ខេត្តសៀមរាប ៖ ប្រាសាទភ្នំក្រោម ស្ថិតនៅលើកំពូលភ្នំក្រោម មានចម្ងាយប្រហែល១២គីឡូម៉ែត្រខាងត្បូងក្រុងសៀមរាប ខាងជើងបឹងទន្លេសាប និងមានចម្ងាយប្រហែល២២គីឡូម៉ែត្រពីប្រាសាទអង្គរវត្ត ។
ខេត្តសៀមរាប ៖ ប្រាសាទភ្នំក្រោម ស្ថិតនៅលើកំពូលភ្នំក្រោម មានចម្ងាយប្រហែល១២គីឡូម៉ែត្រខាងត្បូងក្រុងសៀមរាប ខាងជើងបឹងទន្លេសាប និងមានចម្ងាយប្រហែល២២គីឡូម៉ែត្រពីប្រាសាទអង្គរវត្ត ។
ប្រាសាទនភ្នំក្រោមកសាងឡើងក្នុងរាជ្យព្រះបាទយសោវរ្ម័នទី១ (៨៨៩-៩១០គ្រឹស្តសករាជ) ចុងសតវត្សទី៩ និងដើមសតវត្សទី១០ ក្នុងរជ្ជកាលដំណាលគ្នានឹងប្រាសាទភ្នំបាខែង និងប្រាសាទភ្នំបូក ដើម្បីគោរពដល់ព្រហ្មញ្ញសាសនា ឧទ្ទិសដល់អាទិទេពទាំងបី (ត្រីម៌ូតិ) គឺប៉មកណ្តាលឧទ្ទិសដល់ព្រះឥសូរ ប៉មខាងត្បូងឧទ្ទិសដល់ព្រះព្រហ្ម និងប៉មខាងជើងឧទ្ទិសដល់ព្រះនារាយណ៍។
ប៉មបីទន្ទឹមគ្នានៃប្រាសាទនេះ សាងសង់ឡើងលើខឿនតែមួយ និងមានទំហំ ខុសៗគ្នាគឺ ប៉មកណ្តាលរាងការេមានទំហំ៩,៤០ម៉ែត្រគុណនឹង៩,៤០ម៉ែត្រ និងកម្ពស់១០ម៉ែត្រ។ ឯប៉មខាងជើងនិងខាងត្បូងប្លង់រាងការេដែរ ដែលមានទំហំ៧,៥០ម៉ែត្រគុណនឹង៧.៥០ម៉ែត្រ។ បច្ចុប្បន្ន ប្រាសាទស្ថិតនៅកណ្តាលហ៊ុមព័ទ្ធដោយកំពែងថ្មបាយក្រៀម ក្នុងទំហំប្រមាណ៣៤០៨ម៉ែត្រក្រឡា ។
អ្នកទេសចរដែលឡើងទៅដល់ប្រាសាទភ្នំក្រោម អាចគយគន់ទិដ្ឋភាពដ៏ស្រស់ស្អាតនៃប្រាសាទ រួមនឹងទិដ្ឋភាពជុំវិញដូចជា បឹងទន្លេសាប វាលស្រែដ៏ធំល្វឹងល្វើយ និងទិដ្ឋភាពពេលថ្ងៃរៀបលិចយ៉ាងស្រស់ស្អាតទៀតផង ៕
ចែករំលែកព័តមាននេះ