សង្ស័យគ្មានគុកដាក់
មេដឹកនាំប្រទេសប្រកាសបើកយុទ្ធនាការបង្ក្រាបគ្រឿងញៀ.ន ពេលនេះប្រាកដជាទទួលបានការគាំទ្រយ៉ាងអស់ពីចិត្តពីប្រជាជនទូទាំងប្រទេស…
មេដឹកនាំប្រទេសប្រកាសបើកយុទ្ធនាការបង្ក្រាបគ្រឿងញៀន ពេលនេះប្រាកដជាទទួលបានការគាំទ្រយ៉ាងអស់ពីចិត្តពីប្រជាជនទូទាំងប្រទេស…ប្រាកដជាទទួលបានជោគជ័យ…ប្រាកដជាមានប្រសិទ្ធភាព ។
គ្រួសារណាដែលមានអ្នកញៀនថ្នាំ…គ្រួសារនោះកំពុងរងទុក្ខ…ទុក្ខដោយសារអ្នកញៀនថ្នាំបំផ្លាញគ្មានសល់…បំផ្លាញសេចក្តីសុខក្នុងគ្រួសារ និងអ្នកដទៃ…ទោះបីអប់រំណែនាំក៏លែងស្តាប់…ចាប់បានម្តងៗ…មិនយូរបានរួចមកវិញ បំផ្លាញកាន់តែខ្លាំង…អ្នកចាប់ដោះលែងក៏មាន…អ្នកច្បាប់ដោះលែងក៏មាន…
ប៉ុន្តែពេលនេះប្រមុខដឹកនាំប្រទេសប្រកាសបើកយុទ្ធនាការបង្ក្រាប…ប្រាកដជាមានការគាំទ្រ…ពេញចិត្តឱ្យបង្ក្រាប…ចូលរួមចង្អុលដើម្បីបង្ក្រាប…
សង្ស័យរកគុកដាក់គ្មាន…សង្ស័យរកថង់ដាក់មិនបាន…ឆាប់លែងក៏មិនដឹង ?
នៅប្រទេសហ្វ៊ីលីពីន ប្រធានាធិបតីថ្មីបានបើកយុទ្ធនាការបង្ក្រាបគ្រឿងញៀនដ៏អស្ចារ្យ… បញ្ចប់ជីវិតអស់ប្រមាណ៦ពាន់នាក់… អ្នកដែលត្រូវអាជ្ញាធរជាតិបញ្ចប់ជីវិត ព្រោះតែមានកាំភ្លើងបាញ់តដៃ… ដែលត្រូវតែបាញ់សម្លាប់តែម្តង… មានច្បាប់ មានសិទ្ធិឱ្យបាញ់សម្លាប់… មានអីអស់ជាង៦ពាន់នាក់ ដែលភាគច្រើនជាមេខ្លោងធំៗ…ជាសេដ្ឋីថ្នាំញៀន…ជាឧក្រិដ្ឋជនថ្នាំញៀន…
ចំណែកនៅស្រុកយើងមិនដល់ថ្នាក់ហ្នុងពេកទេ… មិនពុះកញ្ជ្រោលដូចនៅសង្គមហ្វ៊ីលីពីនទេ… ប៉ុន្តែប្រសិនបើធ្វេសប្រហែស… បង្ក្រាបលេងៗមិនធ្ងន់ដៃ… សង្គមយើងនឹងពោរពេញទៅដោយអសន្តិសុខ… បាត់បង់សណ្តាប់ធ្នាប់សាធារណៈ… សង្គមរស់នៅក្នុងគ្រួសារគ្មានសេចក្តីសុខ និងបាត់បង់អស់សុភមង្គល…បាត់បង់កម្លាំងពលកម្ម…។ល។
កណ្តាប់ដៃដែកដែលតេជោសែនដាក់ចេញនេះ… មិនខុសពីសម្រែករាជសីហ៍ទេ… ប្រាកដជាទទួលបានលទ្ធផលល្អ… ទទួលបានការគាំទ្រ… ៕
អាឡេវ
ចែករំលែកព័តមាននេះ