សូមជួយ Share បន្តដើម្បីបានដឹងដល់សប្បុរសជនផង
រាជធានីភ្នំពេញ ៖ ស្ត្រីមេម៉ាយទុរគតវ័យចំណាស់ម្នាក់មានជម្ងឺទឹកនោមផ្អែម លើសឈាម ខ្លាញ់រុំបេះដូង ឈឺសន្លាក់ និងជម្ងឺធាត់ អត់លុយសម្រាប់ព្យាបាលជម្ងឺ …
រាជធានីភ្នំពេញ ៖ ស្ត្រីមេម៉ាយទុរគតវ័យចំណាស់ម្នាក់មានជម្ងឺទឹកនោមផ្អែម លើសឈាម ខ្លាញ់រុំបេះដូង ឈឺសន្លាក់ និងជម្ងឺធាត់ អត់លុយសម្រាប់ព្យាបាលជម្ងឺ …
រាជធានីភ្នំពេញ ៖ ស្ត្រីមេម៉ាយទុរគតវ័យចំណាស់ម្នាក់មានជម្ងឺទឹកនោមផ្អែម លើសឈាម ខ្លាញ់រុំបេះដូង ឈឺសន្លាក់ និងជម្ងឺធាត់ អត់លុយសម្រាប់ព្យាបាលជម្ងឺ រាល់ថ្ងៃស៊ីឈ្នួលកាត់ព្រុយខោយកលុយទិញថ្នាំព្យាបាលជម្ងឺទាំងខ្វះមុខខ្វះក្រោយ ។
ស្ត្រីទុរគតខាងលើឈ្មោះ ឡុង ស៊ីម៉េត អាយុ៦១ឆ្នាំ មុខរបរស៊ីឈ្នួលកាត់ព្រុយខោ ស្នាក់នៅផ្ទះភូមិម័ល សង្កាត់ដង្កោ ខណ្ឌដង្កោ ជាស្ត្រីមេម៉ាយ បានរៀបរាប់ឲ្យដឹងថា ដោយសារតែម្តាយរបស់គាត់មានកូនច្រើននាក់ពេក ក៏បានឲ្យរូបគាត់ទៅរស់នៅជាមួយម្តាយធំតាំងពីតូចរហូតមក គឺរស់នៅជាមួយម្តាយធំដូចម្តាយនិងកូនតែពីរនាក់ ។ កន្លងមកគាត់ធ្លាប់មានប្តីម្តងមកហើយ តែបានលែងលះគ្នាទាំងមិនទាន់មានកូនទេ ហើយមករស់នៅជាមួយម្តាយចិញ្ចឹមរហូតដល់ចាស់ម្តាយធ្លាក់ខ្លួនឈឺបានខ្ចីលុយគេយកមកមើលម្តាយ ពេលគាត់ស្លាប់ទៅដោយសារជំពាក់គេច្រើនពេកក៏លក់ផ្ទះសម្បែងយកប្រាក់សងគេអស់ទៅ ។
ស្ត្រីរូបនោះបានបន្តទៀតថា តាំងពីម្តាយគាត់ស្លាប់ស្លាប់កាលពីឆ្នាំ២០០៤ គាត់ក៏បានលក់ផ្ទះអស់សងគេ អត់មានផ្ទះស្នាក់នៅក៏បានសុំផ្ទះក្មួយប្រុសស្នាក់នៅ ដោយក្មួយរស់នៅលើផ្ទះ គាត់ស្នាក់នៅខាងក្រោមផ្ទះ ។ នៅឆ្នាំ២០១៤ គាត់បានបំបួសក្មួយប្រុសតែអត់មានលុយក៏បានចងការលុយគេយកទៅបំបួសក្មួយចំនួន៤០ម៉ឺនរៀល ប៉ុន្តែការប្រាក់ថ្លៃពេកក៏អត់លទ្ធភាពបង់ គាត់បានចូលសមាគមហើយបានខ្ចីលុយសមាគម៤០ម៉ឺនរៀលទៅសងគេដោយបង់ការប្រាក់ឲ្យសមាគមក្នុងមួយខែ១២៥០០រៀលរយៈពេល១ឆ្នាំ សមាគមតម្រូវឲ្យបង់ទាំងដើមឲ្យវិញនៅថ្ងៃទី៣០ ខែធ្នូ ឆ្នាំ២០១៦នេះ ។
