មេឃធ្លាក់ខ្យល់ហើយ បក្សទាំង2ក្នុងសភាមានគម្រោងជួបចរចាពីបញ្ហាជាតិ ក្រោយថ្ងៃ11មករា
រាជធានីភ្នំពេញ ៖ ក្រោយភាពស្ងប់ស្ងាត់មួយរយៈពេលមក គណបក្សដែលមានអាសនៈក្នុងសភាទាំងពីរ គ្រោងជួបពិភាក្សាគ្នាដែលអាច
រាជធានីភ្នំពេញ ៖ ក្រោយភាពស្ងប់ស្ងាត់មួយរយៈពេលមក គណបក្សដែលមានអាសនៈក្នុងសភាទាំងពីរ គ្រោងជួបពិភាក្សាគ្នាដែលអាច
រាជធានីភ្នំពេញ ៖ ក្រោយភាពស្ងប់ស្ងាត់មួយរយៈពេលមក គណបក្សដែលមានអាសនៈក្នុងសភាទាំងពីរ គ្រោងជួបពិភាក្សាគ្នាដែលអាចធ្វើឡើងក្រោយថ្ងៃទី១១ ខែមករា តែមិនទាន់កំណត់កាលបរិច្ឆេទច្បាស់លាស់ទេ ។ នេះបើតាមការឲ្យដឹងតាមរយៈលិខិតឆ្លើយឆ្លងរបស់ប្រធានក្រុមដឹកនាំតំណាងរាស្ត្រភាគតិចនិងភាគច្រើនក្នុងសភា ។
គម្រោងជួបចរចារវាងថ្នាក់ដឹកនាំតំណាងរាស្ត្រភាគច្រើននិងភាគតិចនេះ គឺបន្ទាប់ពីលោក កឹម សុខា ប្រធានក្រុមតំណាងរាស្ត្រភាគតិច និងជាប្រធានស្តីទីគណបក្សសង្គ្រោះជាតិ កាលពីថ្ងៃទី៥ ខែមករា បានសរសេរលិខិតទៅកាន់សម្តេចក្រឡាហោម ស ខេង ប្រធានក្រុមតំណាងរាស្ត្រភាគច្រើនក្នុងសភា ដើម្បីស្នើ
សុំកំណត់ពេលវេលានៃកាជួបប្រជុំរវាងថ្នាក់ដឹកនាំតំណាងរាស្ត្រនៃគណបក្សប្រជាជនកម្ពុជា និងគណបក្សសង្គ្រោះជាតិ ។
លោក កឹម សុខា បានបញ្ជាក់ក្នុងលិខិតថា «ចាប់តាំងពីសមាសភាពថ្នាក់ដឹកនាំតំណាងរាស្ត្រនៃគណបក្សសង្គ្រោះជាតិ ត្រូវបានធ្វើការកែសម្រួលមក ថ្នាក់ដឹកនាំតំណាងរាស្ត្រនៃគណបក្សទាំងពីរដែលមានអាសនៈនៅក្នុងរដ្ឋសភា គឺគណបក្សប្រជាជនកម្ពុជា និងគណបក្សសង្គ្រោះជាតិ នៅមិនទាន់បានជួបគ្នានៅឡើយទេ ។
ថ្នាក់ដឹកនាំតំណាងរាស្ត្រនៃគណបក្សសង្គ្រោះជាតិចង់ឲ្យមានការជួបប្រជុំរវាងថ្នាក់ដឹកនាំតំណាងរាស្ត្រនៃគណបក្សទាំងពីរ ដើម្បីពិភាក្សាការងារមួយចំនួននៅពេលវេលាសមស្របណាមួយក្នុងខែមករា ឆ្នាំថ្មីនេះ» ។
លោក កឹម សុខា គូសបញ្ជាក់បន្ថែមថា «អាស្រ័យដូចនេះខ្ញុំសង្ឃឹមថា ថ្នាក់ដឹកនាំតំណាងរាស្ត្រគណបក្សប្រជាជនកម្ពុជា ផ្តល់សារសំខាន់នៃការជួបសន្ទនាគ្នារវាងគណបក្សយើងទាំងពីរ ដែលមានអាសនៈក្នុងរដ្ឋសភា ដើម្បីរួមគ្នាដោះស្រាយបញ្ហារបស់ជាតិ និងប្រជាពលរដ្ឋខ្មែរដោយសន្តិវិធី ស្របតាមបំណងប្រាថ្នារបស់សាធារណជនដែលទន្ទឹងរង់ចាំចង់ឃើញ» ។
ចំពោះការស្នើសុំជួបរបស់លោក កឹម សុខា ប្រធានក្រុមអ្នកតំណាងរាស្ត្រភាគតិចក្នុងរដ្ឋសភា នេះ ត្រូវបានឆ្លើយតបជាលិខិតវិញដោយសម្តេច ក្រឡាហោម ស ខេង ប្រធានក្រុមអ្នកតំណាងរាស្ត្រភាគច្រើនក្នុងសភាថា សម្តេចបានទទួល លិខិតនោះហើយ និងអរគុណចំពោះលោក កឹម សុខា ដែលបានសម្តែងឆន្ទៈក្នុងការរៀបចំឲ្យមានជំនួបវាងថ្នាក់ដឹកនាំនៃគណបក្សទាំងពីរ ។
សម្តេចក្រឡាហោម ស ខេង បញ្ជាក់ថា«ខ្ញុំក៏សូមការយោគយល់ពីលោក ចំពោះការខកខានមិនបានជួបប្រជុំគ្នាក្នុងរយៈពេលកន្លងមក ដោយមូលហេតុកម្មវិធីការងាររបស់ខ្ញុំមានភាពមមាញឹកខ្លាំង តែខ្ញុំសង្ឃឹមថា ជំនួបពិភាក្សាការងាររវាងគណបក្សទាំងពីរអាចនឹងធ្វើឡើងក្រោយថ្ងៃទី១១ ខែមករា ឆ្នាំ២០១៧ ។ ចំពោះពេលវេលាជាក់ស្តែង ខុទ្ទកាល័យរបស់ខ្ញុំនឹងជូនព័ត៌មានទៅខុទ្ទកាល័យរបស់លោកនៅពេលក្រោយ» ។
សូមបញ្ជាក់ថា ការឆ្លើយឆ្លងលិខិតដើម្បីជួបពិភាក្សាការងាររឿងបញ្ហាជាតិរបស់ថ្នាក់ដឹកនាំគណបក្សទាំងពីរ គឺបន្ទាប់ពីលោក កឹម សុខា ប្រធានស្តីទីគណបក្សសង្គ្រោះជាតិ ត្រូវបានរដ្ឋសភាអនុម័តយល់ព្រមឲ្យលោកជំនួសតួនាទីរបស់លោក សម រង្ស៊ី ប្រធានគណបក្សសង្គ្រោះជាតិ ដែលកំពុងរស់នៅក្រៅប្រទេស ដើម្បីជជែកការជាមួយសម្តេចក្រឡាហោម ស ខេងឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ។
តួនាទីរបស់លោក កឹម សុខា ក៏ត្រូវបានសម្តេចតេជោ ហ៊ុន សែន នាយករដ្ឋមន្ត្រី ទទួលស្គាល់ និងថាមានសិទ្ធិជជែកការងារដោយផ្ទាល់ជាមួយសម្តេចផងដែរ ៕
ចែករំលែកព័តមាននេះ