មេដឹកនាំកូរ៉េខាងជើង លោក គីម ជុងអ៊ុន កាលពីថ្ងៃទី១ ធ្នូ ដឹកនាំការធ្វើសមយុទ្ធបា.ញ់កាំភ្លើ.ងធំទ្រង់ទ្រាយធំមួយ ហើយធ្វើត្រាប់ដូចការវាយប្រហារប្រឆាំងកូរ៉េខាងត្បូង ព្រមទាំងគោលដៅឯទៀតៗ ។
មេដឹកនាំកូរ៉េខាងជើង លោក គីម ជុងអ៊ុន កាលពីថ្ងៃទី១ ធ្នូ ដឹកនាំការធ្វើសមយុទ្ធបាញ់កាំភ្លើងធំទ្រង់ទ្រាយធំមួយ ហើយធ្វើត្រាប់ដូចការវាយប្រហារប្រឆាំងកូរ៉េខាងត្បូង ព្រមទាំងគោលដៅឯទៀតៗ ។
ប៉ុន្មានម៉ោងមុននេះ ក្រុមប្រឹក្សាសន្ដិសុខ អ.ស.ប បានអនុម័តដំណោះស្រាយថ្មីមួយដែលពង្រឹងទណ្ឌកម្មថែមទៀតប្រឆាំងការសាកល្បងនុយក្លេអ៊ែរលើកទី៥របស់ព្យុងយ៉ាង។ នាថ្ងៃទី១ ខែធ្នូ កូរ៉េខាងជើងថ្កោលទោសយ៉ាងម៉ឺងម៉ាត់ និងបដិសេធដំណោះស្រាយនោះ ដែលរួមមានទណ្ឌកម្មថ្មីៗដែលគាបសង្កត់លើកម្មវិធីនុយក្លេអ៊ែរ និងមីស៊ីលបាលីស្ទីករបស់ប្រទេសនោះ។ អ្នកនាំពាក្យក្រសួងការបរទេសកូរ៉េខាងជើងបានថ្កោលទោសក្រុមប្រឹក្សាសន្ដិសុខ អ.ស.ប ថា រំលោភបំពានអធិបតេយ្យភាពរបស់ខ្លួន ហើយធ្វើតាមការណែនាំរបស់សហរដ្ឋអាមេរិក ។
កាំភ្លើងធំធុនធ្ងន់ជាច្រើនត្រូវបានដាក់ពង្រាយសម្រាប់សមយុទ្ធយោធានោះ ។ សមយុទ្ធធ្វើត្រាប់ដូចការវាយប្រហារប្រឆាំងកោះ៥នៅតាមព្រំដែន និងបណ្ដាអង្គការដឹកនាំរបស់កូរ៉េខាងត្បូងនៅក្រុងសេអ៊ូលនិងក្រុងឯទៀតៗ ។
ពេលធ្វើសមយុទ្ធលោក គីម ជុងអ៊ុន ថ្លែងថា ប្រសិនបើសង្គ្រាមមួយផ្ទុះឡើង ការវាយប្រហារខ្លាំងបែបនេះនឹងធ្វើឱ្យកងទ័ពកូរ៉េខាងត្បូងរងការបាត់បង់ធ្ងន់ធ្ងរ ហើយឆន្ទះវាយបករបស់ពួកគេនឹងត្រូវបំបែកទាំងស្រុង តាំងពីដើមទីដូច្នេះកងទ័ពនោះនឹងត្រូវកម្ទេចទាំងស្រុង នឹងពុំសល់មនុស្ស ឬអ្វីនៅរស់ឡើយ ៕
ចែករំលែកព័តមាននេះ