ខេត្ដបន្ទាយមានជ័យ ៖ កាលពីព្រឹកថ្ងៃ ទី៣ មិថុនា លោកនាយឧត្ដមសេនីយ៍កែ គឹមយ៉ាន ឧបនាយករដ្ឋមន្ដ្រី និងជាប្រធាន អាជ្ញាធរជាតិប្រយុទ្ធប្រឆាំងគ្រឿងញៀន បានអញ្ជើញជាអធិបតីក្នុងពិធីសម្ពោធអគារ មណ្ឌលកុមារកំព្រារបស់សមាគមផ្ដល់ភាព ញញឹមនៃកម្ពុជា ស្ថិតក្នុងភូមិបាលិលេយ្យ សង្កាត់ប៉ោយប៉ែត ក្រុងប៉ោយប៉ែត ។ អញ្ជើញចូលរួមក្នុងពិធីនោះមានលោកអ៊ុង អឿន អភិបាលខេត្ដ លោកប៉ុក សាលុយ ប្រធានក្រុមប្រឹក្សាខេត្ដ លោកឧត្ដមសេនីយ៍ ប្រតិភូអាជ្ញាធរជាតិប្រយុទ្ធប្រឆាំងគ្រឿង ញៀន អស់លោក លោកស្រីគណៈអភិបាល ខេត្ដ ក្រុមប្រឹក្សាខេត្ដ លោកទ្រី ណារិន អភិបាលក្រុងប៉ោយប៉ែត លោកស្ទេវិន ចន ហាយ ប្រធានមណ្ឌលកុមារកំព្រានិងភរិយា ព្រមទាំងអស់លោក លោកស្រីជាថ្នាក់ដឹកនាំ មន្ដ្រីរាជការ កងកំលាំងប្រដាប់អាវុធ លោក គ្រូ អ្នកគ្រូ សិស្សានុសិស្ស កុមារកំព្រា ប្រជាពលរដ្ឋនិងតំណាងអង្គការជាតិ-អន្ដរជាតិយ៉ាងច្រើនកុះករ ។
លោកអ៊ុង អឿន បានឱ្យដឹងថា ទីតាំង មណ្ឌលកុមារកំព្រានេះ មានផ្ទៃដីទំហំ៦០ ម៉ែត្រិ៍១៤០ម៉ែត្រ មានអគារចំនួន៣កំពស់ ២ជាន់ សាងសង់អស់ថវិកាចំនួន២០៥.៦០០ ដុល្លារសហរដ្ឋអាមេរិក ។ អគារនេះចាប់ ផ្ដើមសាងសង់នៅថ្ងៃទី១៥ កក្កដា ឆ្នាំ២០០៩ ហើយបញ្ចប់ជាស្ថាពរនៅថ្ងៃទី២៥ ឧសភា ២០១០។ លោកស្ទេវិនចនហាយ បានថ្លែងថា លោក បានកសាងមណ្ឌលកុមារកំព្រាបែបនេះនៅ ខេត្ដក្រចេះ កាលពីឆ្នាំ១៩៩៦ ហើយបន្ដការ យកចិត្ដទុកដាក់បន្ថែមទៀតដើម្បីជួយដល់ កុមារកំព្រាក្នុងនាមមនុស្សធម៌ ។ ដំបូងការ សាងសង់មណ្ឌលកុមារកំព្រានៅខេត្ដបន្ទាយ មានជ័យនេះគឺលោកជួបជាមួយលោកអ៊ុង អឿន អភិបាលខេត្ដ ហើយលោកអភិបាលក៏ បានស្នើឱ្យលោកជួយ ។ ដោយមើលឃើញ ពីការលំបាករបស់កុមារមួយចំនួននៅតាម ស្រុកភូមិ ព្រោះតែជីវភាពខ្វះខាត ពិសេស កុមារកំព្រា ទើបលោកនិងភរិយាបានកៀង គរមិត្ដភក្ដិជាច្រើននៅក្រៅប្រទេសមកជួយកសាងអគារមណ្ឌលកុមារកំព្រានេះឡើង ។
លោកស្ទេវិន ចនហាយ បានបន្ដទៀតថា អគារមណ្ឌលកុមារកំព្រារបស់លោកនឹងបន្ដ ទទួលកុមារកំព្រាបន្ថែមចំនួន១០០នាក់ទៀត ហើយលោកក៏បានអំពាវនាវដល់សប្បុរស ជនក្នុង និងក្រៅប្រទេស សូមឱ្យចូលរួម អភិវឌ្ឍន៍ដោយលោកប្រាប់ថា ក្នុងមណ្ឌល របស់លោកនៅមានការខ្វះខាតសំភារមួយ ចំនួនផងដែរ ។ លោកនាយឧត្ដមសេនីយ៍កែ គឹមយ៉ាន បានថ្លែងអំណរគុណចំពោះស្មារតីទទួលខុស ត្រូវខ្ពស់របស់គណៈអភិបាលខេត្ដ ក្រុម ប្រឹក្សាខេត្ដ ថ្នាក់ដឹកនាំ មន្ដ្រីរាជការ កង កំលាំងប្រដាប់អាវុធគ្រប់អង្គភាព គ្រប់ស្រុក -ក្រុងទូទាំងខេត្ដ ដែលបានរួមសាមគ្គីគ្នា ប្រកបដោយមនសិការជាតិ ជំរុញកសាងនិង អភិវឌ្ឍន៍ទឹកដីជាយដែនខេត្ដបន្ទាយមាន ជ័យឱ្យកាន់តែមានការរីកចំរើនរុងរឿងទៅ មុខជាលំដាប់ ស្របតាមកម្មវិធីនយោបាយ និងយុទ្ធសាស្ដ្រចតុកោណជំហានទី២របស់ រាជរដ្ឋាភិបាល ។
ក្នុងពិធីសម្ពោធនេះដែរ ទាំងលោកអ៊ុង អឿន និងលោកនាយឧត្ដមសេនីយ៍ កែ គឹម យ៉ាន សុទ្ធតែបានកោតសរសើរដល់ទឹកចិត្ដ សប្បុរសធម៌របស់លោកស្ទេវិនចនហាយ និងភរិយា ព្រមទាំងថ្លែងអំណរគុណចំពោះ ទឹកចិត្ដដ៏ប្រពៃមិនអាចកាត់ថ្លៃបានរបស់ លោកស្ទេវិនចនហាយដែលបានកៀងគរ មិត្ដភក្ដិឱ្យជួយដល់កុមារកំព្រានៅកម្ពុជា ។ នៅចុងបញ្ចប់នៃពិធីសម្ពោធ លោកនាយ ឧត្ដមសេនីយ៍ក៏បានបំពាក់គ្រឿងឥស្សរិយ យសជូនសប្បុរសជន និងថ្នាក់ដឹកនាំមួយ ចំនួនក្នុងខេត្ដនិងក្រុង ព្រមទាំងសង្កាត់ ផងដែរ ។
ចែករំលែកព័តមាននេះ