ បានទៅមន្ទីរពេទ្យមួយក្នុង Haldwani ប្រទេសឥណ្ឌា កាលពីថ្ងៃណូអែល ក្រោយពីមានអាការៈចុកពោះខ្លាំង។ នាងប្រាប់គ្រូពេទ្យថា កាលពី៣ថ្ងៃមុនពេលមកពេទ្យ ប្តីរបស់នាងបានធ្វើបាបនាង ហើយគំរាមសម្លាប់ ប្រសិនបើនាងហ៊ានយករឿងទៅប្រាប់អ្នកដទៃ ។ ក្រុមគ្រូពេទ្យនៅ មន្ទីរពេទ្យ Dr Sushila Tiwari បានឲ្យស្ត្រីខាងលើ ថតកាំរស្មីអ៊ិច ដើម្បីមើលថាមានអ្វីក្នុងពោះ។
តែគេគ្មានឃើញអ្វីខុសប្លែកទេ ព្រោះកាំរស្មីអ៊ិចមិនអាចថតឃើញវត្ថុធ្វើពីឈើបានទេ (ដំបងកិនម្ស៉ៅ) ។ ទាល់តែគេធ្វើការវះកាត់ ទើបឃើញថា មានដំបងកិនម្ស៉ៅនៅក្នុងពោះវៀនរបស់ស្ត្រីរងគ្រោះ ។ គ្រូពេទ្យប្រាប់ថា អ្នកជំងឺពិតជាមានសភាពធ្ងន់ធ្ងរ ហើយបើយឺតតែបន្តិច នឹងត្រូវស្លាប់។ ពេលដំបូងឡើយ ប្តីរបស់ស្ត្រីខាងលើមកមន្ទីរពេទ្យជាមួយ តែគ្រាន់តែដឹងថា បែកការណ៍ភ្លាម បុរសម្នាក់នោះ ក៏រត់បាត់ស្រមោល ។
ចែករំលែកព័តមាននេះ