ថ្មីៗកន្លងមក AFP ផ្សាយថា រដ្ឋាភិបាលមីយ៉ាន់ម៉ាកំពុងធ្វើសេចក្តីព្រាងច្បាប់ឱ្យបុរសជាប់គុករយៈពេលយូរដល់ទៅ៧ឆ្នាំ ប្រសិនបើមិនព្រមរៀបការជាមួយនារីដែលមានគភ៌ជាមួយខ្លួន ។ បទប្បញ្ញត្តនេះគឺជាផ្នែកមួយនៃច្បាប់ថ្មីរៀបចំឡើងដើម្បីបង្កើតឥទ្ធិពលសិទ្ធិរបស់ស្ត្រីភេទ ក្រោយពីប្រទេសរួចផុតពីរបបគ្រប់គ្រងដោយយោធាមក ។
ប្រធាននាយកដ្ឋានយុវនីតិសម្បទាបញ្ជាក់ថា ច្បាប់ថ្មីនេះនឹងធ្វើឱ្យអំពើហិង្សានៅក្នុងគ្រួសារក្លាយជាបទឧក្រិដ្ឋលើកដំបូង និងការចាប់រំលោភជាបទឧក្រិដ្ឋធ្ងន់ ។ ប្រសិនបើសភាឆ្លងសេចក្តីព្រាងច្បាប់នេះនឹងដាក់ទោសឱ្យជាប់គុគរយៈពេល៥ឆ្នាំ ចំពោះបុរសណាដែលបដិសេធរៀបការជាមួយស្រី្តក្រោយពីអ្នកទាំង២រស់នៅរួមគ្នា និងដាក់គុកដល់ទៅ៧ឆ្នាំប្រសិនបើខាងស្រីមានគភ៌ ។
ប្រធាននាយកដ្ឋានយុវនីតិសម្បទាបញ្ជាក់ថា «យើងកំពុងធ្វើសេចក្តីព្រាងច្បាប់លើការគ្រប់គ្រងស្ត្រី និងការពារអំពើហិង្សាដល់ស្ត្រី ។ ស្ត្រីអាចធ្វើការទាមទារប្រសិនបើពួកនាងទទួលការគំរាម ឬប្រើអំពើហិង្សាកុំឱ្យរៀបការក្រោយពីរស់នៅជាមួយគ្នា យើងនឹងផ្តល់ការគ្រប់គ្រងដល់ពួកគេដោយច្បាប់» ។
មីយ៉ាន់ម៉ា ជាប្រទេសអភិរក្សនិយមគ្របដណ្តប់លើបញ្ហាផ្លូវភេទហើយរឿងផ្លូវភេទនៅតែប្រកាន់ជំហរហាមឃាត់មុនរៀបការ ។ ចំពោះខោក្នុងរបស់ស្ត្រីចាត់ទុកថា ជាវត្ថុមិនស្អាត ។ មានន័យថា ត្រូវបោកគក់ដាច់ដោយឡែកពីសម្លៀកបំពាក់របស់បុរស ។
ប្រធាននាយកដ្ឋានយុវនីតិសម្បទាបញ្ជាក់ទៀតថា សេចក្តីព្រាងច្បាប់នេះឈានដល់ដំណាក់កាលចុងក្រោយហើយ និងចាំបាច់ត្រូវទទួលការអនុម័តពីគណៈរដ្ឋមន្ត្រី និងសភា៕
ចែករំលែកព័តមាននេះ