កុមារនៅតំបន់ភ្នំក្នុងខេត្តស៊ីឈួន ប្រទេសចិន ព្យាយាមសួកាំជណ្តើរឡើងចុះភ្នំកម្ពស់៨០០ម៉ែត្រ ដើម្បីទៅរៀនដោយប្រឈមមុខនឹងគ្រោះថ្នាក់បំផុត ព្រោះជណ្តើរចាស់ពីមុនធ្វើពីវល្លិ ។ ដោយឃើញការលំបាកបែបនោះ អាជ្ញាធរបានធ្វើជណ្តើរថ្មីមាំទាំសម្រាប់ពួកគេឡើងចុះភ្នំ ។
ភូមិនោះមានទីតាំងស្ថិតនៅទីខ្ពស់ ឈ្មោះភូមិ «ថ្មជញ្ជាំងភ្នំ» ដោយក្មេងទាំងឡាយត្រូវសួឡើងចុះទៅសាលានៅផ្នែកខាងក្រោម ក្នុងកម្ពស់៨០០ម៉ែត្រ ហើយរាល់ពេលធ្វើដំណើរត្រូវប្រឈមុខនឹងគ្រោះថ្នាក់ ។ បច្ចុប្បន្នទោះបីជាកុមារត្រូវកាន់បង្កាន់ដៃ និងសួឡើងដោយប្រុងប្រយ័ត្នក៏ដោយ ប៉ុន្តែតួជណ្តើរទាំងមូលស្ថិតក្នុងលក្ខណៈបញ្ឈរប្រហែល៦០ដឺក្រ ជិតស្របនឹងជញ្ជាំងភ្នំ និងជាផ្នែកមួយធ្វើឱ្យមានលក្ខណៈងាយស្រួលជាងជណ្តើរចងព្យួរដោយវល្លិ កាលពីពេលកន្លងមក ៕
ចែករំលែកព័តមាននេះ