គ្រូបង្វឹកក្លិប Liverpool លោក Jurgen Klopp មានជំនឿថា ក្រុមហង្សក្រហមនាពេលបច្ចុប្បន្ននេះកំពុងតែមានកីឡាករដែលមានជំនាញពេញលេញ និងសមត្ថភាពក្នុងការដណ្តើមជាពានជើងឯកក្របខ័ណ្ឌ
គ្រូបង្វឹកក្លិប Liverpool លោក Jurgen Klopp មានជំនឿថា ក្រុមហង្សក្រហមនាពេលបច្ចុប្បន្ននេះកំពុងតែមានកីឡាករដែលមានជំនាញពេញលេញ និងសមត្ថភាពក្នុងការដណ្តើមជាពានជើងឯកក្របខ័ណ្ឌEnglish Premier League(EPL)នៅរដូវកាល២០១៦-២០១៧ នេះ ។
គួររំលឹកថា Liverpool ខកខានគ្រងតំណែងជាម្ចាស់ជើងឯកប្រឺមីញេលីកនេះចាប់តាំងពីឆ្នាំ១៩៩០មកម៉្លេះ ។ ទោះបីយ៉ាងណាបន្ទាប់ពីលោក Jurgen Klopp ត្រូវបានតែងតាំងជាគ្រូបង្វឹកជំនួសលោក Rodgers នៅពហុកីឡដ្ឋានហង្សក្រហម Anfield កាលពីខែតុលា ឆ្នាំ២០១៥ រួចមក គេសង្កេតឃើញថា Liverpoolបាននិងកំពុងផ្លាស់ប្តូរទម្រង់លេង និងសមត្ថភាពកូនក្រុមនីមួយៗកាន់តែខ្លាំងឡើងៗផងដែរ ។
ជាមួយនឹងកំណែទម្រង់នៃការដឹកនាំក្នុងរដូវកាលថ្មីនេះ លោក Jurgen Klopp បានជួយឱ្យ Liverpool ឈរនៅលេខរៀងទី៣ក្នុងក្របខ័ណ្ឌប្រឺមីញេលីកជាបណ្តោះអាសន្ន ។
គ្រូបង្វឹកសញ្ជាតិអាល្លឺម៉ង់វ័យ៤៩ឆ្នាំរូបនេះ ថ្លែងប្រាប់ទូរទស្សន៍ Sky Sports ថា ៖ «ពួកយើងមិនមែនជាក្រុមកាលពី២៥ឆ្នាំមុននោះទេ ។ ហើយយើងក៏មិនគួរគិតពីរឿងអតីតកាលដែរ ។
អ្វីដែលយើងគួរធ្វើនោះគឺត្រូវតែប្រឹងប្រែងបន្ថែម សម្រាប់ការដណ្តើមយកជ័យជម្នះគ្រប់ការប្រកួតដើម្បីក្លាយជាម្ចាស់ជើងឯកប្រឺមីញេលីករដូវកាលនេះ ។ យើងមានជំនឿថា
Liverpool នឹងកាន់តែអស្ចារ្យជាងនេះនាពេលអនាគត ៕
ចែករំលែកព័តមាននេះ