ប្រទេសចិន ៖ លំហូរមូលធនឆ្លងកាត់ព្រំដែនរបស់ចិននៅតែមានស្ថិរភាព ដោយគ្មានការកើនឡើងនៃអត្រាប្តូរប្រាក់បរទេស ។ នេះបើតាមរដ្ឋបាលប្តូរប្រាក់បរទេស (SAFE) បានឆ្លើយតបនឹងការព្រួយបារម្ភពីកំណើនប្តូរមូលធន បន្ទាប់ពីមានការដួលរលំទុនបម្រុងបរទេសរបស់រដ្ឋាភិបាល ។
SAFE បាននិយាយកាលពីថ្ងៃព្រហស្បតិ៍ថា ទុនបម្រុងបរទេសរបស់ចិនបានធ្លាក់ចុះសម្រាប់ខែទី៥ជាប់គ្នាក្នុងខែវិច្ឆិកា ដោយមានចំនួន៣,០៥ទ្រីលានដុល្លារអាមេរិក ។ តួលេខនេះជាការធ្លាក់ចុះប្រចាំខែធំបំផុតចាប់ពីខែមករាឆ្នាំនេះ ហើយជាកម្រិតទាបបំផុតចាប់ពីខែមីនា ឆ្នាំ២០១១ ។
តាមរយៈមន្ត្រីមកពី SAFE សុំមិនបញ្ចេញឈ្មោះបានច្រានចោលសម្ពាធនៃការធ្លាក់ចុះលំហូរមូលធនដោយនិយាយថា ស្ថានភាពនេះនៅតែអាចគ្រប់គ្រងបាន ។ មន្ត្រីរូបនេះនិយាយថា ៖ « ឱនភាពអត្រាប្តូរប្រាក់បរទេសនៅខែវិច្ឆិកា កើតមានចំពោះធនាគារ ទោះបីជាបានកើនឡើងពីមួយខែទៅមួយខែក្តី ។ ប៉ុន្តែវាទាបជាងកាលពីដើមឆ្នាំ២០១៦ ពេលដែលធនាគារកណ្តាលអាមេរិកបង្កើនអត្រាការប្រាក់អាមេរិក ។ យើងមិនឃើញការកើនឡើងនៃតម្រូវការអត្រាប្តូរប្រាក់បរទេសណាមួយទាំងក្នុងអាជីវកម្ម ឬបុគ្គលទេ»។
មន្ត្រីដដែលទទួលស្គាល់ថា បុគ្គលដែលបានប្តូរប្រាក់កាលពីខែមុន ដោយសារតែមានការទិញអីវ៉ាន់ឆ្លងកាត់ព្រំដែន ។ ប៉ុន្តែការកើនឡើងនេះ គឺពិតជាទាបជាងកម្រិតមធ្យមក្នុងរយៈពេលប៉ុន្មានឆ្នាំចុងក្រោយ ។
ធនាគារវិនិយោគចិន CICC មានការធ្លាក់ចុះនៃអត្រាប្តូរប្រាក់បរទេស ខណៈប្រាក់ដុល្លារអាមេរិករឹងមាំខ្លាំង ដោយសារការរំពឹងទុកយ៉ាងខ្លាំងនៃការដំឡើងអត្រាការប្រាក់របស់ធនាគារកណ្តាលអាមេរិក ដែលបានដាក់សម្ពាធលើប្រាក់យន់ចិន ។ កាលពីខែមុន ប្រាក់យន់បានធ្លាក់ចុះ១,៦៩%បើធៀបនឹងប្រាក់ដុល្លារ ប៉ុន្តែមានស្ថិរភាព បើធៀបជាមួយរូបិយប័ណ្ណផ្សេងទៀត ។
មន្ត្រីរូបនេះឱ្យដឹងថា មានមូលដ្ឋានរឹងមាំសម្រាប់លំហូរមូលធនឆ្លងកាត់ព្រំដែន ខណៈមានសម្ពាធតិចពីបំណុលខាងក្រៅ និងការបើកទីផ្សារអន្តរធនាគារមូលបត្របំណុល ដែលគាំទ្រការដាក់បញ្ចូលប្រាក់យន់ក្នុងកញ្ចប់បម្រុងរបស់ IMF និងសន្ទស្សន៍អត្រាប្តូរប្រាក់យន់មានស្ថិរភាព ។ មន្ត្រីនោះនិយាយថា ៖ «ប្រាក់ដុល្លារអាមេរិករឹងមាំខ្លាំង ជាកត្តាតែមួយគត់ដែលមានឥទ្ធិពលលើលំហូរមូលធនចិន ដែលជាមូលដ្ឋានគ្រឹះសេដ្ឋកិច្ចមិនផ្លាស់ប្តូរ ។ និយ័តករនឹងបន្តបង្ក្រាបលើការផ្ទេរមូលធនខុសច្បាប់ដែលបន្លំខ្លួនវិនិយោគនៅក្រៅស្រុក » ។
អាជ្ញាធរចិនបាននិយាយនៅថ្ងៃអង្គារថា ពួកគេនឹងតាមដានយ៉ាងដិតដល់លើសកម្មភាពវិនិយោគបរទេសដែលមិនសមហេតុផល ៕
ចែករំលែកព័តមាននេះ