រាជធានីភ្នំពេញ ៖ នៅសាកលវិទ្យាល័យអាយអាយស៊ី នៃបច្ចេកវិទ្យា មានរៀបចំពិធីតាំងពិព័រណ៍អប់រំ និងបច្ចេកវិទ្យារយៈពេលពីរថ្ងៃ គឺនៅថ្ងៃទី១៨ និងទី១៩ មិថុនា ដើម្បីឱ្យនិស្សិតបានស្វែងយល់អំពីអានុភាពនៃបច្ចេកវិទ្យាព័ត៌មាន ។
រាជធានីភ្នំពេញ ៖ នៅសាកលវិទ្យាល័យអាយអាយស៊ី នៃបច្ចេកវិទ្យា មានរៀបចំពិធីតាំងពិព័រណ៍អប់រំ និងបច្ចេកវិទ្យារយៈពេលពីរថ្ងៃ គឺនៅថ្ងៃទី១៨ និងទី១៩ មិថុនា ដើម្បីឱ្យនិស្សិតបានស្វែងយល់អំពីអានុភាពនៃបច្ចេកវិទ្យាព័ត៌មាន ។
លោកបណ្ឌិតឈួន ចាន់ថន សាកលវិទ្យាធិការនៃសាកលវិទ្យាល័យអាយអាយស៊ីនៃបច្ចេកវិទ្យាបានថ្លែងថា បច្ចេកវិទ្យាព័ត៌មានវិទ្យាត្រូវបានសាកលវិទ្យាល័យនានាលើពិភពលោកកំពុងប្រើប្រាស់ ហើយសាកល វិទ្យាល័យអាយអាយស៊ីនៃបច្ចេកវិទ្យា ក៏ជាសាកលវិទ្យាល័យមួយលំដាប់ស្ដង់ដាអន្ដរជាតិដែរ ។ ហេតុដូច្នេះហើយ ទើបសាកលវិទ្យាល័យបានសំរេចចិត្ដរៀបចំឱ្យមានការតាំងពិព័រណ៍បែបនេះឡើង ដើម្បីបង្ហាញឱ្យនិស្សិតមើលឃើញអំពីប្រព័ន្ធអប់រំ ដែលកាន់តែទំនើបទៅៗ ប្រយោជន៍ដើម្បីឱ្យនិស្សិតទាំងនោះមានគំនិតថ្មីនៅក្នុងការខិតខំប្រឹងប្រែងអភិវឌ្ឍន៍ចំណេះដឹងរបស់ខ្លួនរត់ឱ្យទាន់សម័យបច្ចេកវិទ្យា ដែលសាកលវិទ្យាល័យនានាលើពិភពលោកគេកំពុងប្រើប្រាស់អស់ទៅហើយនេះ ។ និស្សិតទាំងឡាយគួរតែយល់ដឹងគ្រប់គ្នាហើយថា សម័យនេះគេបង្ហោះចំណេះដឹងទៅតាមខ្យល់ទៅហើយខុសប្លែកពីសម័យមុនៗដែលចំណេះដឹងគេអាចបង្ហោះបានតែតាមរយៈសំលេង និងការ បោះពុម្ពប៉ុណ្ណោះ ។ កាលណាគេនិយាយអំពីបច្ចេកវិទ្យា ICT នេះ គឺគេតែងនឹកឃើញអំពីអ៊ីនធើរណេតជាប្រភពចំណេះដឹងលើគ្រប់វិស័យទាំងអស់ ដែលត្រូវបានគេយកទៅទុកនៅក្នុងអ៊ីនធើរណេត ហើយគេក៏អាចទៅស្វែងរកបានគ្រប់ពេលវេលាដែរ ។
លោកបណ្ឌិតឈួន ចាន់ថន បានបញ្ជាក់ថា នេះគឺជាលើកទី១ហើយដែលសាកលវិទ្យាល័យអាយអាយស៊ីនៃបច្ចេកវិទ្យាបានរៀបចំឱ្យមានការតាំងពិព័រណ៍អប់រំ និងបច្ចេកវិទ្យាបែបនេះ ដែលពិព័រណ៍នេះមានក្រុមហ៊ុនចំនួន៥០ចូលរួម ផ្ដោតសំខាន់ទៅលើបច្ចេកវិទ្យាអប់រំថ្នាក់មហាវិទ្យាល័យ ហើយពិព័រណ៍នេះមិនមែនមានតែនិស្សិតចូលរួមទស្សនាទេ មាតា បិតា និងអាណាព្យាបាលនិស្សិតក៏បានចូលរួមទស្សនាផងដែរ ដើម្បីធ្វើការផ្លាស់ប្ដូរ នូវការគិតអំពីអ្វីខ្លះដែលត្រូវមានការកែប្រែនៅក្នុងវិស័យសិក្សាធិការ ៕
ចែករំលែកព័តមាននេះ