ស្នាដៃកូនខ្មែរខិតខំធ្វើ ដើម្បីបង្ហាញទៀតហើយ
រាជធានីភ្នំពេញ ៖ រឿង «ទឹកភ្នែកកក» ត្រូវបានប្រកាសជាស្នាដៃលើកដំបូងរបស់អ្នកដឹកនាំរឿងជានារី គឺអ្នកនាងប៊ុន ចាន់និមល ដែលគេស្គាល់ថា ជាអតីតអ្នកនិពន្ធល្បីឈ្មោះប្រចាំផលិតកម្មសាន់ដេ ។
រាជធានីភ្នំពេញ ៖ រឿង «ទឹកភ្នែកកក» ត្រូវបានប្រកាសជាស្នាដៃលើកដំបូងរបស់អ្នកដឹកនាំរឿងជានារី គឺអ្នកនាងប៊ុន ចាន់និមល ដែលគេស្គាល់ថា ជាអតីតអ្នកនិពន្ធល្បីឈ្មោះប្រចាំផលិតកម្មសាន់ដេ ។
អ្នកនាងបានសំងំបោះទុនច្រើនសែនដុល្លារ ដើម្បីបង្កើតផលិតកម្មថ្មីមួយ មានឈ្មោះថា «ផលិតកម្មសាស្ត្រា ឬ Sastra Film » និងប្រកាសចេញថតរឿងដំបូងគឺរឿង «ទឹកភ្នែកកក» វាយលុកទីផ្សារភាពយន្ត ។
អ្នកនិពន្ធដែលមានស្នាដៃរាប់មិនអស់ ក្នុងបទចម្រៀងល្បីៗរបស់ផលិតកម្មសាន់ដេរូបនេះនិយាយថា បន្ទាប់ពីយល់ថា ភាពយន្តសម្រាប់ម៉ោងមាស នៅលើកញ្ចក់ទូរទស្សន៍មានតម្រូវការខ្ពស់នោះ ទើបអ្នកនាងសម្រេចចិត្តបោះទុនផលិតរឿងភាគ ដោយបានក្រុងពាលីរឿង «ទឹកភ្នែកកក» បើកឆាកនៅព្រឹកថ្ងៃទី១ ធ្នូ ២០១៦ ។
អ្នកនាងថា នេះសា្នដៃភាពយន្តភាគលើកដំបូង ប៉ុន្តែនាពេលកន្លងមក អ្នកនាងមិនត្រឹមតែមានស្នាដៃក្នុងការនិពន្ធទំនុកច្រៀងប៉ុណ្ណោះទេ គឺការដឹកនាំសម្ដែង ការរៀបចំប្លង់សម្ដែង ក៏អ្នកនាងមានជំនាញផងដែរ ដោយបានរំលេចស្នាដៃថតស្ពត និងផលិតរឿងខ្លីរាប់មិនអស់ ។
អ្នកនាងថា ខ្សែរឿង«ទឹកភ្នែកកក»ជារឿងដែលទូរទស្សន៍បាយ័ន ទិញសិទ្ធិយកទៅបញ្ចាំង ទើបអ្នកនាង និងក្រុមការងារត្រូវតែសម្រិតសម្រាំងស្នាដៃមួយនេះ ឱ្យទទួលបានការកត់សម្គាល់ ដើម្បីបើកមុខផលិតកម្ម SASTRA Film ។ អ្នកនាងថា រឿង
«ទឹកភ្នែកកក» ជាស្នាដៃនិពន្ធថ្មីសុទ្ធសាធ តែអ្នកនាងថា អ្នកស្នេហាវិស័យភាពយន្តខ្មែរ នឹងទទួលបានរសជាតិថ្មីពីភាពយន្តនេះ ដោយសារតែមុនពេលចេញថតអ្នកនាង និងក្រុមការងារមានភាពម៉ត់ចត់លើការផលិត។
អ្នកនាងប៊ុន ចាន់និមល បន្តថា តួឯកក្នុងរឿង«ទឹកភ្នែកកក» មិនមានអ្នកណាមិនឆ្លងកាត់ការធ្វើតេសកាមេរ៉ា និងសម្ភាសន៍នោះទេ ដោយដំណាក់កាលទី១ គឺអ្នកនាងជ្រើសយកតួប្រុស២០នាក់ តួស្រី២០នាក់ ដំណាក់កាលទី២ ជ្រើសយកតួប្រុស៥នាក់ តួស្រី៥នាក់ ដំណាក់កាលទី៣ជ្រើសយកម្ខាងៗ២នាក់ និងដំណាក់កាលចុងក្រោយ គឺយកបេក្ខភាព២រូប ដែលសម្រាំងបានមកសម្ដែងចុះឡើងៗជាថ្មីម្ដងទៀត ដើម្បីសម្រេចយកម្នាក់អោយធ្វើតួឯក ។
ចែករំលែកព័តមាននេះ