ពេទ្យវៀតណាមភ្លេចអីមិនភ្លេច ទៅភ្លេចកន្ត្រៃក្នុងពោះ…
វៀតណាម ៖ តាមប្រភពពី Metro បានឲ្យដឹងថា បុរសម្នាក់ត្រូវបានគ្រូពេទ្យវះយកកន្ត្រៃចេញពីពោះ ដែលកន្ត្រៃនោះត្រូវបានភ្លេចតាំងពី១៨ឆ្នាំមុនមកម្ល៉េះ ។
វៀតណាម ៖ តាមប្រភពពី Metro បានឲ្យដឹងថា បុរសម្នាក់ត្រូវបានគ្រូពេទ្យវះយកកន្ត្រៃចេញពីពោះ ដែលកន្ត្រៃនោះត្រូវបានភ្លេចតាំងពី១៨ឆ្នាំមុនមកម្ល៉េះ ។
លោក Ma Van Nhat អាយុ៥៤ឆ្នាំ ធ្លាប់ទទួលការវះកាត់កាលពីឆ្នាំ១៩៩៨ ក្រោយពេលរងគ្រោះថ្នាក់ចរាចរណ៍ ហើយទើបតែពេលនេះគាត់ដឹងថា គ្រូពេទ្យភ្លេចកន្ត្រៃក្នុងពោះអស់១៨ឆ្នាំមកហើយ ។
វេជ្ជបណ្ឌិតនៅប្រទេសវៀតណាម បានរកឃើញកន្ត្រៃប្រវែង៦អ៊ីញ នៅជិតពោះវៀនធំរបស់ លោកNhat ក្រោយពេលធ្វើអេកូ។
លោក Nhat ត្រូវធ្វើការវះកាត់រយៈពេល៣ម៉ោងនៅចុងសប្តាហ៍ ដើម្បីយកកន្ត្រៃនោះចេញពីពោះ។ នេះបើតាមប្រសាសន៍របស់ លោក Ngo Trung Thang ដែលជាអនុប្រធានផ្នែកកិច្ចការទូទៅនៃមន្ទីរពេទ្យ Gang Thep Thai Nguyen នាទីក្រុងហាណូយ។
អស់រយៈពេលជិត២០ឆ្នាំមក លោក Nhat រស់នៅធម្មតា ជាមួយនឹងកន្ត្រៃនៅក្នុងពោះ ។ ទើបតែពេលថ្មីៗនេះ គាត់មានអារម្មណ៍ឈឺក្រពះ ហើយក៏មកពិនិត្យអេកូឃើញមានកន្ត្រៃជិតពោះវៀនធំ ។ មន្ត្រីបានប្រាប់ថា ពួកគេកំពុងតែស្វែងរកគ្រូពេទ្យដែលភ្លេចកន្ត្រៃនោះ កាលពីឆ្នាំ១៩៩៨ ខណៈពេលនេះមិនទាន់រកឃើញនៅឡើយទេ៕
ចែករំលែកព័តមាននេះ