កញ្ចក់វៃឆ្លាតរបស់ក្រុមហ៊ុនAira នឹងតភ្ជាប់ជាមួយអតិថិជនដែលពិការភ្នែកជាមួយទីភ្នាក់ងារ ដើម្បីជួយដល់សកម្មភាពការងារប្រចាំថ្ងៃរបស់ពួកគេ ។
ក្រុមហ៊ុនAira ដែលមានទីតាំងនៅសហរដ្ឋអាមេរិកបានដាក់បង្ហាញគំរូកញ្ចក់ឆ្លាតវៃក្នុង ពិធីតាំងពិព័រណ៍បច្ចេកវិទ្យាCESនៅក្នុងទីក្រុងLas Vegas ។ កញ្ចក់ឆ្លាតវៃនេះមានសមត្ថភាពក្នុងការជួយជនពិការភ្នែក សម្រាប់ធ្វើកិច្ចការប្រចាំថ្ងៃ ។ កញ្ចក់ថ្មីនេះត្រូវបានគេយកគំរូពីកញ្ចក់របស់ក្រុមហ៊ុនGoogle ដែលមានឈ្មោះថាGoogle Glass ដោយបានភ្ជាប់អតិថិជនជាមួយនឹងបណ្តាញនៃភ្នាក់ងារបញ្ជាក់ (Certified Agents) ដែលអាចឲ្យមើលឃើញនូវអ្វីដែលជនពិការអាចឃើញក្នុងពេលពិតប្រាកដមួយ ។
ទីភ្នាក់ងារទាំងនោះអាចជួយអតិថិជនរបស់ខ្លួនជាមួយនឹងកិច្ចការប្រចាំថ្ងៃ និងសកម្មភាព នានាដូចជា ស្វែងរកផ្លូវដែលមមាញឹក ហាងលក់គ្រឿងទេស តាមរយៈការបង្កើតនូវការបកប្រែរូបភាព ឬតាមរយៈការមើលឃើញ ។ ម្យ៉ាងវិញទៀត កញ្ចក់វៃឆ្លាតរបស់Aira ក៏អាចប្រាប់ពី ព័ត៌មានស្តីពីទីតាំងរបស់អ្នកប្រើប្រាស់តាមរយៈកម្មវិធីGoogle Mapsផងដែរ ។
ក្រុមហ៊ុនបាននិយាយថា សេវាថ្មីរបស់ខ្លួនសម្រាប់ជនពិការភ្នែកនេះ មិនមែនដើម្បីជំនួយវិធីសាស្ត្របែបប្រពៃណី សម្រាប់ជនពិការភ្នែកដូចជា ការប្រើប្រាស់ឈើច្រត់ ឬមានសត្វឆ្កែនាំផ្លូវទេ ប៉ុន្តែវានឹងត្រូវប្រើប្រាស់ជាមួយគ្នាសម្រាប់កិច្ចការជាក់លាក់មួយ ។
កញ្ចក់វៃឆ្លាតAira ត្រូវបានគេដាក់លក់ហើយនៅសហរដ្ឋអាមេរិកតាមរយៈការទិញជាគំរោង ។ លោកអ្នកអាចទទួលបានកញ្ចក់ និងសេវា២០០នាទីក្នុងមួយខែក្នុងតម្លៃ១២៩ដុល្លារអាមេរិក ។ ចំណែកគំរោងទីពីរ គឺអ្នកទទួលបានសេវា៤០០នាទីក្នុងតម្លៃ១៩៩ដុល្លារអាមេរិក រួមជាមួយនឹងការធានាថា ទីភ្នាក់ងារនឹងធ្វើការសម្រាប់លោកអ្នកភ្លាមក្នុងរយពេលតែ១០វិនាទីទេ បន្ទាប់ពីមានតម្រូវការរបស់អ្នក ៕
ចែករំលែកព័តមាននេះ