រាជធានីភ្នំពេញ ៖ សេចក្តីរាយការណ៍ឱ្យដឹងថា ហេតុការណ៍គ្រោះថ្នាក់ចរាចរណ៍មួយបង្កឱ្យភ្ញាក់ផ្អើលយ៉ាងខ្លាំង បន្ទាប់ពីរថយន្តម៉ាកគៀដឹកទឹកកកមួយគ្រឿង បានប៉ះម៉ូតូកង់៣ ហើយជ្រុលឡើងទៅលើខឿនសួនច្បារ ទើបទៅណាលែងរួច ដែលហេតុការណ៍នេះកើតឡើងកាលពីវេលាម៉ោង០៥ និង៤០នាទីទៀបភ្លឺថ្ងៃទី២៤ វិច្ឆិកា ស្ថិតតាមបណ្តោយផ្លូវភ្នំពេញ-ហាណូយ ក្នុងភូមិបន្លាស្អិត សង្កាត់ឃ្មួញ ខណ្ឌសែនសុខ ។
ប្រភពឱ្យដឹងថា សំណាងល្អហើយ ដែលមិនមានមនុស្សម្នាក់រងគ្រោះថ្នាក់ ។ រីឯបើករថយន្តខាងលើ ត្រូវសមត្ថកិច្ចឃាត់ខ្លួនបានភ្លាមៗ ឈ្មោះអួង ជា អាយុ២២ឆ្នាំ មានទីលំនៅភូមិត្រពាំងថ្មី សង្កាត់ឃ្មួញ ខណ្ឌសែនសុខ រថយន្តមានពាក់ស្លាកលេខភ្នំពេញ 2N-5043 ។
ប្រភពបន្តថា មុនពេលកើតហេតុ គេឃើញរថយន្តនោះ បើកពីទិសខាងត្បូង ទៅខាងជើងយ៉ាងលឿន ។ លុះដល់ចំណុចកើតហេតុ មិនយ៉ាងម៉េច ក៏ជ្រុលបុកម៉ូតូកង់៣មួយគ្រឿង បណ្តាលឱ្យខ្ទេចមួយចំហៀង ហើយក៏បន្តចង្កូតឡើងទៅលើខឿនសួនច្បាររតែ
ម្តង ។
ចែករំលែកព័តមាននេះ