អំពាវនាវឱ្យប្រុងប្រយ័ត្នជំងឺផ្តាសាយបក្សីរដូវបុណ្យចូលឆ្នាំចិន
រាជធានីភ្នំពេញ ៖ នាយកដ្ឋានប្រយុទ្ធនឹងជំងឺឆ្លង អំពាវនាវឱ្យប្រជាជនមានការប្រុងប្រយ័ត្នអំពីជំងឺផ្តាសាយបក្សីថ្មីៗនេះ
រាជធានីភ្នំពេញ ៖ នាយកដ្ឋានប្រយុទ្ធនឹងជំងឺឆ្លង អំពាវនាវឱ្យប្រជាជនមានការប្រុងប្រយ័ត្នអំពីជំងឺផ្តាសាយបក្សីថ្មីៗនេះ
រាជធានីភ្នំពេញ ៖ នាយកដ្ឋានប្រយុទ្ធនឹងជំងឺឆ្លង អំពាវនាវឱ្យប្រជាជនមានការប្រុងប្រយ័ត្នអំពីជំងឺផ្តាសាយបក្សីថ្មីៗនេះ មានការរីករាលដាលនៃជំងឺគួរឱ្យខ្លាចនេះនៅប្រទេសកូរ៉េខាងត្បូង និងប្រទេសជប៉ុន ដែលបណ្តាលឲ្យមានការសម្លាប់សត្វបក្សីប្រមាណជាង២០លានក្បាល ដើម្បីបង្ការការឆ្លងរាតត្បាតមកមនុស្សនៅទីនោះ ។
ដូច្នេះសូមបងប្អូនមានការប្រុងប្រយ័ត្នខ្ពស់ក្នុងពិធីចូលឆ្នាំចិន វៀតណាម ដែលនឹងឈានមកដល់ក្នុងពេលឆាប់ៗនេះ សូមប្រុងប្រយ័ត្នជានិច្ចអំពីការចំលងជំងឺផ្តាសាយបក្សី ហើយត្រូវអនុវត្តន៍តាមវិធីបង្កាខាងក្រោមនេះ ដូចជា ៖
-ដើម្បីសុវត្តិភាពត្រូវពាក់ម៉ាស់ ឬចងក្រមាទប់មាត់ និងច្រមុះមុនពេលប៉ះពាល់ជាមួយមាន់ទា ។
-ស្រុះមាន់ ឬទាជាមួយទឹកក្តៅមុនពេលបោចរោម ។
-ប្រមូលរោមមាន់ ទា ឬកាកសំណល់ផ្សេងទៀតយកទៅកប់ ឬដុតចោល ។
-លាងសំអាតដៃ និងវត្តុប្រើប្រាស់សម្រាប់សម្លាប់មាន់ទាជាមួយផេះ ឬសាប៊ូឲ្យបានស្អាត ។
-សូមកុំយកមាន់ ទា ឬសត្វបក្សីឈឺឬងាប់ មករៀបចំជាអាហារ ឬលក់បន្ត ។ ត្រូវអនុវត្តអនាម័យក្នុងការបោចរោម និងចំអិនជាប់ជានិច្ច ។
ចំពោះបុគ្គលដែលមានរោគសញ្ញាដូចជា៖
-គ្រុនក្តៅ លើសពី៣៨អង្សាសេ
-ក្អក ឬឈឺក
-ដកដង្ហើមហត់ និងមានប្រវត្តិប៉ះពាល់ជាមួយបក្សីឈឺ ឬងាប់ក្នុងអំឡុងពេល៧ថ្ងៃមុន ចាត់ទុកថាជាករណីសង្ស័យ ត្រូវបញ្ចូនអ្នកជំងឺ ទៅមណ្ឌលសុខភាព ឬមន្ទីរពេទ្យជិតបំផុតដើម្បីធ្វើការព្យាបាល យើងមានឱសថសម្រាប់ព្យាបាលជំងឺនេះ ។ ព័ត៌មានបន្ថែមសូមទាក់ទងទូរស័ព្ទលេខ១១៥ (ឥតគិតប្រាក់) ។
សូមបញ្ជាក់ថា ក្នុងប្រទេសកម្ពុជា ជំងឺផ្តាសាយបក្សី បានឆ្លងពីសត្វបក្សីមកមនុស្សចំនួន៥៦ករណី ដែលក្នុងនោះ ៣៧ករណីបានស្លាប់។ ដោយឡែកគ្រាន់តែឆ្នាំ២០១៣ មានឆ្លងលើមនុស្សចំនួន២៦ករណី ដែលក្នុងនោះមាន១៤ករណីបានស្លាប់ និងក្នុងឆ្នាំ២០១៤ មាន៩ករណី និង៤ករណីបានស្លាប់ ៕
ចែករំលែកព័តមាននេះ