រាជធានីភ្នំពេញ ៖ លោកគ្រូយិត សារិន ដែលមានឈ្មោះក្រៅថា លោកគ្រូ.ស ជាសិល្បករផ្នែកល្ខោនខោល ដែលមានវ័យចំណាស់ជាងគេ បានធ្លាក់ខ្លួនឈឺធ្ងន់ ដែលអំឡុងពេលនេះត្រូវបានបញ្ជូនព្យាបាលតាំងពីមន្ទីរពេទ្យក្នុងស្រុក រហូតដល់ប្រទេសថៃ។
រាជធានីភ្នំពេញ ៖ លោកគ្រូយិត សារិន ដែលមានឈ្មោះក្រៅថា លោកគ្រូ.ស ជាសិល្បករផ្នែកល្ខោនខោល ដែលមានវ័យចំណាស់ជាងគេ បានធ្លាក់ខ្លួនឈឺធ្ងន់ ដែលអំឡុងពេលនេះត្រូវបានបញ្ជូនព្យាបាលតាំងពីមន្ទីរពេទ្យក្នុងស្រុក រហូតដល់ប្រទេស
ថៃ ។
ដោយសារតែយល់ពីតម្លៃធនធានមនុស្ស និងផ្នែកវប្បធម៌ជាតិខ្មែរ លោកតាយិត សារិន បានទទួលការជួយខ្នះខ្នែងពីសប្បុរជនមួយចំនួនជាបន្តបន្ទាប់ ដូចជាតារាសិល្ប:មួយចំនួនដែរ មានលោកសាវិន ហ្វីលីព បានចេញមុខប្រកាសរកជំនួយជូនលោកគ្រូល្ខោនខោល ដែលលោកបានទទួលថវិកាមួយចំនួនពីសិល្បករមាន លោកខៃ ប្រសិទ្ធ, សារ៉ាយ សក្ខណា, កញ្ញាសូរ្យ អេណា និងតារាមួយចំនួនទៀត ។ អ្វីដែលរំភើបចិត្តក្រុមយុវជនព្រះសុរិយា ដែលមានលោកយាង វណ្ឌី ជាប្រធានបានចេញមុខយករថយន្តផ្ទាល់ខ្លួន ជួយដឹកជញ្ជូនលោកតាតាំងពីភ្នំពេញ រហូតដល់ព្រំដែនថៃប៉ោងប៉ែត និងបន្តដល់មន្ទីរពេទ្យថៃ ដោយក្រុមយុវជនស្រឡាញ់វប្បធម៌មួយនេះ មិនគិតការនឿយហត់ ខាតកម្លាំងអ្វីឡើយនេះ ជាទឹកចិត្តគំរូមួយ សម្រាប់យុវជនដទៃទៀត យកចិត្តកត់សម្គាល់ផងដែរ ។
បន្ទាប់ពីធ្លាក់ខ្លួនឈឺ ហើយចំណាយពេលព្យាបាលនៅមន្ទីរពេទ្យក្នុងស្រុក អស់រយៈពេលជាច្រើនថ្ងៃ ហើយអាការៈជំងឺហាក់នៅតែមិនធូរស្រាលនោះ ពេលនេះព្រឹទ្ធាចារ្យល្ខោនខោល លោកតា យិត សារិន ហៅលោកគ្រូ.ស ដែលមានវ័យ៩១ឆ្នាំ ត្រូវបានក្រុមគ្រួសារបញ្ជូនតាមរថយន្តទៅសង្គ្រោះបន្ទាន់នៅប្រទេសថៃ ។
បើតាមការឱ្យដឹងពីសំណាក់តារាសម្តែងប្រុសល្បីឈ្មោះ និងតែងតែកៀងគរកម្លាំងមនុស្សធម៌ជួយដល់សង្គម លោកសាវិន ហ្វីលីព បាននិយាយថា ពេលនេះ លោកសាស្ត្រាចារ្យល្ខោនខោល យិត សារិន អាយុ៩១ឆ្នាំ ហៅលោកគ្រូ.ស កំពុងធ្វើដំណើរតាមរថយន្តចេញពីភ្នំពេញ ទៅខេត្តសុរិន្ទ ប្រទេសថៃ ដើម្បីព្យាបាលជំងឺជាបន្ទាន់ នាជីវិតចុងក្រោយរបស់គាត់ ដោយត្រូវធ្វើដំណើរឆ្លងកាត់ខេត្តសៀមរាប ។
