អាមេរិក៖ តាមប្រភពព័ត៌មាន Viral4real បានឱ្យដឹងថា សត្វចៃម្យ៉ាង ហៅថា «Lone Star Tick» (មិនមាននៅស្រុកយើងទេ) ដែលប្រភេទសត្វនេះខាំ អាចធ្វើឱ្យមនុស្សយើងប្រតិកម្មជាមួយនឹងការបរិភោគសាច់ ។
ពួកវាមាននៅក្នុងព្រៃ នាប៉ែកបញ្ចឹមនៃសហរដ្ឋអាមេរិក រួមមានភាគកណ្តាលនៃរដ្ឋ Wisconsin រដ្ឋ Texas និង រដ្ឋ Maine។
ទឹកមាត់របស់វា ធ្វើឱ្យបុគ្គលដែលត្រូវវាខាំនោះ មានប្រតិកម្មទៅជាមួយសាច់ទាំងឡាយណា ដែលមានសារជាតិ «Alpha Gel» រួមមានសាច់គោ សាច់ចៀម និងសាច់ជ្រូក ។
គួរបញ្ជាក់ថា វាមិនមែនងាយស្រួល ព្យាបាលដូចប្រតិកម្មផ្សេងៗទេ ដែលគ្រាន់តែលេបថ្នាំអាឡែហ្ស៊ីនោះទេ ។ វាត្រូវទាមទារឱ្យយើងទៅពេទ្យជាបន្ទាន់ ព្រោះវាលក្ខណៈធ្ងន់ធ្ងរ ។
អ្នកដែលត្រូវវាខាំនឹងមានអាការៈអាឡែហ្ស៊ី ក្រោយពេលបានទទួលសាច់រយៈពេលប៉ុន្មានម៉ោងក្រោយមក ។ ដូចនេះ អ្នកដែលត្រូវចៃប្រភេទខាងលើខាំ អាចទទួលបានតែសាច់ត្រី សាច់មាន់ និងស៊ុត ។
ទោះបីជាសត្វចៃប្រភេទនេះមិនមែននៅស្រុកយើងក៏ដោយ ក៏យើងគួរតែយល់ដឹងពីវាដែរ ព្រោះថាថ្ងៃណាមួយ យើងទៅដើរលេងនៅអាមេរិកក៏មិនដឹង។
ចែករំលែកព័តមាននេះ