ខេត្តកោះកុង ៖ អំណោយមនុស្សធម៌របស់អ្នកឧកញ៉ា មហាភក្តីសប្បុរិសភោគាធិបតី ហ៊ុន នាង និងមហាឧបាសិកា ប៊ុន ស៊ាងលី ឪពុកម្តាយបង្កើតសម្តេចតេជោ និងសម្តេចកិត្តិព្រឹទ្ធបណ្ឌិត បានធ្វើការប្រគល់ជូនដោយលោលហ៊ុន ម៉ាណែត និងភរិយា ។ បើទោះបីជាស្ថានភាពផ្លូវលំបាក ដោយត្រូវប្រើមធ្យោបាយច្រើនប្រភេទ (រថយន្ត ម៉ូតូ ទូក) ក្តី ក៏ក្រុមការងារមូនិធិអណ្តូងទឹកស្អាតបានចុះទៅដល់តំបន់អារ៉ែង ស្រុកថ្មរបាំង ខេត្តកោះកុង ដើម្បីប្រគល់អណ្តូងទឹកស្អាតចំនួន១៦ ជូនដល់ប្រជាពលរដ្ឋអាស្រ័យផលស្ថិតនៅក្នុងឃុំជីណប់ ឃុំប្រឡាយ ឃុំថ្មដូនពៅ និងឃុំឫស្សីជ្រុំ ស្រុកថ្មបាំង ខេត្តកោះកុង ។
នៅក្នុងឱកាសជួបសំណេះសំណាលសួរសុខទុក្ខជាមួយប្រជាពលរដ្ឋ ដែលទទួលអាស្រ័យផលអណ្តូងទឹកស្អាតទាំងអស់ លោកហ៊ុន ម៉ាណែត លោកជំទាវ ពេជ្រ ចន្ទមុន្នី ប្រធានមូលនិធិអណ្តូងទឹកស្អាត ក៏បានឱ្យដឹងថា អំណោយអណ្តូងទឹកទាំងនេះ គឺជាអំណោយកេរ្តិ៍មរតករបស់អ្នកឧញ៉ាមហាភក្តីសប្បុរិសភោគាធិបតី ហ៊ុន នាង និងមហាឧបាសិកា ឌីប៉ុក ដែលត្រូវជាឪពុកម្តាយបង្កើតសម្តេចតេជោ ហ៊ុន សែន ចំនួន៨អណ្តូង ដែលគាត់បានទទួលអនិច្ចកម្មទៅហើយនោះ ។
គួររំលឹកថា កាលដែលលោកនៅមានជីវិតលោក គឺជាមនុស្សដែលមានចិត្តសប្បុរសធម៌ បរិច្ចាគទ្រព្យធនផ្ទាល់ខ្លួនជាច្រើន ក្នុងវិស័យមនុស្សធម៌ ជាពិសេស គឺបងប្អូនប្រជាពលរដ្ឋរស់នៅតាមទីជនបទដាច់ស្រយាល ខ្វះខាតទឹកស្អាតប្រើប្រាស់ ហេតុដូច្នេះបន្ទាប់ពីលោកលាចាកលោកទៅ ទើបកូនចៅសម្រេចយកថវិកា ដែលនៅសេសសល់ទាំងប៉ុន្មាន មកធ្វើជាមូលនិធិអណ្តូងទឹកស្អាត ដាក់ជួនប្រជាពលរដ្ឋប្រើប្រាស់នៅគ្រប់ខេត្តក្រុងទាំងអស់ ក្នុងព្រះរាជាណាចក្រកម្ពុជា ។
ចែករំលែកព័តមាននេះ