លោកម៉ាក វេបប៊័រ កីឡាករអូស្ដ្រាលីបានបញ្ជាយានយន្ដរបស់ខ្លួនប្រជែងយកឈ្នះ កីឡាករមិត្ដរួមក្រុមសេបាស្ទៀន វេតទែល រហូតដណ្ដើមបានជើងឯកហ្វមមូឡាវ័នជុំទី៦នៃកម្មវិធីប្រណាំង Monaco Grand Prix នៅទីក្រុងម៉ូណាកូ ប្រទេសម៉ូណាកូ កាលពីថ្ងៃអាទិត្យ ទី១៦ ខែឧសភា កន្លងមកនេះ។
លោកម៉ាក វេបប៊័រ កីឡាករអូស្ដ្រាលីបានបញ្ជាយានយន្ដរបស់ខ្លួនប្រជែងយកឈ្នះ កីឡាករមិត្ដរួមក្រុមសេបាស្ទៀន វេតទែល រហូតដណ្ដើមបានជើងឯកហ្វមមូឡាវ័នជុំទី៦នៃកម្មវិធីប្រណាំង Monaco Grand Prix នៅទីក្រុងម៉ូណាកូ ប្រទេសម៉ូណាកូ កាលពីថ្ងៃអាទិត្យ ទី១៦ ខែឧសភា កន្លងមកនេះ។
វេបប៊័រដែលជាអ្នកបើកបររថយន្ដឱ្យ ក្រុមប្រណាំង Red Bull បានបញ្ចប់ការប្រណាំងក្នុងថិរវេលា១ម៉ោង៥០នាទី និង ១៣.៣៥វិនាទីលើផ្លូវប្រណាំងចំនួន៧៨ជុំដែលមានចំងាយ២៦០,៥២០គីឡូម៉ែត្រ។ ចំណាត់ថ្នាក់លេខ២បានទៅលើកីឡាករអាល្លឺម៉ង់ លោកវេតទែល បន្ទាប់ពីបានបញ្ចប់ការប្រណាំងក្នុងថិរវេលាច្រើនជាងលោក វេបប៊័រ ០.៤៤វិនាទី ។ ចំណែកកីឡាករប៉ូឡូញ លោករ៉ូបឺត គូប៊ីកា ដែលបើកបរឱ្យក្រុមប្រណាំងឈ្មោះ Reneault បញ្ចប់ការប្រណាំងក្នុងចំណាត់ថ្នាក់ទី៣ បន្ទាប់ពីបានប្រើពេលច្រើនជាងលោកវេបប៊័រ១.៦៧វិនាទី។ ចំណែកកីឡាករប្រេស៊ីល លោកហ្វីលីព ម៉ាសា បញ្ចប់ការប្រណាំងក្នុងចំណាត់ថ្នាក់ទី៤ ខណៈដែលលោកម៉ៃឃើល ស្គូម៉ាត ឈ័រ បញ្ចប់ការប្រណាំងក្នុងចំណាត់ថ្នាក់ទី១២។
សំរាប់លោកវេបប៊័រ ជ័យជំនះលើកនេះ គឺជាលើកទី២ ខណៈកាលពីចុងសបា្ដហ៍មុននៅប្រទេសអេស្ប៉ាញបានយកឈ្នះការប្រណាំងបណ្ដោះអាសន្ន។ បន្ទាប់ពីទទួលបានជើងឯកលោកវេបប៊័របាននិយាយថា “នេះជាជ័យជំនះដែលហួសពីការស្មានរបស់ខ្ញុំ។ ថ្ងៃនេះជាទិវាដ៏មហស្ចារ្យនៅក្នុងជីវិតរបស់ខ្ញុំ។ ការឈ្នះពានរង្វាន់ជើងឯកនៅ ទីនេះគឺជារឿងដ៏វិសេសបំផុត។ នេះគឺជាទីកន្លែងដ៏ល្អសំរាប់ធ្វើតេស្ដ”។ ឯលោកវេត ទែលបាននិយាយថា “ខ្ញុំមិនអាចតាមទាន់ លោកវេបប៊័រ បានឡើយ។ វាមានការខុសចន្លោះគ្នាតែបន្ដិចបន្ដួចប៉ុណ្ណោះ។ វាពិតជាមានការពិបាកខ្លាំងណាស់ក្នុងការវ៉ាលោក វេបប៊័រ ខណៈជិតចូលដល់ទីព្រ័ត្រដូច្នេះខ្ញុំក៏ បានសំរេចចិត្ដថាឈប់តាម” ។ អ្វីដែលជាការរីករាយបំផុតសំរាប់លោកវេបប៊័រលើក នេះនោះគឺជ័យជំនះលើកនេះបានជួយឱ្យលោកមានពិន្ទុឈរនៅលំដាប់លើគេនៃ តារាងពិន្ទុជើងឯកពិភពលោក ។
បន្ទាប់ពីឆ្លងកាត់ការប្រណាំងជុំទី៦នេះ រួចមកលោកវេបប៊័រ សន្សំបាន៧៨ពិន្ទុស្មើគ្នាជាមួយលោកវេតទែល ។ ចំណែកលោក អាឡុនសូ កីឡាករអេស្ប៉ាញសន្សំបាន៧៥ ពិន្ទុឈរនៅលំដាប់ទី៣លើតារាងជើងឯកពិភពលោក នាំមុខលើកីឡាករអង់គ្លេស ជេលសុន បាតថុន ដែលមាន៧០ពិន្ទុ ខណៈ លោកម៉ាសា មាន៦១ពិន្ទុឈរនៅលំដាប់ទី៥។ ឯលោកស្គូម៉ាតឈ័រឆ្លងកាត់ការប្រណាំងជុំទី៦នេះមក រូបលោកសន្សំបានត្រឹមតែ២២ពិន្ទុប៉ុណ្ណោះ ។
ដោយឡែកក្រុមដែលសន្សំពិន្ទុបានច្រើន ជាងគេ គឺក្រុម Red Bull ឈរនៅលំដាប់ ទី១មាន១៥៦ពិន្ទុ ក្រុមហ្វេរ៉ារី ឈរនៅ លំដាប់ទី២មាន១៣៦ពិន្ទុ និងក្រុម McLa ren មាន១២៩ពិន្ទុឈរនៅលំដាប់ទី៣។ ចំណែកក្រុម Mercedes GP មាន៧៨ពិន្ទុ ខណៈក្រុម Reneault មាន៦៥ពិន្ទុ .
ចែករំលែកព័តមាននេះ