ខេត្តកំពង់ឆ្នាំង ៖ មន្ត្រីខណ្ឌរដ្ឋបាលជលផលកំពង់ឆ្នាំង កំពង់ធំ ពោធិ៍សាត់ និងអធិការដ្ឋានជលផលខាងជើង និងខាងត្បូងបឹងទន្លេសាប រួមទាំងសមត្ថកិច្ចចម្រុះ អាជ្ញាធរមូលដ្ឋាន កាលពីព្រឹកថ្ងៃទី០២ វិច្ឆិកា បានចុះបង្ក្រាបបទល្មើសនេសាទដាក់របាំងសាច់អួន នៅបឹងទន្លេសាប ចំណុចត្រង់ព្រំប្រទល់ជាប់គ្នារវាងខេត្តទាំង៣ គឺនៅចំណុចក្រចាប់ ចំណុចថ្កោល និងចំណុចព្រែទាល់ និង
ខេត្តកំពង់ឆ្នាំង ៖ មន្ត្រីខណ្ឌរដ្ឋបាលជលផលកំពង់ឆ្នាំង កំពង់ធំ ពោធិ៍សាត់ និងអធិការដ្ឋានជលផលខាងជើង និងខាងត្បូងបឹងទន្លេសាប រួមទាំងសមត្ថកិច្ចចម្រុះ អាជ្ញាធរមូលដ្ឋាន កាលពីព្រឹកថ្ងៃទី០២ វិច្ឆិកា បានចុះបង្ក្រាបបទល្មើសនេសាទដាក់របាំងសាច់អួន នៅបឹងទន្លេសាប ចំណុចត្រង់ព្រំប្រទល់ជាប់គ្នារវាងខេត្តទាំង៣ គឺនៅចំណុចក្រចាប់ ចំណុចថ្កោល និងចំណុចព្រែទាល់ និងពិសេសគឺនៅចំណុចកដបដែលជាផ្លូវចរាចរណ៍ត្រីចុះមកផ្នែកខាងក្រោមនៃដងទន្លេសាប។
លោកសោម ភិរុណ នាយខណ្ឌរដ្ឋបាលជលផលកំពង់ឆ្នាំងបានឱ្យដឹងថា កម្លាំងសមត្ថកិច្ចចម្រុះបានប្រើប្រាស់កម្លាំងសរុបមានចំនួន៦១នាក់ ដោយប្រើប្រាស់ កាណូតតូចធំ១៣គ្រឿង ។ ចំណែកលទ្ធផលការបង្ក្រាប គឺបាន១៤កន្លែង ដោយកម្ទេចរបាំងសាច់អួនប្រវែង២,៨០០ម៉ែត្រ លបលូសាច់អួន២៨លប, បង្គោល៨០០ដើម និងចាក់លែត្រី១៤០គីឡូក្រាម ចូលទន្លេវិញ ។
ការបង្ក្រាបបទល្មើសរួមគ្នាបែបនេះ គឺចង់ឱ្យត្រីបានចរាចរណ៍ចេញពីបឹងទន្លេសាបចុះទៅតាមដៃទន្លេ ដើម្បីឱ្យប្រជាកសិករបាននេសាទ សម្រាប់ធ្វើត្រីប្រហុកផ្អក ព្រោះពេលនេះ គឺក្នុងខែខ្នើតនៃខែមឹគសិរ ត្រីត្រូវជាបណ្តើរៗ ហើយចំណែកខ្នើតខែក្រោយ គឺខែបុស្សត្រីនឹងសំបូរខ្លាំង ប្រជាកសិករនិងមកពីគ្រប់ទិសទី ដើម្បីធ្វើប្រហុកផ្អក ។
ចែករំលែកព័តមាននេះ