«ស៊ីនហួ» របស់ចិនផ្សាយកាលពីពេល ថ្មីៗកន្លងមកថា តុលាការក្រុងជីណាន ខេត្ដសានទុង ភាគខាងកើតប្រទេសចិនបានដាក់ទោសលើជនជាប់ចោទចំនួន១៦នាក់ ក្នុងនោះគ្រូពេទ្យ២នាក់ និងជំនួយការម្នាក់ឱ្យជាប់គុករយៈពេល២ទៅ៥ឆ្នាំ ពីបទជូញដូរអវយវៈមនុស្សខុសច្បាប់ ។
ការសម្រេចរបស់តុលាការទៅលើការវះកាត់ប្ដូរក្រលៀនដោយខុសច្បាប់នៅក្រុងហ្វេឆើង និងអ្នកជំងឺដែលទទួលក្រលៀន ត្រូវបង់ប្រាក់ពី៤ទៅ៦សែនយាន់ ឬប្រហែល៥៧.០០០ដុល្លារដល់៨៥.០០០ដុស្លារ ។ ចំពោះអ្នកលក់នឹងទទួលថ្លៃប្រហែល៤ម៉ឺនយាន់ឬប្រហែល៥.៧០០ដុល្លារ ។
ចិនបានចេញច្បាប់ស្ដីពីការវះកាត់ប្ដូរអវយវៈលើកដំបូងនៅឆ្នាំ២០០៧ ដោយហាមគ្រប់អង្គភាព និងបុគ្គលជួញដូរអវយវៈ ប៉ុន្ដែមានការលួចលក់ច្រើន ព្រោះមានកង្វះខាតអវយវៈដែលបរិច្ចាគ ។
ក្រុមសិទ្ធិមនុស្សឱ្យដឹងថា អវយវៈដែលវះកាត់ប្ដូរភាគច្រើននៅប្រទេសចិន បានពីអ្នកទោសប្រហារជីវិត និងជាញឹកញាប់ទទួលបានដោយមិនទទួលការយល់ព្រមពីក្រុមគ្រួសារ ប៉ុន្ដែអាជ្ញាធរចិនបដិសេធ ៕
ចែករំលែកព័តមាននេះ