« Mirror » របស់អង់គ្លេសបានផ្សាយដោយយោងតាមប្រភពឯកសារពេទ្យ « South African Medical Journal » ថាបុរសអាហ្វ្រិកខាងត្បូងអាយុ២៨ឆ្នាំម្នាក់ ត្រូវម្តាយយកទៅមន្ទីរពេទ្យដើម្បីយកចិញ្ចៀនចេញពីលិង្គ ។
បុរសនោះបានយកចិញ្ចៀនរៀបការទៅពាក់នៅលិង្គ ដើម្បីជំរុញអារម្មណ៍ផ្លូវភេទតាមការណែនាំរបស់មិត្តភក្តិ ប៉ុន្តែជាអកុសលចិញ្ចៀនជាប់យកមិនចេញ ធ្វើឱ្យលិង្គហើម និងប្តូរពណ៌ ។ ៤ម៉ោងក្រោយគេស៊ូទ្រាំនឹងការឈឺចាប់មិនបាន ក៏ឱ្យម្តាយនាំទៅមន្ទីរពេទ្យ ។
ហេតុការណ៍ដែលកើតឡើង តម្រូវឱ្យរូបគេចូលវះកាត់ ដោយសារនៅបរិវេណចិញ្ចៀនឡើងហើម ធ្វើឱ្យគ្រូពេទ្យពិបាកយកចេញ ប៉ុន្តែជាចុងក្រោយគ្រូពេទ្យធ្វើឱ្យបរិវេណនោះហូរឈាម ទើបយកចេញដោយសុវត្ថិភាព ។
ជាសំណាងមួយក្នុងមួយពាន់គ្រោះថ្នាក់របស់បុរសរូបនោះ ដែលអវយវៈភេទរបស់គេអាចប្រើប្រាស់បានធម្មតា និងចេញពីមន្ទីរពេទ្យក្រោយពីព្យាបាលរយៈពេល៣ថ្ងៃ ។
វាជាភាពប្រថុយប្រថានក្នុងការព្យាបាល ព្រោះជារឿងមួយដែលមិនគួរកើត ដែលយកចិញ្ចៀនទៅពាក់លើលិង្គ ៕
ចែករំលែកព័តមាននេះ