រាជធានីភ្នំពេញ ៖ ឧកញ៉ាវ័យក្មេង លោកធី ឬទ្ធីសី និងឧកញ៉ា ប៉ែន កាក់ បានរៀបចំកម្មវិធីចែកអំណោយ និងពិសារបាយសាមគ្គីដល់សិល្បករ-សិល្បការិនីជើងចាស់ចំនួន១២រូប ដែលពិធីនេះ រៀបចំឡើងកាលពីថ្ងៃទី០២ ធ្នូ ២០១៦ ។
រាជធានីភ្នំពេញ ៖ ឧកញ៉ាវ័យក្មេង លោកធី ឬទ្ធីសី និងឧកញ៉ា ប៉ែន កាក់ បានរៀបចំកម្មវិធីចែកអំណោយ និងពិសារបាយសាមគ្គីដល់សិល្បករ-សិល្បការិនីជើងចាស់ចំនួន១២រូប ដែលពិធីនេះ រៀបចំឡើងកាលពីថ្ងៃទី០២ ធ្នូ ២០១៦ ។
សិល្បករ-សិល្បការិនីជើងចាស់ទាំង១២រូប រួមមានលោកតាកំប្លែងប៉ិគក់, តារាចម្រៀងអាយ៉ៃ លោកតា ស្មៀន, លោកតាផ្លុងមឿក តារាកំប្លែង, លោកតា សង់ ស៊ីស តារាកំប្លែង, លោកយាយណយ សំណាង តារាកំប្លែង, លោកតាវីតាមីនសេ តារាកំប្លែង, លោក តាចេក តារាកំប្លែង, នាយគ្រោង តារាកំប្លែង, នាយឆើត តារាកំប្លែង, នាយព្រីង តារាកំប្លែង, នាយផ្លយ តារាកំប្លែង, នាយ ស្មាញ និងតារាចម្រៀងលោក នូ ស៊ិប ។ ហើយអំណោយដែលត្រូវចែកជូន រួមមានអង្ករ,ទឹកត្រី,ទឹកស៊ីអ៉ីវ,ត្រីខ,ទឹកផ្លែឈើ និងថវិកាក្នុងម្នាក់ទទួលបានជាង១០០ដុល្លារ ។
ឧកញ៉ាវ័យក្មេង លោកធី ឬទ្ធីសី បានប្រាប់ឲ្យដឹងថា «ការរៀបចំកម្មវិធីនេះឡើង ដើម្បីជាការលើកទឹកចិត្ត ដល់សិល្បករ-សិល្បការិនីចាស់ៗ ដែលមានស្នាដៃសំដែងរយៈពេលយ៉ាងយូរតាំងពីឆ្នាំ៧០ជាង ហើយពួកគាត់បានបន្សល់ទុកស្នាដៃជាច្រើនជូនជាតិ។
ខ្ញុំធ្វើនេះ ដើម្បីលើកទឹកចិត្តពួកគាត់ ឱ្យយពួកគាត់មានកម្លាំងចិត្ត ទោះបីគាត់ចាស់ ជាងហ្នឹងទៀត យើងនៅតែបន្តជួយគាត់ និងលើកទឹកចិត្តគាត់រហូត។លើកនេះ ខ្ញុំជួយបាន សិល្បករ-សិល្បការិនីចាស់ៗ ចំនួន១២រូប ដែលកំពុងប្រឈមនឹងជីវភាពធ្ងន់ធ្ងរជាងគេតែនៅលើក ក្រោយទៀត ខ្ញុំនឹងជួយ សិល្បករ-សិល្បការិនី ចាស់ៗដទៃទៀត»។
លោកបានអំពាវនាវទៅដល់សប្បុរជនមួយចំនួនទៀតដែលមានលទ្ធភាព សូមមេត្តាជួយឧបត្ថម្ភទៅដល់សិល្បករ-សិល្បការិនីចាស់ៗដែលគ្មានលទ្ធភាព និងមានជីវភាពខ្វះខាតបន្ថែមទៀត ពីព្រោះពួកគាត់បានធ្វើឲ្យប្រជាពលរដ្ឋទូទាំងប្រទេស សប្បាយ សើច នឹងការសម្តែងរបស់ពួកគាត់។
ចែករំលែកព័តមាននេះ