តារាសម្តែងក្នុងភាពយន្តលំដាក់អន្តរជាតិ «JailBreak» ឬ«ការពារឧក្រិដ្ឋជន» លោកសាវិន ហ្វីលីព បានបញ្ជាក់ថា «លោក យៀង វ៉ាន់ឌី ដែលជាកូនសិស្សរបស់គាត់ ដែលកំពុងជូនដំណើរលោកតាបានប្រាប់មុននេះថា គាត់នឹងត្រូវឈប់សម្រាក នៅក្នុងខេត្តសៀមរាបសិន ដើម្បីទទួលថវិកាឧបត្ថមពីសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន មុនបន្តដំណើរទៅខេត្តសុរិន »។
ជាមួយគ្នានេះ តារាប្រុសលោកសាវិន ហ្វីលីព ក៏បានបន្ថែមថា «មូលនិធិ សាវិន ដើម្បីកុមារ និងមូលនិធិតារារះថ្មី របស់តារាបង្ហាញម៉ូត អេនណាសូរ្យ នឹងប្រគល់ជូនថវិកា ដែលប្រមូលបានពីសប្បុរសជនទាំងអស់ ជូនគាត់ពេលគាត់ត្រឡប់មកដល់ភ្នំពេញវិញ!»។
សូមបញ្ជាក់ថា កាលពីថ្មីៗនេះ ព្រឹទ្ធាចារ្យល្ខោនខោល លោកតាយិត សារិន ក៏បានចេញឃ្លីបវីដេអូមួយ ដើម្បីធ្វើការអំពាវនាវ
ដង្ហើយសុំជំនួញពីសប្បុរសជន មេត្តាឧបត្ថម្ភជួយថវិកាក្នុងការព្យាបាលជំងឺ ខណៈក្រុមគ្រួសាររបស់លោកតា ហាក់មានជីវភាពខ្វះខាងខ្លាំង ។
ដោយសន្តានចិត្តអាណិតអាសូរចំពោះវីរៈសិល្បករជើងចាស់ លោកតាព្រឹទ្ធាចារ្យ យិត សារិន (ហៅស ឬស្វា.ស) ដែលកំពុងមានជំងឺរលាកថ្លើមធ្ងន់ធ្ងរនោះ នៅព្រឹកថ្ងៃទី ២០ ខែធ្នូ ឆ្នាំ២០១៦ នេះ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានចាត់ឱ្យក្រុមការងារសាខាកាកបាទក្រហមកម្ពុជា ខេត្តសៀមរាប នាំយកថវិកាចំនួន ៥,០០០ដុល្លារអាមេរិក
(ប្រាំពាន់ដុល្លារអាមេរិក) ប្រគល់ជូនផ្ទាល់ដៃ លោកតាព្រឹទ្ធាចារ្យ និងលោក សារិន វឌ្ឍនៈ ជាកូនប្រុសបង្កើត នៅទីស្នាក់ការសាខាកាកបាទក្រហមកម្ពុជា ខេត្តសៀមរាប ខណៈពេលកំពុងធ្វើដំណើរពីភ្នំពេញទៅព្យាបាលជំងឺនៅមន្ទីរពេទ្យសុរិន្ទ ប្រទេស
ថៃ ។ សូមបញ្ជាក់ថា កាលពីថ្ងៃទី១៨ កក្កដា កន្លងទៅ កាកបាទក្រហមកម្ពុជាបានឧបត្ថម្ភថវិកា៥លានរៀល ជូនលោកតាព្រឹទ្ធាចារ្យ យិត សារិន ម្តងរួចមកហើយ។
លោកតាព្រឹទ្ធាចារ្យ យិត សារិន (ហៅស ឬស្វា.ស) អាយុ៩២ឆ្នាំ ជាគ្រូសិល្បៈផ្នែកល្ខោនខោល ដែលបានលះបង់កម្លាំងកាយ-ចិត្ត ផ្តល់ចំណេះដឹងសិល្បៈ ផ្នែកល្ខោនខោល ជូនដល់កុលបុត្រកុលធីតាខ្មែរជំនាន់ក្រោយ ។ បន្ថែមពីនេះ លោកតាព្រឹទ្ធាចារ្យ មានឯកទេសសំដែងតួ «ស្វា» ធ្លាប់រាំសំដែងនៅក្នុងព្រះបរមរាជវាំង នាសម័យសង្គមរាស្ត្រនិយម ក្នុងរជ្ជកាលព្រះមហាក្សត្រីយានី ស៊ីសុវត្ថិកុសុមៈនារីរ័ត្ន សិរីវឌ្ឍនា ហើយក៏ជាអតីតគ្រូបង្ហាត់សិល្បៈផ្នែកល្ខោនខោលនៅក្នុងព្រះបរមរាជវាំង និងសាលាមធ្យមវិចិត្រសិល្បៈទៀតផង ។
ចែករំលែកព័តមាននេះ