លោកអ្នកដែលត្រូវការសម្រកទម្ងន់ខ្លួនគប្បីអនុវត្តតាមរបៀបទទួលទានអាហារមួយចំនួនដូចខាងក្រោម ៖
១-ត្រីសាល់ម៉ុន ៖ ត្រីសម្បូរជាតិខ្លាញ់ដូចជាត្រីសាល់ម៉ុនមានផលល្អចំពោះសុខភាព។ វាធ្វើឲ្យអ្នកឆ្អែតបានច្រើនម៉ោងដោយមានកាល់ឡូរីត្រឹមតែបន្តិចបន្តួចប៉ុណ្ណោះ ។ ត្រីសាល់ម៉ុនផ្ទុកទៅដោយប្រូតេអីុនដែលមានគុណភាពខ្ពស់ ខ្លាញ់ល្អចំពោះសុខភាព ព្រមទាំងមានសារធាតុចិញ្ចឹមសំខាន់គ្រប់ប្រភេទ។ ត្រី និងអាហារសមុទ្រជាទូទៅ ផ្ទុកទៅដោយបរិមាណអុីយ៉ូតដ៏សំខាន់។ សារធាតុចិញ្ចឹមនេះចាំបាច់សម្រាប់មុខងារក្រពេញទីរ៉ូអីុត ដែលវាសំខាន់ក្នុងការបំលែងសារធាតុមេតាបូលីស ។
២-ត្រីធូណា ៖ ត្រីធូណាជាប្រភេទត្រីមួយទៀតដែលមានកាឡូរីទាប និងមានប្រូតេអីុនខ្ពស់ ដូច្នេះវាមិនសូវមានជាតិខ្លាញ់ច្រើនទេ ។ ត្រីធូណាគឺមានភាពពេញនិយមក្នុងចំណោមអ្នកហ្វឹកហាត់យកសាច់ដុំ និងអ្នកហ្វឹកហាត់កាយសម្បទាដើម្បីសម្រកទម្ងន់ ព្រោះវាជាអាហារដ៏ល្អក្នុងការរក្សាជាតិប្រូតេអីុនឲ្យខ្ពស់ ដោយមានជាតិកាល់ឡូរីនិងជាតិខ្លាញ់សរុបទាប ។
៣-ម្រេច ៖ ការទទួលទានម្រេចអាចមានប្រយោជន៍ក្នុងការសម្រកទម្ងន់។ ពួកវាមានសារធាតុមួយដែលគេហៅថា capsaicin ដែលត្រូវបានគេបង្ហាញថា អាចជួយកាត់បន្ថយការឃ្លានអាហារ និងបង្កើនការដុតបំផ្លាញជាតិខ្លាញ់នៅក្នុងការសិក្សាមួយចំនួន ។
សារធាតុនេះត្រូវបានលក់ក្នុងទម្រង់ជាថ្នាំគ្រាប់ និងជាគ្រឿងផ្សំទូទៅនៅក្នុងថ្នាំគ្រាប់សម្រាប់សម្រកទម្ងន់ ។
៤-គ្រាប់ Chia ៖ គ្រាប់ Chia ស្ថិតក្នុងចំណោមអាហារដែលមានជីវជាតិបំផុតនៅលើលោកនេះ ។ ពួកវាផ្ទុកសារជាតិកាបូអីុដ្រាត ១២ក្រាមក្នុងមួយអោន ដែលជាបរិមាណមួយដ៏ខ្ពស់ ប៉ុន្តែ១១ក្រាមនៃជាតិកាបូអីុដ្រាតទាំងនោះគឺជាជាតិកាកសរសៃ។ វាធ្វើឲ្យគ្រាប់ Chia ក្លាយជាអាហារមានជាតិស្ករតិចនិងជាប្រភពដ៏ល្អបំផុតនៃជាតិកាកសរសៃ ។
ដោយសារតែជាតិកាកសរសៃ ដែលមានក្នុងគ្រាប់ chia វាអាចស្រូបជាតិទឹករហូតដល់ ១១-១២ ដងនៃទម្ងន់របស់ពួកវា ។ ទោះបីជាការសិក្សាមួយចំនួនបានបង្ហាញថា គ្រាប់ chia អាចជួយកាត់បន្ថយការឃ្លានអាហារ ប៉ុន្តែពួកគេមិនទាន់បានរកឃើញពីឥទ្ធិពលសំខាន់លើការសម្រកទម្ងន់ទេ។ ទោះជាយ៉ាងណា ដោយសារសារធាតុចិញ្ចឹមរបស់វា នឹងធ្វើឱ្យគេយល់ថា គ្រាប់ chia អាចមានសារៈប្រយោជន៍ក្នុងការសម្រកទម្ងន់ ៕
ចែករំលែកព័តមាននេះ