ខេត្តកំពង់ឆ្នាំង ៖ ក្រៅពីរបរស្រែចម្ការ អ្នកភូមិបា.ញ់ឆ្គោល (សូមអានថា បា.ញ់ឆគោល) ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង គឺនៅមានរបរមួយទៀត គឺធ្វើក្អម ឆ្នាំង វត្ថុអនុស្សាវរីយ៍ និងចង្ក្រាន ព្រមជាមួយគ្នានេះ ប្រជាពលរដ្ឋក្នុងភូមិមួយចំនួនទៀត ក៏បានចាប់យករបរមួយគឺដឹកគ្រឿង ដែលធ្វើអំពីដីមួយនេះ ដើរលក់គ្រប់ខេត្ត-ក្រុងក្នុងព្រះរាជាណាចក្រកម្ពុជា ។
ខេត្តកំពង់ឆ្នាំង ៖ ក្រៅពីរបរស្រែចម្ការ អ្នកភូមិបាញ់ឆ្គោល (សូមអានថា បាញ់ឆគោល) ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង គឺនៅមានរបរមួយទៀត គឺធ្វើក្អម ឆ្នាំង វត្ថុអនុស្សាវរីយ៍ និងចង្ក្រាន ព្រមជាមួយគ្នានេះ ប្រជាពលរដ្ឋក្នុងភូមិមួយចំនួនទៀត ក៏បានចាប់យករបរមួយគឺដឹកគ្រឿង ដែលធ្វើអំពីដីមួយនេះ ដើរលក់គ្រប់ខេត្ត-ក្រុងក្នុងព្រះរាជាណាចក្រកម្ពុជា ។
ប៉ុន្តែយ៉ាងនេះក្តី មុខរបរធ្វើចង្ក្រាន គឺត្រូវចំណាយដើមទុនធំ និងខ្លះត្រូវខ្ចីប្រាក់គេ ចំណែកអ្នកដឹកលក់តាមខេត្តផ្សេងៗនៅជួបបញ្ហា សមត្ថកិច្ចនគរបាលតែងផាកពិន័យពួកគាត់ ព្រោះតែការដឹកសំពីងសំពោងរបៀបនេះ ។
បុរសម្នាក់ឈ្មោះសួស រិទ្ធី និងភរិយា ដែលកំពុងមមារញឹកដាក់សន្ទះចង្ក្រានបានឆ្លៀបប្រាប់ខ្លះៗថា មុខរបរធ្វើចង្ក្រាន ថ្វីបើធ្វើចង្ក្រានបានលក់ដាច់ សឹងតែមិនទាន់ក៏ពិតមែន ប៉ុន្តែមុខរបរនេះ ទាមទារឱ្យមានដើមទុនធំណាស់ ព្រោះអ្វីៗក៏ត្រូវទិញគេដែរ មានដូចជាដីឥដ្ឋ សំបកប៉ោត និងអង្កាមដុតជាដើម ។ ក្រៅពីនោះ នៅជួលកម្លាំងពលកម្ម មានដូចជាចាក់ពុម្ភចង្ក្រាន ដុតចង្ក្រាន វ៉ៃសំបកចង្ក្រាន ញាត់អង្កាម បៀកមាត់ចង្ក្រាន និងដាក់សន្ទះចង្ក្រានជាដើម ។
មុខរបរមួយនេះ គឺពិតជាត្រូវចំណាយទុនច្រើនមែន អ្នកមានលុយគេពង្រីកធំទៅ តែខ្លះអត់លុយ ក៏ខ្ចីពីធនាគារ ហើយរបរនេះទៀត ក៏ធ្វើបានតែខែប្រាំងប៉ុណ្ណោះ ចំណែកខែវស្សាធ្វើមិនកើតឡើយ ព្រោះគ្មានថ្ងៃហាល និងម្យ៉ាងវិញទៀត អ្នកទទួលដុំដើរលក់តាមខេត្តគេសម្រាកធ្វើស្រែដែរ។ ដោយសារបញ្ហានេះ គាត់សំណូមពរបងៗប៉ូលិសមេត្តាយោគយល់ និងអធ្យាស្រ័យដល់អ្នកដឹកចង្ក្រាន ក្អម ឆ្នាំងផង ។
គួរបញ្ជាក់ដែរ រ៉ឺម៉កដឹកគ្រឿងប្រើប្រាស់ពីដីឥដ្ឋរបស់ពួកគាត់ គឺដាក់បានច្រើនណាស់ និងអាចមានទម្ងន់ច្រើនតោន ហើយពិតជាសំពីងសំពោងមែន តែបើគាត់មិនច្នៃដាក់ឱ្យបានច្រើន គាត់ចំណេញតិច គ្មានប្រាក់សល់ចូលផ្ទះវិញទេ ។
ចែករំលែកព័តមាននេះ