រាជធានីភ្នំពេញ ៖ ប្រជាពលរដ្ឋក្រីក្រចំនួន១១គ្រួសារ ក្នុងនោះមាន៤គ្រួសារ ជាជនពិការ ដែលរស់នៅក្នុងសង្កាត់ស្ទឹងមានជ័យ ខណ្ឌមានជ័យ បានទទួលអំណោយជាគ្រឿង ឧបភោគបរិភោគ ក៏ដូចជារទេះពិការ
រាជធានីភ្នំពេញ ៖ ប្រជាពលរដ្ឋក្រីក្រចំនួន១១គ្រួសារ ក្នុងនោះមាន៤គ្រួសារ ជាជនពិការ ដែលរស់នៅក្នុងសង្កាត់ស្ទឹងមានជ័យ ខណ្ឌមានជ័យ បានទទួលអំណោយជាគ្រឿង ឧបភោគបរិភោគ ក៏ដូចជារទេះពិការចំនួន៤គ្រឿងពីអនុសាខាកាកបាទក្រហមកម្ពុជា ខណ្ឌមានជ័យ ដឹកនាំដោយលោក ឌី រ័ត្នខេមរុណ អភិបាលរងខណ្ឌ និងជាប្រធានអនុសាខាកាកកបាទក្រហមប្រចាំខណ្ឌ ។
អំណោយដែលត្រូវចែកជូនរួមមាន អង្គរ១ប៉ាវ ស្មើ៣០គីឡូក្រាម ឃីត១ឈុត ( មានមុង ភួយ ក្រមា ) មី១កេស ទឹកត្រី១យួរ ទឹកស៊ីអ៊ីវ១យួរ ត្រីខ១យួរ ទឹកបរិសុទ្ធ១យួរ រួមទាំងថវិកាក្នុង១គ្រួសារ៨ម៉ឺនរៀលផងដែរ ។ សូមបញ្ជាក់ថា ថវិកាទាំង៨ម៉ឺននោះ ២ម៉ឺនជារបស់កាកកបាទក្រហមខណ្ឌ ២ម៉ឺនជាបច្ច័យឧបត្ថម្ភរបស់ចៅអធិការវត្តនន្ទមុនី និង៤ម៉ឺនជារបស់សប្បុរសជន ។
លោក ឌី រ័ត្នខេមរុណ អភិបាលរងខណ្ឌមានជ័យ និងជាប្រធានអនុសាខាកាកកបាទក្រហមកម្ពុជាខណ្ឌមានជ័យ បានមានប្រសាសន៍ឱ្យដឹងថា ជីវិតរស់នៅត្រូវតែមានការតស៊ូ និងព្យាយាម ចូលបងប្អូនកុំអស់សង្ឃឹម ចំពោះភាពក្រីក្រលំបាករបស់ខ្លួន ពិសេសបងប្អូនដែលជាពិការជន ព្រោះថា គ្មាននរណាកើតមកមិនជួបការលំបាកឡើយ ប៉ុន្តែយើងត្រូវជំនះវាឱ្យបាន ដើម្បីបន្តជីវិតរស់ទៅមុខទៀត និងដើម្បីមានជីវិតនៅជាមួយក្រុមគ្រួសារ និងមនុស្សជាទីស្រលាញ់ ។ លោកអភិបាលរងបន្តថា ទីណាមានទុក្ខលំបាករបស់ពលរដ្ឋ ទីនោះមានកាកកបាទក្រហមកម្ពុជា តែងនៅក្បែរ និងចាំជួយបងប្អូនជានិច្ច ។
បន្ថែមពីនោះ លោកអភិបាលរងឱ្យដឹងថា រយៈពេល៣ឆ្នាំ កន្លងមកនេះ កាកបាទក្រហមកម្ពុជាខណ្ឌមានជ័យ បានជួយដោះរំលែកទុក្ខលំបាករបស់ពលរដ្ឋក្រីក្រចំនួន៣.០០០គ្រួសារមកហើយ ដោយបានពាំនាំនូវអំណោយមនុស្សធម៌របស់សម្តេចកិតិព្រឹទ្ធបណ្ឌិត ប៊ុន រ៉ានី ហ៊ុន សែន មានជាគ្រឿងឧបភោគបរិភោគផ្សេងៗ រួមទាំងថវិកាតិចក្តីច្រើនក្តីចែកជូនដល់បងប្អូន ។
ចែករំលែកព័តមាននេះ