BBC កាលពីពេល ថ្មីៗកន្លងមកផ្សាយថា អ្នកវិទ្យាសាស្ដ្រមួយក្រុមប្រទះឃើញពីងពាងរូបរាងចម្លែក ស្រដៀង «មួកវេទមន្ដ» នៅក្នុងខ្សែភាពយន្ដរឿង «Harry Potter» ។
ពីងពាងនោះឈ្មោះ«Eriovixia Gryffin Dori» មានដងខ្លួនប្រវែង៧មីល្លីម៉ែត្រ ហើយឈ្នោះរបស់វាយកលំនាំតាមឈ្មោះ«Godric Gryffindor» តួអង្គនៅក្នុងរឿង Harry Potter ។
លោកសាស្ដ្រាចារ្យJaved Ahmed មនុស្សម្នាក់ក្នុងក្រុមអ្នកវិទ្យាសាស្ដ្រទាំង៣នាក់ ដែលរកឃើញឱ្យដឹងថា «យើងកំពុងត្រួតពិនិត្យពីងពាងប្រភេទនេះ ហើយសម្រេចចិត្ដដាក់ឈ្មោះតាមមួកក្នុងរឿងHarry Potter» ។
ក្រុមអ្នកវិទ្យាសាស្ដ្របញ្ជាក់នៅក្នុងឯកសារសត្វវិទ្យារបស់ឥណ្ឌាថា នោះមានចំណាប់អារម្មណ៍ខ្លាំងចំពោះពីងពាងនោះ ប៉ុន្ដែប្រភេទសត្វគ្មានឆ្អឹងខ្នងប្រភេទនេះរមែងត្រូវគេមិនអើពើ ហើយវាជាប្រភេទសត្វមានដងខ្លួនមូលនៅលាក់ខ្លួនជាមួយស្លឹកឈើងាប់ដើម្បីគេចពីសត្រូវ ។
របាយការណ៍បញ្ជាក់ថា ពីងពាងប្រភេទនោះគេចមិនផុតពីក្រសែភ្នែករបស់លោកស្រីJ-K Rowling ជាអ្នករៀបរាងរឿងHarry Potter ដោយលោកស្រីបានបង្ហាញអត្ថបទមួយក្នុងហ្វេសប៊ុករបស់ខ្លួនថា «ខ្ញុំមានកិត្ដិយសយ៉ាងក្រៃលែង និងត្រេកអរចំពោះការប្រទះឃើញសត្វដ៏វិសេសវិសាលនេះ» ។
ការរកឃើញនោះបានកើតឡើងស្របពេលខ្សែភាពយន្ដរឿង «សត្វចម្លែក និងទីជម្រក» ស្រដៀងរឿង Harry Potter ដែលរៀបរាប់លើរឿងរ៉ាវប្រឈមនឹងគ្រោះថ្នាក់ ទើបតែដាក់បញ្ចាំងក្នុងរោងភាពយន្ដនាពេលកន្លងមក ៕
ចែករំលែកព័តមាននេះ