ប៉ារ៉ាស៊ីតគឺជាពពួកមីក្រុបដែលរស់នៅដោយសារសរីរាង្គផ្សេងទៀត ។ នរណាក៏អាចឆ្លងប៉ារ៉ាស៊ីតបានដែរ។ ប៉ារ៉ាស៊ីតមួយចំនួនអាចបង្កឱ្យមានជំងឺដោយផ្ទាល់ ខណៈប៉ារ៉ាស៊ីតផ្សេងទៀតបណ្តាលឱ្យកើតជំងឺដោយសារជាតិពុលដែលពួកវាផលិត ។ មានប៉ារ៉ាស៊ីតជាច្រើនប្រភេទដែលរស់នៅក្នុងខ្លួនអ្នកនិងចិញ្ចឹមខ្លួនវាដោយការស្រូបយកសារធាតុចិញ្ចឹមវពីរាងកាយរបស់ង្នក ។ ប៉ារ៉ាស៊ីតខ្លះរស់ដោយសារម្ហូបអាហារដែលអ្នកបរិភោគទៅ មួយចំនួនទៀតស៊ីកោសិកាឈាមក្រហមរបស់អ្នក និងមួយក្រុមទៀតថែមទាំងបង្កើតពងប៉ារ៉ាស៊ីតក្នុងរាងកាយរបស់អ្នកឱ្យតែច្រើន ។
ខាងក្រោមនេះគឺជាសញ្ញាព្រមានកំពូលទាំង៤ដែលបង្ហាញថា រាងកាយរបស់អ្នកពេញទៅដោយប៉ារ៉ាស៊ីត ។
១-បញ្ហារំលាយអាហាររ៉ាំរ៉ៃ ៖ ការឆ្លងប៉ារ៉ាស៊ីតក្នុងពោះវៀនអាចបង្កឱ្យមានការរលាក និងបំផ្លាញស្រទាប់ពោះវៀន ដែលនាំឱ្យមានជំងឺរាករូសរ៉ាំរ៉ៃ ។
សូម្បីតែកាកសំណល់ពុលដែលផលិតដោយពពួកប៉ារ៉ាស៊ីតនេះអាចបង្កឱ្យមានការទល់លាមករ៉ាំរ៉ៃ ហ្គាសក្នុងពោះ ហើមពោះ ចង្អោរ និងក្រហាយក្នុងក្រពះ ។
ប្រសិនបើអ្នកទទួលទានអាហារមានជាតិសរសៃខ្ពស់ និងអាហារអាល់កាឡាំងយ៉ាងច្រើនជារៀងរាល់ថ្ងៃ និងនៅតែមានបញ្ហាជំងឺរាគ ឬបញ្ហារំលាយអាហារផ្សេងទៀត សូមពិចារណាក្នុងការបញ្ចុះប៉ារ៉ាស៊ីតចេញពីរាងកាយរបស់អ្នក។
២-ឈឺពោះ ៖ បញ្ហាក្រពះមួយផ្សេងទៀតដែលបង្កឡើងដោយពពួកប៉ារ៉ាស៊ីតគឺជាការឈឺពោះ ។ ប៉ារ៉ាស៊ីតរស់នៅក្នុងពោះវៀនតូចផ្នែកខាងលើ បណ្តាលឱ្យមានការរលាកនៅនឹងតំបន់នោះ ដែលធ្វើឲ្យអ្នកមានអារម្មណ៍ហើមពោះ និងឈឺចាប់នៅក្នុងពោះ ។
លើសពីនេះទៅទៀតប៉ារ៉ាស៊ីតក៏អាចទប់ស្កាត់ការដឹកជញ្ជូនផលិតផលកាកសំណល់ចេញពីរាងកាយ ដែលអាចនាំឱ្យមានការឈឺចាប់នៅតំបន់ពោះផ្នែកខាងលើ ។
៣រមាស់រន្ធគូថ ៖ ការរមាស់នៅជុំវិញរន្ធគូថ គឺជាសញ្ញាមួយផ្សេងទៀតនៃការឆ្លងប៉ារ៉ាស៊ីត ។ ជាពិសេស អ្នកដែលមានអៀនតែងតែមានបញ្ហារមាស់រន្ធគូថ ឬភាពមិនស្រួល។ ការរមាស់នៅជុំវិញរន្ធគូថនេះកើតឡើងជាញឹកញាប់នៅពេលយប់ នៅពេលដែលអៀនញីបង្កើតពង ។ ការរមាស់នេះត្រូវបានបង្កឡើងដោយអៀនញីទៅពងនៅជុំវិញរន្ធគូថ។ ទាំងអៀនញី និងចង្កោមនៃពងអៀន ធ្វើឲ្យមានការរមាស់ ឬការឈឺចាប់ធ្ងន់ធ្ងរទៀតផង ។
៤-អស់កម្លាំង និងទន់ខ្សោយ ៖ ការអស់កម្លាំងអាចជាសញ្ញាមួយនៃការឆ្លងប៉ារ៉ាស៊ីត ។ វាមានទំនាក់ទំនងជាចម្បងជាមួយនឹងដង្កូវពោះវៀន ដែលស្រូបយកសារធាតុចិញ្ចឹមសំខាន់ពីរាងកាយរបស់អ្នក ដោយស្រូបយកចំណីអាហារដែលអ្នកបានបរិភោគ ។ ការស្រូបយកវីតាមីន សារធាតុរ៉ែ ខ្លាញ់ និងកាបូអុីដ្រាតដ៏អាក្រក់នេះអាចធ្វើឱ្យរាងកាយចុះខ្សោយ បន្សល់ឲ្យអ្នកនៅភាពអស់កម្លាំង ជំងឺធ្លាក់ទឹកចិត្ត និងអារម្មណ៍ព្រងើយកន្ដើយ ។ វាអាចនាំឱ្យមានការអស់កម្លាំងផ្លូវចិត្ត ផ្លូវកាយនិងផ្លូវអារម្មណ៍ ។
លើសពីនេះកាកសំណល់មេតាបូលីតពុលដែលផលិតដោយប៉ារ៉ាស៊ីត បណ្តាលឱ្យសរីរាង្គរបស់យើងធ្វើការកាន់តែខ្លាំងក្នុងការលុបបំបាត់ផលិតផលកាកសំណល់ទាំងនេះ ។ វាក៏ធ្វើឱ្យអ្នកអស់កម្លាំង ថយចុះថាមពល និងទន់ខ្សោយហួសហេតុ ៕
ចែករំលែកព័តមាននេះ