រឿងរ៉ាវ និងព្រឹត្តិការណ៍ប្លែកៗគួរឱ្យចាប់អារម្មណ៍ដែលកើតឡើងក្នុងឆ្នាំ២០១០ ត្រូវបានចងក្រងដោយគេហទំព័រមួយរបស់ប្រទេសអង់គ្លេស ហើយត្រូវបានបង្ហាញកាលពីពេលថ្មីៗកន្លងមក ។
១-សត្វរុយមួយក្បាលទំបបូរមាត់លោកប្រធានាធិបតីបារ៉ាក់ អូបាម៉ា នៅពេលលោកថ្លែងសុន្ទរកថា នៅសេតវិមាន ។
២-ទ្រង់វីលៀមបុត្រាម្ចាស់ក្សត្រីដាយអាណា នៃចក្រភពអង់គ្លេសទទួលបានការស្វាគមន៍ ដោយស្រីស្អាតជាច្រើននាក់នៅពេលទ្រង់យាងដល់វិមានរដ្ឋាភិបាលនៅក្នុងទីក្រុងមែលប៊ន ប្រទេសអូស្ត្រាលី ក្នុងអំឡុងពេលទ្រង់យាងបំពេញទស្សនកិច្ចក្រៅផ្លូវការនៅប្រទេសអូស្ត្រាលី ។
៣-កងកិត្តិយសម្នាក់បានដួលសន្លប់ផ្កាប់មុខលើកំរាលឥដ្ឋដោយសារអាកាសធាតុក្តៅខ្លាំង ខណៈពេលកំពុងឈរផ្តល់កិត្តិយសសំរាប់សមាជិកសភាដាណឺម៉ាក និងសមាជិកសភាអឺរ៉ុបក្នុងឱកាសនៃពិធីជប់លៀងដែលរៀបចំឡើងដោយម្ចាស់ក្សត្រីយានីដាណឺម៉ាក់ នៅវិមាន Christiansborg ក្នុងទីក្រុងកូប៉េនហាក ។
៤-នារីអ្នកផ្សព្វផ្សាយពាណិជ្ជកម្មម្នាក់បានដួលសន្លប់ផ្កាប់មុខដោយសារអាកាសធាតុក្តៅខ្លាំង នៅពេលចូលរួមពិធីបើកព្រឹត្តិការណ៍ប្រកួតកីឡាទ្រង់ទ្រាយធំនៅក្នុងទីក្រុងហ្សេងហ្ស៊ូ ខេត្តហៃណានភាគកណ្តាលប្រទេសចិន ។ ការដួលសន្លប់របស់នាងធ្វើឱ្យអាក់ខានដល់ពិធីនេះ ។
៥-អាវទ្រនាប់យ៉ាងទំនើបមួយប្រភេទអាចធ្វើជាកន្លែងដាំស្រូវបានផលិតដោយក្រុមហ៊ុន Triumph International ជាក្រុមហ៊ុនផលិតសំលៀកបំពាក់ក្នុងធំមួយរបស់ប្រទេសជប៉ុន ។
ក្រុមហ៊ុន Triumph International បានផលិតអាវទ្រនាប់នេះឡើងក្នុងគោលបំណងធ្វើឱ្យប្រជាជនទាំងឡាយល់ដឹងអំពីការធ្វើស្រែ និងយល់ដឹងអំពីសារសំខាន់នៃការធ្វើស្រែ ។
៦-អាវទ្រនាប់យ៉ាងទំនើបមួយប្រភេទទៀតមានឈ្មោះថា «ស្វាគមន៍អាវទ្រនាប់ជប៉ុន» ក៏ផលិតបានដោយក្រុមហ៊ុនមួយរបស់ប្រទេសជប៉ុនដែរ ។ អាវទ្រនាប់នេះមានឡេវពណ៌មាស៣ ព្រមទាំងមានភ្ជាប់ផែនទីរបស់ប្រទេស
ជប៉ុន ។ នៅពេលចុចឡេវនីមួយៗ ចេញសារសរសេរថា «ស្វាគមន៍ប្រទេសជប៉ុន» ក្នុង៣ភាសា គឺភាសាអង់គ្លេស ភាសាចិន និងភាសាកូរ៉េ។
៧-បុរសអ្នកសំដែងម្នាក់ឈ្មោះ Chayne Hultgren បានបង្ហាញភាពអស្ចារ្យរបស់ខ្លួនដោយយកដាវ១៨ដាក់បញ្ចូលក្នុងមាត់លិចចូលជំរៅយ៉ាងជ្រៅ ។ លោកបានបង្ហាញពីភាពអស្ចារ្យនេះនៅទល់មុខវិមាន Opera House ក្នុងទីក្រុងស៊ីដនី ប្រទេសអូស្ត្រាលី ដើម្បីបំបែកឯតទគ្គកម្មពិភពលោកជាមនុស្សមានសមត្ថភាពអស្ចារ្យបំផុត ។
៨-អ្នកសំដែងជនជាតិឥណ្ឌាម្នាក់នេះឈ្មោះ Chaman បង្ហាញពីភាពអស្ចារ្យរបស់ខ្លួនគឺធ្វើឱ្យផ្សែងបារីចេញតាមត្រចៀក ទាំងសងខាងរបស់លោក ។
៩-ក្មេងប្រុសជនជាតិចិនម្នាក់អាយុ៦ឆ្នាំជួបគ្រោះថ្នាក់ចៃដន្យគួរឱ្យរន្ធត់មួយដោយធ្លាក់ពីជាន់ទី១ នៃអគារយ៉ាងខ្ពស់មួយ ហើយក្បាលរបស់គេទៅជាប់នឹងចំរឹងដែក ដែលមើលទៅគួរឱ្យរន្ធត់បំផុត ។ ក្មេងប្រុសនេះបានជួបគ្រោះថ្នាក់នេះនៅពេលវាដើរសរសៀរតាមបង្អួចដើររកជីតា ។
១០-យុវជននេប៉ាល់ឈ្មោះ Khagendra Thapa Magar បង្ហាញពីភាពរីករាយយ៉ាងខ្លាំងនៅពេលរូបគេទទួលបានការទទួលស្គាល់ជាផ្លូវការដោយអង្គការកំណត់ហេតុ (ហ្គីណេសប៊ុក) ជាបុរសទាប ហើយតូចបំផុតលើពិភពលោក។ យុវជនរូបនេះអាយុ១៨ឆ្នាំ ប៉ុន្តែមានកំពស់ត្រឹមតែ៦៧សង្ទីម៉ែត្រប៉ុណ្ណោះ ។
យុវជន Khagendra ទទួលតំណែងនេះ ពីយុវជនកូឡុំប៊ីម្នាក់ឈ្មោះ Edward Nino Hernandez អាយុ១៨ឆ្នាំ មានកំពស់៦៩សង្ទីម៉ែត្រ ៕
ចែករំលែកព័តមាននេះ