ហាងទំនិញមួួយនៅប្រទេសចិន បានបង្កើតរូបចម្លាក់មាន់ដូណាល់ ត្រាំដ៏ធំមួយ ដាក់តាំងបង្ហាញនៅទីលានខាងមុខហាងដើម្បីស្វាគមន៍ឆ្នាំថ្មីជាឆ្នាំមាន់នាពេលខាងមុខ ។ ប្រសិនបើនរណាម្នាក់មានឱកាសដើរឆ្លងកាត់ខាងមុខហាង
ហាងទំនិញមួួយនៅប្រទេសចិន បានបង្កើតរូបចម្លាក់មាន់ដូណាល់ ត្រាំដ៏ធំមួយ ដាក់តាំងបង្ហាញនៅទីលានខាងមុខហាងដើម្បីស្វាគមន៍ឆ្នាំថ្មីជាឆ្នាំមាន់នាពេលខាងមុខ ។ ប្រសិនបើនរណាម្នាក់មានឱកាសដើរឆ្លងកាត់ខាងមុខហាង «N1 Art Walk Mall»នៅក្រុងថៃយួន ខេត្តសានស៊ី ភាគខាងជើងប្រទេសចិននឹងបានឃើញរូបចម្លាក់មាន់ដូណាល់ ត្រាំយក្សដោយយកលំនាំដូចលោកប្រធានាធិបតីអាមេរិក ។
លោកអ្នកអាចសង្កេតឃើញទម្រង់សក់របស់រូបចម្លាក់មាន់ដែលច្នៃជាក្បាច់បួងឡើងលើមានលក្ខណៈដូចគ្នានឹងទម្រង់សក់របស់លោកដូណាល់ ត្រាំ ។ ចំណែកស្លាបចេញម៉ូដជាដៃដោយម្ខាងកំពុងចង្អុល និងម្ខាងទៀតស្ថិតក្នុងឥរិយាបថចាប់ច្បិចម្រាមដៃដែលលោកត្រាំចូលចិត្តបង្ហាញជាញឹកញាប់ក្នុងពេលឃោសនារកសំឡេងឆ្នោត ។
លោកកាវ ម៉ីងលៀង នាយករងរបស់ហាង«N1 Art Walk Mall» បញ្ជាក់ប្រាប់ថាCNN កាលពីពេល ថ្មីៗកន្លងមកថា«រូបចម្លាក់មាន់ដូណាល់ ត្រាំគឺហាងជាអ្នកបញ្ជាឱ្យធ្វើនិងច្នៃជាតុក្កតានាំលាភសំណាងរបស់ហាង» ។ ក្រៅពីនេះនៅមានផលិតទំនិញ និងរូបចម្លាក់មាន់ដូណាល់ ត្រាំធុនតូចដាក់លក់ផងដែរ ។ មួយចំនួនទៀតបានដាក់លក់តាមវេបសាយរួចហើយ ។
ប្រភពដដែលបន្តថា«រូបចម្លាក់មាន់ដូណាល់ ត្រាំជាផលិតផលគួរឱ្យស្រលាញ់និងមានលក្ខណៈកំប្លុកកំប្លែងទាំងទម្រង់សក់ និងចិញ្ចើម មើលទៅមានលក្ខណៈដូចលោកដូណាល់ ត្រាំ ។ វានឹងទាក់ទាញអតិថិជនបានច្រើននៅទូទាំងប្រទេសនិងនៅលើពិភពលោក» ៕
ចែករំលែកព័តមាននេះ