ស្ត្រីមេម៉ាយទុរគតបានបន្តទៀតថា កាលពីម្តាយគាត់នៅរស់គាត់ដើរស៊ីឈ្នួលបោកខោអាវ ដើរកោសខ្យល់ និងជួយធ្វើម្ហូបតាមរោងបុណ្យឲ្យគេបានប្រាក់ចិញ្ចឹមម្តាយ ។ បន្ទាប់ពីម្តាយស្លាប់ចោល គាត់ធ្លាក់ខ្លួនឈឺ ធ្វើការធ្ងន់មិនកើត ក៏បានប្រកបរបរស៊ីឈ្នួលអង្គុយកាត់ព្រុយខោរបស់រោងចក្រដែលគេយកមកជួលកាត់បន្តទៀត ដោយកាត់ព្រុយចំនួន១០០ខោបានប្រាក់ចំនួន៧០០០រៀល ក្នុងមួយថ្ងៃបើគាត់កាត់តែម្នាក់ឯង កាត់ បានតែ៧០ទៅ៨០ខោទេ ព្រោះភ្នែកគាត់ចាស់ហើយមើលមិនសូវច្បាស់ ទាល់តែអ្នកជិតខាងជួយកាត់ទើបកាត់បាន១០០ខោ ។ ពេលដែលកាត់ព្រុយបានហើយថៅកែមិនបានឲ្យប្រាក់ភ្លាមៗទេ ទាល់តែមួយខែទើបឲ្យលុយម្តង បានប្រាក់១៣ម៉ឺនទៅ១៤ម៉ឺនរៀលប៉ុណ្ណោះ ។ ប្រាក់ដែលកាត់ព្រុយខោបានទុកសម្រាប់ទិញថ្នាំលេបប្រចាំថ្ងៃ និងបង់ការប្រាក់ឲ្យសមាគមមិនគ្រប់ទេ ព្រោះគាត់មានជម្ងឺច្រើនមុខពេក ។
ប្រភពដដែលបន្តទៀតថា គ្រូពេទ្យបានប្រាប់ថា គាត់មានជម្ងឺទឹកនោមផ្អែម លើសឈាម ខ្លាញ់រុំបេះដូង ឈឺសន្លាក់ និងជម្ងឺធាត់ ទោះរាល់ថ្ងៃគាត់អត់មានបាយហូបក៏ធាត់ដែរ ។ ជារៀងរាល់ថ្ងៃបានអ្នកជិតខាងឲ្យបាយហូប និងទិញខ្លួនឯងហូបតិចតួចទេ សូម្បីតែលុយទិញថ្នាំក៏ខ្ចីអ្នកជិតខាងដែរ ទម្រាំបើកលុយថ្លៃកាត់ព្រុយខោទើបសងវិញ ។
ជាចុងក្រោយស្ត្រីមេម៉ាយទុរគតខាងលើបានអំពាវនាវដល់សប្បុរសជនទាំងអស់មេត្តាជួយដល់គាត់ដែលកំពុងតែមានជម្ងឺអត់លុយសម្រាប់ព្យាបាលផង ព្រោះគាត់មិនមានកូនចៅជួយផ្គត់ផ្គង់ទេ ។ សប្បុរសជនអាចទំនាក់ទំនងទូរស័ព្ទផ្ទាល់របស់គាត់លេខ ០៩៥ ១០៣ ១៤២ ៕
ចែករំលែកព័តមាននេះ