BBC កាលពីពេលថ្មីៗកន្លងមកបានផ្សាយថា ពិធីបុណ្យសពរបស់អតីតអ្នកនយោបាយតៃវ៉ាន់មួយរូប មានការចាប់អារម្មណ៍ខ្លាំង ដោយកូនប្រុសបានជួលស្រីរាំស្រាតចំនួន៥០នាក់ ឱ្យរាំឱបសសរលើដំបូលរថយន្តក្នុងក្បួនដង្ហែសព ព្រោះចង់ឱ្យព្រលឹងឪពុកមានសេចក្តីសុខទៅកាន់សុគតិភព ។
វីដេអូឃ្លីបបានបង្ហាញថា រឿងនោះកើតឡើងកាលពីថ្ងៃទី៣ មករា ២០១៧ ។ សារព័ត៌មាន«តៃវ៉ាន់ញូវ»បញ្ជាក់ថា ពិធីដង្ហែសពរបស់លោកតុង សៀង មានស្រីស្លៀកខើចខ្លីឈុតពណ៌ខ្មៅ រាំកាច់ចង្កេះឱបសសរលើដំបូលរថយន្តហ្ស៊ីប ក្រោមសំឡេងសាទរដ៏អធិកអធមក្នុងពិធីដង្ហែសពនៅភាគខាងត្បូងតៃវ៉ាន់ ធ្វើឱ្យមានការកកស្ទះចរាចរណ៍ ។
បុរសជាកូនប្រុសរៀបរាប់ថា លោកតុង សៀង ជាឪពុកចូលចិត្តការសប្បាយ ហើយសង្ឃឹមថា ពិធីបុណ្យសពដោយមានស្រីរាំស្រាតធ្វើឱ្យគាត់បានទៅកាន់សុគតិភព ៕
ចែករំលែកព័តមាននេះ