រាជធានីភ្នំពេញ ៖ ក្រុមហ៊ុន ព្រីនស៍ ផ្លាហ្សា ដែលមានទីតាំងក្នុងដីឡូត៍មួយកន្លែង ស្ថិតក្នុងសង្កាត់ទន្លេបាសាក់ ខណ្ឌចំការមន ត្រូវបានសមត្ថកិច្ចចុះទៅព្រោងព្រាត …
រាជធានីភ្នំពេញ ៖ ក្រុមហ៊ុន ព្រីនស៍ ផ្លាហ្សា ដែលមានទីតាំងក្នុងដីឡូត៍មួយកន្លែង ស្ថិតក្នុងសង្កាត់ទន្លេបាសាក់ ខណ្ឌចំការមន ត្រូវបានសមត្ថកិច្ចចុះទៅព្រោងព្រាត ដើម្បីធ្វើការត្រួតពិនិត្យការស្នាក់ និងបំពេញការងាររបស់ជនបរទេសតាំងពីម៉ោង៦ និង៣០នាទីព្រឹក ថ្ងៃទី២៤ ខែវិច្ឆិកា ឆ្នាំ២០១៦ ។
ប្រភពព័ត៌មានបានឲ្យដឹងថា រហូតមកដល់ម៉ោង៨ និង៥០នាទីព្រឹកថ្ងៃដដែលនេះ ក្នុងចំណោមជនជាតិ២៩៦នាក់(ស្រី៥នាក់)ដែលស្នាក់នៅក្នុងក្រុមហ៊ុននេះ សមត្ថកិច្ចបានឃាត់ខ្លួនជនជាតិចិនដែលគ្មានឯកសារបានចំនួន១០នាក់ហើយ ហើយនៅកំពុងបន្តត្រួតពិនិត្យបន្តទៀតនៅឡើយទេ ។
សូមបញ្ជាក់ថា ប្រតិបត្តិការត្រួតពិនិត្យការស្នាក់នៅ និងបំពេញការងាររបស់ជនបរទេសនៅព្រឹកនេះ ដឹកនាំដោយលោកឧត្តមសេនីយ៍ទោ អ៊ុក ហៃសីឡា ប្រធាននាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋានអន្តោប្រវេសន៍ ក្រសួងមហាផ្ទៃសហការជាមួយកម្លាំងការិយាល័យអន្តោប្រវេសន៍រាជធានីភ្នំពេញ និងដឹកនាំសម្របសម្រួលដោយលោក សៀង សុខ ព្រះរាជអាជ្ញារងអមសាលាដំបូងរាជធានីភ្នំពេញ ។
ចែករំលែកព័តមាននេះ